എയര്‍ഹോസ്റ്റസായ അമ്മ ജോലി ചെയ്യുന്ന വിമാനം പറപ്പിച്ച് മകള്‍; സംഭവം അമ്മയുടെ വിരമിക്കല്‍ വേളയില്‍

Wed,Aug 01,2018


ന്യൂഡല്‍ഹി: എയര്‍ ഇന്ത്യയില്‍ നിന്ന് 38 വര്‍ഷത്തെ സേവനത്തിന് ശേഷം അമ്മ വിരമിക്കുമ്പോള്‍ അവര്‍ ജോലി ചെയ്തിരുന്ന വിമാനം പറത്തി മകള്‍ ചരിത്രം കുറിച്ചു. എയര്‍ ഇന്ത്യ ജോലിക്കാരിയായിരുന്ന പൂജ ചിന്‍ചന്‍കറിന്റെ മകള്‍ അഷ്‌റിത ചിന്‍ചന്‍കറിനാണ് ഈ അപൂര്‍വ്വ നിയോഗമുണ്ടയത്.38 വര്‍ഷത്തെ സര്‍വീസിനു ശേഷം ചൊവ്വാഴ്ച്ചയാണ് പൂജ വിരമിച്ചത്. എയര്‍ ഇന്ത്യയുടെ മുബൈ-ബാഗ്ലൂര്‍ മൂബൈ വിമാനത്തിലായിരുന്നു പൂജ സര്‍വീസിലെ അവസാന ദിവസം ജോലി ചെയ്തത്. ഇതേ വിമാനത്തിന്റെ പൈലറ്റായിരുന്ന മകള്‍ അഷ്‌റിത ചിന്‍ചന്‍കര്‍ ഇക്കാര്യം ട്വിറ്ററിലൂടെ പങ്കുവെച്ചു.

വിമാനം ലാന്‍ഡ് ചെയ്യുന്നതിന്റെ 10 മിനിട്ട് മുന്‍പ് പ്രധാന പൈലറ്റ് പൂജയുടെ വിരമിക്കല്‍ യാത്രക്കാരോട് പങ്കുവെച്ചു. വിമാനത്തിലെ യാത്രക്കാര്‍ കൈയടിച്ചുകൊണ്ടാണ് പൂജയെ വരവേറ്റത്. 1980 ലാണ് പൂജ ചിന്‍ചന്‍കര്‍ എയര്‍ ഇന്ത്യയില്‍ ജോയിന്‍ ചെയ്തത്. 1981 മാര്‍ച്ച് മുതല്‍ മുബൈയില്‍ നിന്നുള്ള വിമാനത്തില്‍ ജോലി ആരംഭിച്ചു. അഷ്‌റിത 2016 ലാണ് പൈലറ്റ് ആയി ജോലി ആരംഭിച്ചത്. അഷ്‌റിത ഒരു മാധ്യമ വിദ്യാര്‍ത്ഥിയായിരുന്നു. പിന്നീട് കാനഡയില്‍ നിന്നും പൈലറ്റ് ലൈസന്‍സ് കിട്ടിയ അഷ്‌റിതയ്ക്ക് സ്വകാര്യ എയര്‍ലൈന്‍സില്‍ നിന്നും ഒട്ടേറെ അവസരങ്ങള്‍ ലഭിച്ചിരുന്നു. എന്നാല്‍ അഷ്‌റിതയ്ക്ക് എയര്‍ ഇന്ത്യയില്‍ ജോലി ചെയ്യാനായിരുന്നു ആഗ്രഹം.

വിരമിച്ച ദിവസം തന്റെ മകള്‍ പറപ്പിക്കുന്ന വിമാനത്തില്‍ ജോലിചെയ്യണമെന്ന ആഗ്രഹം പൂജ ചിന്‍ചന്‍കര്‍ തന്റെ മകളോട് പറഞ്ഞിരുന്നു. ചൊവ്വാഴ്ച്ച വിമാനത്താവളത്തിലെത്തിയപ്പോള്‍ മാത്രമാണ് മകള്‍ തന്റെ സ്വപ്നം സാധ്യമാക്കിയ വിവരം അറിഞ്ഞത്. വിമാനത്താവളത്തിലെ അധികൃതരോട് അര്‍ഷിത പറഞ്ഞ് എല്ലാം ഒരുക്കങ്ങളും നടത്തിയിരുന്നു. അമ്മയുടെ ആഗ്രഹം സാധിപ്പിച്ച് കൊടുത്തതില്‍ ഒട്ടേറെ സന്തോഷം ഉണ്ടെന്നും ഇതിനു സഹകരിച്ച എയര്‍പ്പോര്‍ട്ട് മാനേജ്‌മെന്റിനോട് വളരെ നന്ദിയുണ്ടെന്നും അഷ്‌റിത പറഞ്ഞു.

Other News

  • കടലേറ്റത്തില്‍ മണ്ണ് ഇളകിമാറി; ഫോര്‍ട്ടുകൊച്ചിയില്‍ പുരാതനകോട്ടയുടെ അവശിഷ്ടങ്ങള്‍ തെളിഞ്ഞു
  • ഫേസ്ബുക്ക് ലൈവിനിടെ പാക് പ്രവിശ്യ മന്ത്രിക്ക് പൂച്ചച്ചെവി!
  • പ്രസവിച്ച് അരമണിക്കൂറിനുള്ളില്‍ പരീക്ഷ എഴുതി എത്യോപ്യ സ്വദേശിനി!
  • 108 വയസ്സുള്ള പിയാനോ വാദക!
  • വിവാഹമോചനം നേടിയശേഷം വിവാഹവസ്ത്രങ്ങള്‍ ധരിച്ച് ആഘോഷം!
  • ദ നണ്ണിനെ ഉമ്മവയ്ക്കാന്‍ ഇഷ്ടപ്പെടുന്ന മൂന്നുവയസ്സുകാരി!
  • ഇന്ത്യ-ഓസ്‌ട്രേലിയ മത്സരം കാണാനെത്തിയ വിജയ് മല്ല്യക്കെതിരെ ഇന്ത്യന്‍ വംശജരുടെ പ്രതിഷേധം, ആണാണെങ്കില്‍ മാപ്പുപറയാന്‍ ആക്രോശം
  • യാത്രക്കാരന്‍ ഡബിള്‍ ബെല്ലടിച്ചു: കണ്ടക്ടര്‍ ഇല്ലാതെ കെഎസ്ആര്‍ടിസി ബസ് 18 കിലോമീറ്റര്‍ ഓടി
  • ഭര്‍ത്താവിന്റെ ഓര്‍മയ്ക്കായി വീട്ടമ്മ നട്ടുപിടിപ്പിച്ചത് 73,000 മരങ്ങള്‍
  • ഉറങ്ങിക്കിടക്കുമ്പോള്‍ പീഡിപ്പിക്കാന്‍ ശ്രമിച്ചയാളുടെ നാവ് വനിത ഡോക്ടര്‍ കടിച്ചുമുറിച്ചു
  • കുടി വെള്ളത്തിന് സ്വര്‍ണത്തെക്കാള്‍ മൂല്യം; കണ്ണ് തെറ്റിയാല്‍ കള്ളന്‍ കൊണ്ടുപോകും; പൂട്ടിവെച്ച് കാവലിരിക്കുന്നു, നാട്ടുകാര്‍
  • Write A Comment

     
    Reload Image
    Add code here