യു.എ.ഇ സ്വന്തമായി വികസിപ്പിച്ചെടുത്ത ഖലീഫാസാറ്റ് ഉപഗ്രഹം വിജയകരമായി വിക്ഷേപിച്ചു

Sun,Oct 28,2018


ദുബായ്: യു.എ.ഇ സ്വന്തമായി വികസിപ്പിച്ചെടുത്ത ഖലീഫാസാറ്റ് ഉപഗ്രഹം വിജയകരമായി വിക്ഷേപിച്ചു. ജപ്പാനിലെ ടാനേഗാഷിമി സ്‌പേസ് സെന്ററില്‍ നിന്നായിരുന്നു വിക്ഷേപണം. തിങ്കളാഴ്ച കാലത്ത് യു.എ.ഇ സമയം എട്ടിന് ശേഷമായിരുന്നു വിക്ഷേപണം. എഴുപത് ഇമറാത്തി ശാസ്ത്രഞ്ജര്‍ ചേര്‍ന്നാണ് ഖലീഫാ സാറ്റ് വികസിപ്പിച്ചെടുത്തത്. യു എ ഇ സമയം രാവിലെ എട്ടിന് നടന്ന വിക്ഷേപണം പൂര്‍ണ വിജയമാണെന്ന് ഗവേഷണത്തിനും പ്രവര്‍ത്തനങ്ങള്‍ക്കും നേതൃത്വം നല്‍കിയ മൊഹമ്മദ് ബിന്‍ റാഷിദ് സ്‌പേസ് സെന്റര്‍ അറിയിച്ചു. ഭൂമിയുടെ മിഴിവാര്‍ന്ന ചിത്രങ്ങള്‍ എടുക്കാന്‍ ഖലീഫാ സാറ്റിന് കഴിയും. പാരിസ്ഥിതിക മാറ്റങ്ങള്‍ സംബന്ധിച്ച വിവരങ്ങള്‍ സാട്ടലൈട്റ്റ് പങ്ക് വയ്ക്കും. അറബ് മേഖലയിലെ എണ്ണ ചോര്‍ച്ച കണ്ടെത്തും . വെള്ളത്തിന്റെ ഗുണ നിലവാരം കണ്ടെത്താനും കഴിയും.

ഖലീഫ സാറ്റ് അയക്കുന്നചിത്രങ്ങള്‍ യു എ ഇ യിലെ സര്‍ക്കാര്‍ ഓഫീസുകള്‍ക്കും സര്‍വകലാശാലകള്‍ക്കും ലഭിക്കും. ജപ്പാന്‍ എയറോ സ്‌പേസ് എക്‌സ് പ്‌ളോറെഷന്‍ ഏജന്‍സിയുമായി ചേര്‍ന്നാണ് യു എ ഇ ഖലീഫാ സാറ്റ് വിക്ഷേപിച്ചത്.

ബഹിരാകാശ പര്യവേക്ഷണ രംഗത്തെ യു .എ.ഇ.യുടെ ദീര്‍ഘകാലത്തെ സ്വപ്നവും പരിശ്രമങ്ങളുമാണ് ഇതോടെ സാക്ഷാത്കരിച്ചിരിക്കുന്നത്. ജപ്പാന്‍ എയ്റോ സ്‌പേസ് എക്‌സ്പ്ലോറേഷന്‍ ഏജന്‍സിയുമായി ചേര്‍ന്നായിരുന്നു വിക്ഷേപണം. പൂര്‍ണമായും സ്വദേശി എന്‍ജിനീയര്‍മാരുടെയും വിദഗ്ധരുടെയും കീഴിലാണ് ഖലീഫ സാറ്റ് ഉപഗ്രഹത്തിന്റെ നിര്‍മാണം പൂര്‍ത്തിയായത്. 2013 ഡിസംബറില്‍ യുഎഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂമാണ് ഖലീഫ സാറ്റ് പദ്ധതി പ്രഖ്യാപിച്ചത്. 350 കിലോഗ്രാം ഭാരമുള്ള ഉപഗ്രഹം ഭൂമിയില്‍ നിന്ന് 613 കിലോമീറ്റര്‍ ദൂരെയുള്ള ഭ്രമണപഥത്തില്‍ കറങ്ങും

യു.എ.ഇ.യുടെ ഉപഗ്രഹ നിര്‍മാണരംഗത്തും വിവരസാങ്കേതികരംഗങ്ങളിലും നാഴികക്കല്ലായി മാറിയ ഈ പദ്ധതി നിക്ഷേപമേഖലയിലും വലിയ സാധ്യതകള്‍ തുറക്കും. വിവിധ രംഗങ്ങളിലേക്ക് ഉപയുക്തമാവുന്ന ചിത്രവിധാനങ്ങളാണ് ഖലീഫസാറ്റ് ഭ്രമണപഥത്തിലെത്തിയാല്‍ ലഭിക്കുക. ഉയര്‍ന്ന റെസൊല്യൂഷനില്‍ അതിവേഗം ത്രിമാന ചിത്രങ്ങള്‍ ലഭ്യമാകുന്ന രീതിയിലാണ് ഇതിന്റെ പ്രവര്‍ത്തനം. പാരിസ്ഥിതിക മാറ്റങ്ങള്‍, കാലാവസ്ഥ വ്യതിയാനം എന്നിവ നിരീക്ഷിക്കാനും, നഗരവികസനത്തിന് ആസൂത്രണരേഖകള്‍ തയ്യാറാക്കാനും മറ്റും ചിത്രങ്ങള്‍ ഉപയോഗിക്കും. ദേശീയ അന്തര്‍ദേശീയ തലങ്ങളിലുള്ള സ്വകാര്യസ്ഥാപനങ്ങള്‍ക്കും സര്‍ക്കാറുകള്‍ക്കും ഉപയോഗപ്രദമായ വിവരങ്ങളാണ് ഇവ കൈമാറുക.

Other News

  • കാട്ടുമൂങ്ങ പണ്ട് ദുശ്ശകുനം, ഇപ്പോള്‍ ഭാഗ്യചിഹ്നം
  • ലോ​ക​ത്തി​ലെ ഏ​റ്റ​വും ഭാ​രം കു​റ​ഞ്ഞ​വ​നാ​യി പി​റ​ന്ന​ കുഞ്ഞ്​ ആ​ശു​പ​ത്രി​യി​ൽ നിന്നും വീട്ടിലേക്ക്​
  • സ്ത്രീധനത്തോടൊപ്പം സ്വര്‍ണ്ണ മാലയും ബൈക്കും ആവശ്യപ്പെട്ട വരന്റെ തല വധുവിന്റെ ബന്ധുക്കള്‍ മുണ്ഡനം ചെയ്തു
  • തായ്‌വാന്‍ വനിതയുടെ കണ്ണില്‍ ജീവനോടെ നാല് തേനീച്ചകള്‍
  • വന്ധ്യതാ നിവാരണ ചികിത്സയുടെ മറവിൽ ഡോക്​ടർ ജന്മം നൽകിയത് 49 കുട്ടികൾക്ക്​ ​
  • എഴുപത്തഞ്ചുകാരനെ വീട്ടില്‍ വളര്‍ത്തിയ കൂറ്റന്‍ പക്ഷി കൊത്തികൊന്നു
  • ഒരക്ഷരം കുറഞ്ഞു; ഏറ്റവും നീളം കൂടിയ പേരുള്ള റെയില്‍വെ സ്റ്റേഷന്‍ എന്ന ബഹുമതി ചെന്നൈ സെന്‍ട്രലിനു നഷ്ടപ്പെട്ടു
  • സ്റ്റാലിന്റെ പ്രസംഗം കേട്ട് കമലഹാസന്‍ ടെലിവിഷന്‍ എറിഞ്ഞുടക്കുന്ന പരസ്യം വൈറലായി!
  • തമോഗര്‍ത്തം ആദ്യമായി ക്യാമറയിലാക്കി
  • ദുര്യോധനനു വഴിപാടായി ലഭിച്ചത് 101 കുപ്പി ഓള്‍ഡ് മങ്ക്
  • നെപ്പോളിയന്‍ ഭാര്യയ്ക്ക് എഴുതിയ പ്രേമ ലേഖനങ്ങള്‍ ലേലത്തില്‍ പോയത് നാല് കോടി രൂപയ്ക്ക്
  • Write A Comment

     
    Reload Image
    Add code here