സന്തോഷ് ശിവന്റെ പുതിയ ചിത്രത്തിന്റെ പേര് 'ജാക്ക് ആന്റ് ജില്‍'

Fri,Sep 14,2018


ഉറുമി'ക്കു ശേഷം സന്തോഷ് ശിവന്‍ സംവിധാനം ചെയ്യുന്ന പുതിയ ചിത്രത്തിന് പേരിട്ടു. ജാക്ക് ആന്റ് ജില്‍ എന്നു പേരിട്ടിരിക്കുന്ന ചിത്രത്തിന്റെ ഷൂട്ടിംഗ് ഒക്ടോബര്‍ 20ന് ആരംഭിക്കും. മഞ്ജു വാര്യര്‍, കാളിദാസ് ജയറാം, സൗബിന്‍ ഷാഹിര്‍ എന്നിവരാണ് ചിത്രത്തിലെ കേന്ദ്രകഥാപാത്രങ്ങള്‍ അവതരിപ്പിക്കുന്നത്. നെടുമുടി വേണു,അജു വര്‍ഗീസ്, രമേഷ് പിഷാരടി, സുരാജ് വെഞ്ഞാറമൂട് തുടങ്ങിയ താരങ്ങളും അഭിനയിക്കുന്നു. ഹരിപ്പാടാണ് ചിത്രത്തിന്റെ ഷൂട്ടിംഗ് ആരംഭിക്കുന്നത്. ദുബായിലുള്ള ലെന്‍സ്മാന്‍ സ്റ്റുഡിയോസിന്റെ സഹകരണത്തോടെ ആരംഭിക്കുന്ന ചിത്രത്തിന്റെ ലൊക്കേഷനുകള്‍ കേരളത്തിലും ലണ്ടനിലുമായിരിക്കും.

സന്തോഷ് ശിവന്‍ എന്ന ക്യാമറമാന്റെ ക്യാമറ മാജിക്ക് തന്നെയായിരിക്കും ഈ ചിത്രത്തിന്റെയും ഹൈലൈറ്റ്. ത്രില്ലര്‍ സ്വഭാവമുള്ള ചിത്രത്തില്‍ ഹോളിവുഡ്-ബോളിവുഡ് സിനിമാ മേഖലകളിലെ പല പ്രമുഖ സാങ്കേതിക വിദഗ്ധരും അണിനിരക്കുന്നുണ്ടെന്നു അണിയറപ്രവര്‍ത്തകര്‍ പറയുന്നു. സന്തോഷ് ശിവനും മഞ്ജു വാര്യരും ആദ്യമായി ഒന്നിക്കുന്നുവെന്ന നിലയ്ക്ക് ഏറെ പ്രതീക്ഷ നല്‍കുന്ന ചിത്രമായിരിക്കുമിത്. സന്തോഷ് ശിവന്‍ തന്നെ സംവിധാനം ചെയ്യുന്ന ബിഗ് ബജറ്റ് ചിത്രം കുഞ്ഞാലി മരയ്ക്കാറിനു മുമ്പ് ഈ ചിത്രം റിലീസ് ചെയ്യാനാണ് ഉദ്ദേശിക്കുന്നതെന്നും അറിയുന്നു.

കാളിദാസ് ജയറാമിന് കിട്ടാവുന്നതില്‍ വച്ച് ഏറ്റവും നല്ല കഥാപാത്രമായിരിക്കും പുതിയ ചിത്രത്തിലേത്. കാളിദാസ് ഇപ്പോള്‍ ജിത്തു ജോസഫ് ചിത്രത്തില്‍ നായകനായി അഭിനയിക്കുകയാണ്.

Other News

  • 'തഗ്സ് ഒാഫ് ഹിന്ദുസ്ഥാൻ' ചിത്രത്തിന്റെ പുതിയ മോഷൻ പോസ്റ്റർ പുറത്ത്
  • നാനാ പടേക്കർ പീഡിപ്പിച്ചുവെന്ന വെളിപ്പെടുത്തലുമായി തനുശ്രീ ദത്ത
  • ധ്രുവ് വിക്രം ആദ്യ പ്രതിഫലം മുഴുവന്‍ കേരളത്തിന് നല്‍കി
  • ഒരു കുപ്രസിദ്ധ പയ്യന്റെ' ട്രെയിലറെത്തി
  • വിമാനക്കമ്പനിജീവനക്കാരുടെ വർണവെറി; പൊട്ടിത്തെറിച്ച് ശിൽപ ഷെട്ടി
  • സിനിമാ സെറ്റിലുണ്ടായ അപകടത്തില്‍ നടന്‍ ഹരിശ്രീ അശോകന് പരിക്ക്
  • അഡാര്‍ ലവ് എന്ന ചിത്രത്തിലെ രണ്ടാമത്ത പാട്ടെത്തി
  • ജയലളിതയുടെ ജീവിതത്തെ ആസ്പദമാക്കി ഒരുക്കുന്ന സിനിമയുടെ ഫസ്റ്റ്‌ലുക്ക് പുറത്ത്
  • ഇളയരാജയുടെ പാട്ടുകള്‍ പാടുമെന്ന് എസ്.പി ബാലസുബ്രഹ്മണ്യം
  • താരമൂല്യം ലക്ഷ്യമിട്ടല്ല താന്‍ സിനിമ ചെയ്യുന്നതെന്ന് നടന്‍ പൃഥ്വിരാജ്.
  • ഇന്ത്യയില്‍ ഐഡിയയും വോഡഫോണും ഒന്നായി: 5,000 ജീവനക്കാർ പിരിച്ചുവിടൽ ഭീഷണിയിൽ
  • Write A Comment

     
    Reload Image
    Add code here