പ്രിയക്കെതിരേയുള്ള കേസ്; നിങ്ങള്‍ക്കൊന്നും വേറെ ജോലിയില്ലേയെന്ന് ചീഫ് ജസ്റ്റിസ്

Sat,Sep 01,2018


'ഒരു അഡാര്‍ ലവ്' എന്ന ചിത്രത്തിലെ ഗാനത്തിനെ ചൊല്ലി നടി പ്രിയ പ്രകാശ് വാര്യര്‍ക്കെതിരേയും ചിത്രത്തിന്റെ അണിയറ പ്രവര്‍ത്തകര്‍ക്കെതിരേയും നല്‍കിയ പരാതിയെ ശക്തമായി വിമര്‍ശിച്ച് ചീഫ് ജസ്റ്റിസ്. നടിക്കെതിരേ പുറപ്പെടുവിച്ച എഫ്.ഐ.ആര്‍ റദ്ദാക്കിയതിന് ശേഷമായിരുന്നു അദ്ദേഹത്തിന്റെ പ്രതികരണം. 'ആരോ സിനിമയില്‍ ഒരു പാട്ട് പാടുന്നു. ചിലര്‍ അതിന്റെ പേരില്‍ കേസ് കൊടുക്കുന്നു. നിങ്ങള്‍ക്ക് മറ്റൊരു ജോലിയുമില്ലേ'- ദീപക് മിശ്ര ചോദിച്ചു.

ഒമര്‍ ലുലു സംവിധാനം ചെയ്യുന്ന ചിത്രത്തിലെ 'മാണിക്യ മലരായ പൂവി' എന്ന ഗാനത്തിനെതിരേ തെലുങ്കാന പോലീസ് രജിസ്റ്റര്‍ ചെയ്ത എഫ്.ഐ.ആര്‍ ആണ് സുപ്രീം കോടതി റദ്ദാക്കിയത്. ഗാനം മതവികാരം വ്രണപ്പെടുത്തിയെന്നാരോപിച്ചാണ് കേസ് രജിസ്റ്റര്‍ ചെയ്തത്. സിനിമയുടെ സംവിധായകന്‍ ഒമര്‍ ലുലു, നിര്‍മ്മാതാവ് എന്നിവര്‍ക്കെതിരായ കേസുകളും സുപ്രീംകോടതി റദ്ദാക്കി.

മതനിന്ദ ആരോപിച്ചാണ് ഒരു കൂട്ടം ആളുകള്‍ ഹൈദരാബാദ് പോലീസില്‍ പരാതി നല്‍കിയത്. എന്നാല്‍ ഗാനത്തിനെതിരായി തെലങ്കാനയില്‍ രജിസ്റ്റര്‍ ചെയ്തിരിക്കുന്ന കേസ് റദ്ദാക്കണമെന്ന ആവശ്യത്തില്‍ അടിയന്തിരമായി വാദം കേള്‍ക്കണമെന്ന് പ്രിയയ്ക്ക് വേണ്ടി ഹാജരായ അഡ്വ. ഹാരിസ് ബീരാന്‍ നേരത്തെ ആവശ്യപ്പെട്ടിരുന്നു.

1978ല്‍ പി.എ.എ ജബ്ബാര്‍ എഴുതിയ മാണിക്യ മലരായ പൂവി എന്ന മാപ്പിള ഗാനം പ്രവാചകന്‍ മുഹമ്മദ് നബിയും ഭാര്യ ഖദീജയും തമ്മിലുള്ള സ്‌നേഹം പ്രകീര്‍ത്തിക്കുന്നതാണെന്ന് ഹര്‍ജിയില്‍ പറഞ്ഞിരുന്നു. നാല്‍പത് വര്‍ഷത്തോളം പഴക്കമുള്ള, കേരളത്തില്‍ ഏറെ പ്രചാരത്തിലുള്ള ഈ ഗാനം പ്രവാചകനെയും ഭാര്യയെയും അപമാനിക്കുന്നതായി എങ്ങനെ മാറുന്നുവെന്നും ഹര്‍ജിയില്‍ ചോദിച്ചിരുന്നു.

അഡാര്‍ ലവ് ഇത് വരെ പൂര്‍ത്തിയായിട്ടില്ലെന്നും ഇതുവരെ ഒന്നര കോടി രൂപയോളം ചിത്രത്തിനായി ചെലവായിട്ടുണ്ടെന്നും ഇത്തരം പൊള്ളയായ പരാതികളും വിവാദങ്ങളും ആവിഷ്‌കാര സ്വാതന്ത്ര്യത്തെ ഹനിക്കുന്നതാണെന്നും ഹര്‍ജിയില്‍ ചൂണ്ടി കാട്ടി. ഗാനത്തിന് വിലക്കേര്‍പ്പെടുത്തമെന്നാവശ്യപ്പെട്ട് മാനവ വിഭവശേഷി വകുപ്പ് മന്ത്രി സ്മൃതി ഇറാനിക്ക് ഇസ്ലാമിക സംഘാടനയായ റാസ അക്കാദമി കത്തയച്ചിരുന്നു.

Other News

  • രണ്‍വീര്‍-ദീപിക വിവാഹ ഫോട്ടോകള്‍ ഹിറ്റായി!
  • ദീപിക പദുകോണിന്റെയും രണ്‍വീര്‍ സിങ്ങിന്റെയും വിവാഹ നിശ്ചയം ഇറ്റലിയില്‍ വെച്ച് നടന്നു
  • കാജള്‍ അഗര്‍വാളിനെ ചുംബിച്ച വിവാദത്തില്‍ പ്രതികരണവുമായി ഛായാഗ്രാഹകന്‍
  • 'രാക്ഷസന്‍' സിനിമയിലെ നായകന്‍ വിവാഹമോചിതനായി
  • സൗന്ദര്യ രജനികാന്ത് വിവാഹിതയാകുന്നു
  • താരസമ്പന്നമായി നടന്‍ ജാഫര്‍ ഇടുക്കിയുടെ മകളുടെ വിവാഹം
  • താരസമ്പന്നമായി നടന്‍ ജാഫര്‍ ഇടുക്കിയുടെ മകളുടെ വിവാഹം
  • മമ്മൂട്ടിയുടെ 'യാത്ര' ഡിസംബര്‍ 21-ന്, കേരളത്തിലെത്തുക തമിഴ് പതിപ്പ്
  • രണ്ടു താരനിശകൾ നടത്തും; എ.എം.എം.എയും നിർമാതാക്കളും തമ്മിലുള്ള തർക്കം തീർന്നു
  • ചലച്ചിത്ര നടി ശ്രിന്ദ അര്‍ഹാന്‍ വിവാഹിതായി
  • 'സര്‍ക്കാര്‍' വിവാദം: സൗജന്യങ്ങള്‍ തല്ലിപൊട്ടിച്ച് വിജയ് ആരാധകര്‍
  • Write A Comment

     
    Reload Image
    Add code here