ഭക്തരില്‍ നിന്ന് സംഭാവന വാങ്ങി ആഢംബര ജീവിതം നയിച്ചു വന്ന മുന്‍ ബുദ്ധ സന്യാസിക്ക് 114 വര്‍ഷത്തെ തടവ്

Fri,Aug 10,2018


ബാങ്കോക്ക്: ഭക്തരില്‍ നിന്ന് സംഭാവന വാങ്ങി ജീവിതം 'അടിച്ചുപൊളിച്ച' മുന്‍ ബുദ്ധ സന്യാസിക്ക് ബാങ്കോക്ക് കോടതി 114 വര്‍ഷത്തെ തടവ് ശിക്ഷ വിധിച്ചു.
ഭക്തരില്‍ നിന്ന് സംഭാവന വാങ്ങി തട്ടിപ്പു നടത്തിയ കേസിലാണ് ആഢംബര ജീവിതം നയിച്ചു വന്ന സന്യാസി ശിക്ഷിക്കപ്പെട്ടത്.
തായ്ലാന്റിലെ മുന്‍ ബുദ്ധ സന്യാസിയായ വിരാപോള്‍ സുഖ്‌ഫോളിനാണ് കോടതി 114 വര്‍ഷത്തെ ശിക്ഷവിധിച്ചത്. ഭക്തരില്‍ നിന്നും വാങ്ങിയ സംഭാവനകള്‍ എല്ലാം തന്നെ തിരികെ നല്‍കാനും കോടതി ഉത്തരവിട്ടു.
പണം വെളുപ്പിക്കല്‍, തട്ടിപ്പ് ,സൈബര്‍ തുടങ്ങിയ കുറ്റകൃത്യങ്ങളാണ് സന്യാസിയുടെ മേല്‍ ചുമത്തിയിരുന്നത്. അമേരിക്കയിലേക്ക് ഒളിച്ച് കടന്ന ഇയാളെ 2017 ല്‍ യുഎസ് തായ്‌ലാന്റിന് കൈമാറിയിരുന്നു.
സ്വന്തം പേരിലുള്ള ജെറ്റ് വിമാനത്തില്‍ വിലയേറിയ സണ്‍ ഗ്ലാസും വെച്ചിരിക്കുന്ന സന്യാസിയുടെ ചിത്രങ്ങള്‍ നേരത്തെ പുറത്ത് വന്നിരുന്നു. ഇതേ തുടര്‍ന്ന് നടത്തിയ അന്വേഷണത്തിലാണ് ഇയാള്‍ക്ക് സ്വന്തമായി കോടികള്‍ വില മതിപ്പുള്ള വാഹനങ്ങള്‍ ഉണ്ടെന്നും വിവിധ ബാങ്ക് അക്കൗണ്ടുകളിലായി ഏഴ് ലക്ഷം ഡോളറിന്റെ ആസ്തി ഉള്ളതായും കണ്ടെത്തിയത്.
2014ല്‍ തായ്‌ലാന്റില്‍ സൈന്യത്തിന്റെ നേതൃത്വത്തിലുള്ള ഗവണ്‍മെന്റ് അധികാരത്തില്‍ വന്നതിനെ തുടര്‍ന്നാണ് ബുദ്ധ സന്യാസിമാര്‍ ഉള്‍പ്പെട്ട കുറ്റകൃത്യങ്ങള്‍ പുറത്ത് വരാന്‍ തുടങ്ങിയത്.
വിരാപോള്‍ ഉള്‍പ്പെട്ട ഒരു ബലാത്സംഗ കേസിന്റെ വിധി അടുത്തമാസം ഉണ്ടാകുമെന്നാണ് റിപ്പോര്‍ട്ടുകള്‍. ഈ കേസില്‍ കൂടി ഇയാള്‍ കുറ്റക്കാരനാണെന്ന് കണ്ടാല്‍ വീണ്ടും ഇരുപത് വര്‍ഷം കൂടി ശിക്ഷ അനുഭവിക്കേണ്ടി വരും.

Other News

  • നരേന്ദ്രമോഡിയ്ക്ക് ജീവിതപങ്കാളിയെ കണ്ടെത്താന്‍ തനിക്ക് സാധിക്കുമെന്ന് ട്രമ്പ് പറഞ്ഞതായി റിപ്പോര്‍ട്ട്‌
  • യുവാവിന്റെ ഉറക്കം കെടുത്തിയ അക്രമിയെ കസ്റ്റഡിയിലെടുക്കാനെത്തിയ ജര്‍മന്‍ പോലീസ് ഒരടിപോലും പൊക്കമില്ലാത്ത പ്രതിയെ കണ്ട് ഞെട്ടി
  • സിയാറ്റിലിൽ മെക്കാനിക്ക് വിമാനം തട്ടിയെടുത്ത് പറന്നു
  • ഐ.ക്യൂ​വി​ൽ ഐൻ​സ്​​റ്റൈ​നെ പി​ന്നി​ലാ​ക്കി മൂ​ന്നു വ​യ​സ്സു​കാ​രി
  • കാറിന്റെ ഡാഷ്‌ബോര്‍ഡില്‍ വച്ചിരുന്ന ഐഫോണ്‍ 6 പൊട്ടിത്തെറിച്ചു!
  • 25 മില്ല്യണ്‍ വര്‍ഷങ്ങള്‍ക്ക് മുന്‍പ് വംശനാശം സംഭവിച്ച സ്രാവ് വര്‍ഗ്ഗത്തിന്റെ പല്ലുകള്‍ കണ്ടെടുത്തു!
  • കുളിപ്പിക്കുന്നതിനിടെ മൃതശരീരം എഴുന്നേറ്റിരുന്നു; കുളിപ്പിച്ച ഇമാം ഹൃദയാഘാതത്തെതുടര്‍ന്ന് മരിച്ചു
  • പ്രസിഡന്റ് ജിന്‍പിങ്ങിനോട് സാമ്യമുള്ള വിന്നികരടി കഥാപാത്രമായി എത്തുന്ന ചിത്രം ചൈനയില്‍ നിരോധിച്ചു
  • വ്യാഴത്തേക്കാള്‍ 13 മടങ്ങ് വലിപ്പമുള്ള അജ്ഞാതവസ്തുവിനെ ശാസ്ത്രജ്ഞര്‍ ബഹിരാകാശത്ത് കണ്ടെത്തി!
  • അലാസ്‌കയില്‍ നിന്ന് റഷ്യയിലേക്ക് ഒറ്റയാന്‍ ബോട്ടയാത്ര
  • Write A Comment

     
    Reload Image
    Add code here