അബുദാബി ബിഗ് ടിക്കറ്റ് നറുക്കെടുപ്പിൽ ഭാഗ്യം മലയാളികളോടൊപ്പം; ആറ് സുഹൃത്തുക്കൾ ചേർന്നെടുത്ത കൂപ്പണിന് ഏകദേശം 23 കോടി രൂപ സമ്മാനം

Mon,Sep 03,2018


ഷാർജ: അബുദാബി ബിഗ് ടിക്കറ്റ് നറുക്കെടുപ്പിൽമലയാളികള്‍ വീണ്ടും സമ്മാനാര്‍ഹരായി. ആറ് സുഹൃത്തുക്കൾ ചേർന്നെടുത്ത കൂപ്പണിനാണ്‌ 1.2 കോടി ദിർഹം (ഏകദേശം 23 കോടി രൂപ) സമ്മാനം ലഭിച്ചത്. ദുബായ് ഗൾഫ് ന്യൂസ് പത്രത്തിന്റെ പ്രിന്റിങ് വിഭാഗത്തിൽ പ്രൊഡക്‌ഷൻ ഓഫീസറായി പ്രവർത്തിക്കുന്ന തൊടുപുഴ സ്വദേശി ജോർജ് മാത്യുവിനേയും സുഹൃത്തുക്കളെയുമാണ് ഇത്തവണ ഭാഗ്യം കടാക്ഷിച്ചത്. തിങ്കളാഴ്ച അബുദാബി അന്താരാഷ്ട്ര വിമാനത്താവളത്തിൽ നടന്ന നറുക്കെടുപ്പിൽ ഇവരെടുത്ത 175342 എന്ന കൂപ്പണിന് ഒന്നാം സമ്മാനം ലഭിച്ചു.

യു.എ.ഇ.യിലെ വിവിധ സ്ഥാപനങ്ങളിൽ ജോലി ചെയ്യുന്ന ലിജോ (കോട്ടയം), കൃഷ്ണരാജ് (കോട്ടയ്ക്കൽ), ദിലീപ് (എറണാകുളം), റിജേഷ് (മലപ്പുറം), സതീഷ് (തിരുവനന്തപുരം) എന്നിവരാണ് മറ്റുള്ളവര്‍. കഴിഞ്ഞമാസം 30ന് ഓണ്‍ലൈന്‍വഴിയായിരുന്നു ടിക്കറ്റ് സ്വന്തമാക്കിയത്. നേരത്തേ ഒരുമിച്ചു താമസിച്ചിരുന്ന ആറുപേരും പിന്നീട് കുടുംബങ്ങളായി വെവ്വേറെ താമസിക്കുകയായിരുന്നു. ഒമ്പതുവർഷമായി സുഹൃത്തുക്കളായ ഇവർ നേരത്തേയും ഇതേരീതിയിൽ കൂപ്പൺ എടുത്തിരുന്നു. എന്നാൽ ഇക്കുറിയാണ് സമ്മാനം തേടിയെത്തിയത്.

സമ്മാനത്തുകയിൽനിന്ന് കേരളത്തിലെ പ്രളയാശ്വാസനിധിയിലേക്ക് സംഭാവന നൽകുമെന്ന് ജോർജ് മാത്യു അറിയിച്ചു. ഒമ്പതുവർഷമായി അജ്മാനിൽ താമസിക്കുന്ന ജോർജ് മാത്യുവും ഭാര്യ ഫെമിനയും ആദ്യത്തെ കുഞ്ഞിനെ പ്രതീക്ഷിച്ചിരിക്കുന്ന വേളയിലാണ് കോടികള്‍ സമ്മാനമായി ലഭിച്ചത്. നേരത്തെ അബുദാബി ബിഗ് ടിക്കറ്റിന്റെ രണ്ട് മുൻനറുക്കെടുപ്പുകളിലും മലയാളികള്‍ ഭാഗ്യവാന്മാരായിരുന്നു. ജനുവരിയിൽ നടന്ന നറുക്കെടുപ്പിൽ ആലപ്പുഴ സ്വദേശി ഹരികൃഷ്ണനും ഏപ്രിലിലെ നറുക്കെടുപ്പിൽ ഡ്രൈവറായി ജോലി ചെയ്യുന്ന ജോൺ വർഗീസിനും കൂട്ടുകാർക്കുമാണ് കോടികൾ ലഭിച്ചത്.

Other News

  • ശസ്ത്രക്രിയയ്ക്കിടെ രോഗിയുടെ വയറ്റില്‍ ഡോക്ടര്‍ ചവണ മറന്നുവെച്ചു
  • മുടി ഐസാക്കും മത്സരം!
  • കളിച്ചത് ദോത്തിയും കുര്‍ത്തയും ധരിച്ച്, കമന്ററി സംസ്‌കൃതത്തില്‍
  • 'ജാതിയും ഇല്ല മതവും ഇല്ല' ; ആദ്യമായി ഔദ്യോഗിക സര്‍ട്ടിഫിക്കറ്റ് നേടി, തമിഴ്‌നാട്ടിലെ അഭിഭാഷക
  • എലന്‍ മസ്‌ക്കിന്റെ ചെറിയ വീട് വില്‍പനക്ക് , വില 31 കോടി !
  • എംകോം ബിരുദധാരിയുടെ ജോലി ഭക്ഷണവിതരണം
  • ''തിരിച്ചുകിട്ടിയില്ലെങ്കിലും സാരമില്ല, ഞങ്ങളുടെ ഷിംപാകു ജൂനിപെറിനെ നല്ലപോലെ നോക്കിയാല്‍ മതി'',മോഷണം പോയ ചെടികളെ ഓര്‍ത്ത് ഒരു കുറിപ്പ്‌
  • വിദ്യാര്‍ത്ഥികള്‍ക്ക് ഭക്ഷണം വിളമ്പിക്കൊടുത്ത് പ്രധാനമന്ത്രി
  • വിവാദമായ വാഹനാപകടത്തിനുപിന്നാലെ ബ്രിട്ടനിലെ ഫിലിപ്പ് രാജകുമാരൻ ഡ്രൈവിങ് ലൈസൻസ് സറണ്ടർ ചെയ്തു
  • പ​ട്ടി​ണി കി​ട​ന്ന്​ ശ​രീ​രം മെ​ലി​യി​ക്കാ​നും വ്യാ​യാ​മം ചെ​യ്യാ​നു​മി​ല്ലെ​ന്ന് ട്രമ്പ്‌
  • ഇന്ത്യയിലെ പട്ടിണിമാറ്റാന്‍ ആളുകളോട് സഹായമഭ്യര്‍ത്ഥിച്ച് ജര്‍മ്മന്‍ ബസ് സ്റ്റാന്റുകളില്‍ പരസ്യം
  • Write A Comment

     
    Reload Image
    Add code here