ചലച്ചിത്ര താര സംഘടനയായ അമ്മയിലെ അംഗങ്ങള്‍ക്ക് പെരുമാറ്റച്ചട്ടം നിര്‍ദ്ദേശിച്ച് സര്‍ക്കുലര്‍ ഇറങ്ങി;പരാതിക്കാരുമായി ഏഴിന് ചര്‍ച്ച

Sun,Jul 29,2018


കൊച്ചി: ചലച്ചിത്ര താര സംഘടനയായ അമ്മയിലെ അംഗങ്ങള്‍ക്ക് പെരുമാറ്റച്ചട്ടം നിര്‍ദ്ദേശിച്ച് സര്‍ക്കുലര്‍ ഇറങ്ങി.
പ്രസിഡന്റ് മോഹന്‍ ലാല്‍ ഒപ്പിട്ട സര്‍ക്കുലറിലാണ് സംഘടനയിലെ അംഗങ്ങള്‍ പാലിച്ചിരിക്കേണ്ട നിബന്ധനകളെക്കുറിച്ച് വ്യക്തമാക്കുന്നത്.
സംഘടനയെക്കുറിച്ച് പരാതികളോ സിനിമ മേഖലയിലെ വിഷയങ്ങളോ മാധ്യമങ്ങളെയോ സോഷ്യല്‍ മീഡിയയിലൂടെയോ അറിയിക്കുന്നതിനു പകരം സംഘടനയില്‍ ഉന്നയിച്ച് പരിഹാരം തേടണമെന്നാണ് പ്രധാന നിര്‍ദ്ദേശം. സമൂഹമാധ്യമങ്ങളില്‍ അഭിപ്രായം പറഞ്ഞ് സ്വയം അപഹാസ്യരാവരുതെന്ന ഓര്‍മ്മപ്പെടുത്തലും സര്‍ക്കുലറിലുണ്ട്.
പരാതികള്‍ ഉടന്‍ പരിഹരിക്കാനുള്ള പ്രപത്യേക സംവിധാനവും സംഘടനയില്‍ ഏര്‍പ്പെടുത്തി. അമ്മ ചെയ്യുന്ന നല്ല കാര്യങ്ങള്‍ മാധ്യമങ്ങളിലൂടെ ജനങ്ങളിലെത്തിക്കാന്‍ മാധ്യമ വക്താവിനെയും നിശ്ചയിച്ചിട്ടുണ്ട്.
നടിയെ ആക്രമിച്ച കേസിലെ പ്രതിയായതിനെതുടര്‍ന്ന് പുറത്താക്കപ്പെട്ട ദിലീപിനെ കഴിഞ്ഞ ജനറല്‍ ബോഡിയോഗത്തില്‍ സംഘടനയിലേക്ക് തിരികെയെടുത്തതില്‍ പ്രതിഷേധിച്ച് നാലു വനിതാ താരങ്ങള്‍ രാജിവെച്ചുപോയതായി സര്‍ക്കുലറില്‍ വ്യക്തമാക്കി. നേരത്തെ മോഹന്‍ലാല്‍ നടത്തിയ പത്ര സമ്മേളനത്തില്‍ രണ്ടുപേര്‍ മാത്രമേ രാജിവെച്ചുള്ളു എന്നാണ് പറഞ്ഞിരുന്നത്.
ഭാവന, രമ്യ നമ്പീശന്‍, റിമ കല്ലിങ്കല്‍, ഗീതു മോഹന്‍ദാസ് എന്നിവരാണ് ദിലീപിനെ തിരിച്ചെടുക്കുന്നതുമായി ബന്ധപ്പെട്ടുണ്ടായ വിവാദത്തിനിടെ രാജിക്കത്ത് നല്‍കിയത്. അതേസമയം ഇവരുടെ രാജി തള്ളുന്നത് സംബന്ധിച്ച് യാതൊരു സൂചനകളും സര്‍ക്കുലറില്‍ നല്‍കിയിട്ടില്ല. ഈ വിഷയം ചര്‍ച്ച ചെയ്യണമെന്നാവശ്യപ്പെട്ട് കത്തു നല്‍കിയ നടിമാരെ ചര്‍ച്ചയ്ക്ക് വിളിച്ചതായും സര്‍ക്കുലര്‍ വ്യക്തമാക്കി. പാര്‍വതി, രേവതി, പത്മപ്രിയ എന്നിവരെയാണ് ചര്‍ച്ചയ്ക്ക് ക്ഷണിച്ചിരിക്കുന്നത്. ഇവരെ കൂടാതെ നടന്‍ ജോയ് മാത്യുവിനെയും അന്തരിച്ച നടന്‍ തിലകനുമായി ബന്ധപ്പെട്ട വിഷയത്തില്‍ മകന്‍ ഷമ്മി തിലകനെയും ചര്‍ച്ചയ്ക്ക് വിളിച്ചിട്ടുണ്ട്.
ഓഗസ്റ്റ് ഏഴിന് ഇവരുമായി ചര്‍ച്ച നടത്തുമെന്നാണ് അംഗങ്ങള്‍ക്ക് നല്‍കിയ സര്‍ക്കുലറില്‍ വ്യക്തമാക്കിയിരിക്കുന്നത്.

Other News

  • അഡാറ്​ ലവിലെ മറ്റൊരു ഗാനം കൂടി തരംഗമാവുന്നു
  • സംസ്ഥാന ചലച്ചിത്ര പുരസ്‌കാരം: കുമാര്‍ സാഹ്നി ജൂറി ചെയര്‍മാന്‍
  • വിവാഹം കഴിക്കുന്നില്ല; സായ് പല്ലവി
  • കാളിദാസ് ജയറാം 'ഹാപ്പി സര്‍ദാര്‍'
  • തന്നെയും കാവ്യയെയും ദിലീപ് പറ്റിച്ചുവെന്നുള്ള വാര്‍ത്തകള്‍ പ്രചരിക്കുന്നതിനെതിരെ സംവിധായകന്‍ ആര്‍ എസ് വിമല്‍
  • മമ്മൂട്ടിയെ അഭിനന്ദിച്ച് നടന്‍ സൂര്യ!
  • നടന്‍ മഹേഷ് ആനന്ദിന്റെ മരണം;പോസ്റ്റ്‌മോര്‍ട്ടം റിപ്പോര്‍ട്ട് പുറത്ത്
  • സൗന്ദര്യ രജനീകാന്ത് വിവാഹിതയായി
  • 'മാണിക്യ മലരായ പൂവി' ഗാനത്തിന്റെ തെലുങ്ക് വേര്‍ഷന്‍ പുറത്തിറങ്ങി
  • ഗ്രാമി അവാര്‍ഡുകള്‍ പ്രഖ്യാപിച്ചു, കെയ്‌സി മസ്‌ഗ്രേവ്‌സിന് നാല് അവാര്‍ഡ്
  • പ്രണയ നൈരാശ്യമെന്ന് സൂചന; തെലുങ്ക് സിനിമ-സീരിയല്‍ താരം നാഗ ജാന്‍സി തൂങ്ങി മരിച്ച നിലയില്‍
  • Write A Comment

     
    Reload Image
    Add code here