പതിനെട്ടാം പടിയുടെ ഫസ്റ്റ് ലുക്ക് പോസ്റ്ററുമായി മമ്മൂട്ടി

Tue,Jan 01,2019


പുതുവര്‍ഷാരംഭത്തില്‍ മലയാളത്തിന്റെ രണ്ട് സൂപ്പര്‍സ്റ്റാറുകള്‍ തങ്ങളുടെ പുതിയ ചിത്രങ്ങളുടെ ഫസ്റ്റ് ലുക്ക് പോസ്റ്ററുകള്‍ പുറത്തിറക്കിയിരിക്കയാണ്. മോഹന്‍ ലാല്‍ തമിഴില്‍ മോഹന്‍ലാലിനോടൊപ്പം എത്തുന്ന കാപ്പാന്റെ ഫസ്റ്റ് ലുക്ക് അവതരിപ്പിച്ചപ്പോള്‍ മമ്മൂട്ടി എത്തുന്നത് തിരക്കഥാകൃത്തും നടനുമായ ശങ്കര്‍ രാമകൃഷ്ണന്‍ സംവിധാനം ചെയ്യുന്ന പതിനെട്ടാം പടിയുമായാണ്. വിഖ്യാത ചിത്രകാരന്‍ ലിയോനാര്‍ഡോ ഡാവിഞ്ചിയുടെ പ്രശസ്ത പെയിന്റിംഗായ 'അവസാനത്തെ അത്താഴ'ത്തെ (ദി ലാസ്റ്റ് സപ്പര്‍) ഓര്‍മിപ്പിക്കുന്ന രീതിയിലാണ് മമ്മൂട്ടി ചിത്രമായ പതിനെട്ടാം പടിയുടെ പുതിയ പോസ്റ്റര്‍. പഴങ്ങളും മധുരപലഹാരങ്ങളും തയ്യാറാക്കി വെച്ചിരിക്കുന്ന മേശയ്ക്കു മുന്നില്‍ മമ്മൂട്ടിയും സിനിമയിലെ മറ്റു സഹതാരങ്ങളും സന്തുഷ്ടരായി നില്‍ക്കുന്നതാണ് പോസ്റ്ററിലുള്ളത്. ബിജു സോപാനം, മാലാ പാര്‍വതി തുടങ്ങിയവരും പോസ്റ്ററിലുണ്ട്. ശങ്കര്‍ രാമകൃഷ്ണനാണ് പതിനെട്ടാംപടി സംവിധാനം ചെയ്യുന്നത്. ഓഗസ്റ്റ് സിനിമാസ് ആണ് നിര്‍മാതാക്കള്‍. ശങ്കര്‍ രാമകൃഷ്ണന്‍ സംവിധാനം ചെയ്യുന്ന രണ്ടാമത്തെ ചിത്രമാണ് പതിനട്ടാം പടി. ശങ്കര്‍ തന്നെയാണ് തിരക്കഥയും. കേരള കഫേയിലെ ഐലന്‍ഡ് എക്‌സ്പ്രസാണ് ശങ്കര്‍ സംവിധാനം ചെയ്ത ആദ്യ ചിത്രം. ഉറുമി, നത്തോലി ഒരു ചെറിയ മീനല്ല, മൈ സ്റ്റോറി എന്നീ സിനിമകള്‍ക്കും അദ്ദേഹം തിരക്കഥ എഴുതിയിട്ടുണ്ട്. ചിത്രത്തിന്റെ ആദ്യ പോസ്റ്ററില്‍ സ്‌മോക്കിങ്ങ് പൈപ്പുമായി സ്‌റ്റൈല്‍ വേഷത്തിലാണ് മമ്മൂട്ടി പ്രത്യക്ഷപ്പെട്ടത്. 'ജോണ്‍ എബ്രഹം പാലയ്ക്കല്‍' എന്നാണ് മമ്മൂട്ടിയുടെ കഥപാത്രത്തിന്റെ പേര്. 'മമ്മൂക്ക ബിക്കംസ് ദി മാസ്റ്റര്‍ മൈന്‍ഡ്' എന്ന തലക്കെട്ടോടെയായിരുന്നു പോസ്റ്റര്‍.

Other News

  • കത്രീന കൈഫിന്റെ ആഡംബര വാഹന ശേഖരത്തിലേക്ക് റേഞ്ച് റോവര്‍ വോഗ് എസ്ഇയും
  • മോഡിയായി വിവേക് ഒബ്‌റോയിയുടെ വ്യത്യസ്ത ലുക്കുകള്‍ പുറത്ത്!
  • മിയ ഖലീഫ വിവാഹിതയാകുന്നു!
  • സംവിധായകന്‍ റോഷന്‍ ആന്‍ഡ്രൂസിന് നിര്‍മാതാക്കളുടെ സംഘടനയില്‍ നിന്നും വിലക്ക്
  • നടന്‍ വിശാലിന്റെ വിവാഹ നിശ്ചയം കഴിഞ്ഞു, ആശിര്‍വാദവുമായി മോഹന്‍ലാലും സുചിത്രയും
  • ലൂസിഫറിലെ അടുത്ത ക്യാരക്ടര്‍ പോസ്റ്റര്‍ ; ധ്യാനത്തില്‍ മുഴുകി മഞ്ജു
  • രണ്ടാമൂഴം തിരക്കഥയുമായി ബന്ധപ്പെട്ട കേസില്‍ സംവിധായകന്‍ ശ്രീകുമാര്‍ മേനോന് തിരിച്ചടി
  • അജയ് ദേവ് ഗണിന്റെ നായികയായി കീര്‍ത്തി സുരേഷ് ഹിന്ദിയില്‍!
  • നടി മുത്തുമണിയുടെ ഭര്‍ത്താവ് പി.ആര്‍ അരുണ്‍ സംവിധായകനാകുന്നു!
  • സൂപ്പര്‍ ഡിലക്‌സില്‍ പോണ്‍ നടിയായി രമ്യ കൃഷ്ണന്‍
  • നമ്പി നാരായണന്റെ ജീവിതത്തെ ആസ്പദമാക്കി ഒരുക്കുന്ന ചിത്രത്തില്‍ ഷാരൂഖ് ഖാനും സൂര്യയും
  • Write A Comment

     
    Reload Image
    Add code here