യൂണിഫോമില്‍ പരിഷ്‌കാരം കൊണ്ടുവരാന്‍ കോണ്‍ഗ്രസിന്റെ പോഷകസംഘടനയായ സേവാദളും; ഇനി വെള്ള പാന്റിന് പകരം ജീന്‍സ്

Sat,Jul 07,2018


ന്യൂഡല്‍ഹി: കാക്കി നിക്കറില്‍ നിന്ന് പാന്റ്‌സിലേക്ക്‌ ആര്‍എസ്എസ് മാറിയതിന് പിന്നാലെ യൂണിഫോമില്‍ പരിഷ്‌കാരം കൊണ്ടുവരാന്‍ കോണ്‍ഗ്രസിന്റെ പോഷകസംഘടനയായ സേവാദളും. നിലവില്‍ വെള്ള നിറത്തിലുള്ള ഷര്‍ട്ടും വെള്ള പാന്റും വെളുത്ത ഗാന്ധി തൊപ്പിയുമാണ് സേവാദള്‍ അംഗങ്ങളുടെ യൂണിഫോം. സേവാദള്‍ അംഗങ്ങള്‍ക്ക്‌ ഇനി വെള്ള പാന്റിന് പകരം ജീന്‍സ് ധരിക്കാമെന്ന് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുടെ പ്രസ്താവനയ്ക്ക് പിന്നാലെ ഈ മാറ്റം കൊണ്ടുവരുന്നത്‌. ജീന്‍സ് ധരിക്കുമ്പോഴും വെള്ളഷര്‍ട്ടും തൊപ്പിയും നിര്‍ബന്ധമാണ്. മാത്രമല്ല പാര്‍ട്ടി പരിപാടികളില്‍ നിയോഗിക്കപ്പെടുമ്പോള്‍ വെള്ളനിറത്തിലുള്ള പാന്റും ഷര്‍ട്ടും നിര്‍ബന്ധമാണെന്നും രാഹുല്‍ ഗാന്ധി നിര്‍ദ്ദേശിക്കുന്നു.

യുവാക്കളെ കൂടുതല്‍ ആകര്‍ഷിക്കാന്‍ സാധിക്കുന്ന തരത്തിലുള്ള മാറ്റങ്ങള്‍ വേണമെന്ന് സേവാദളില്‍ നിന്ന് ആവശ്യം ഉയര്‍ന്നതിനെ തുടര്‍ന്നാണ് പുതിയ മാറ്റം. സ്വാതന്ത്ര്യ സമരകാലത്താണ് കോണ്‍ഗ്രസ് താഴേക്കിടയിലുള്ള സംഘാടനത്തിനും മറ്റുമായി സേവാദളിന് രൂപംകൊടുത്തത്. എന്നാല്‍ സ്വാതന്ത്ര്യത്തിന് ശേഷം ഇതിന്റെ പ്രാധാന്യം കോണ്‍ഗ്രസ് നേതാക്കള്‍ അവഗണിക്കുകയും പാര്‍ട്ടി ആസ്ഥാനത്ത് പതാക ഉയര്‍ത്തുന്നതുപോലെയുള്ള ചടങ്ങുകളിലേക്ക് മാത്രം ഉപയോഗിക്കുന്ന വിഭാഗം ആയി മാറുകയും ചെയ്തു.

ആര്‍എസ്എസിനെതിരായ ആശയ യുദ്ധത്തില്‍ സേവാദളിന്റെ പ്രാധാന്യം തിരച്ചറിഞ്ഞതിനെ തുടര്‍ന്ന് രാഹുല്‍ ഗാന്ധി സേവാദളിനെ പുനരുജ്ജീവിപ്പാക്കാനുള്ള ശ്രമങ്ങള്‍ നടത്തിയിരുന്നു. ഇതിന്റെ ഭാഗമാണ് പുതിയ നടപടി. 2016 ലാണ് ഏറെക്കാലമായി ഉപയോഗിച്ചിരുന്ന കാക്കി നിക്കര്‍ മാറ്റി കാക്കി പാന്റിലേക്ക് ആര്‍എസ്എസ് മാറിയത്.

Other News

  • കാട്ടുമൂങ്ങ പണ്ട് ദുശ്ശകുനം, ഇപ്പോള്‍ ഭാഗ്യചിഹ്നം
  • ലോ​ക​ത്തി​ലെ ഏ​റ്റ​വും ഭാ​രം കു​റ​ഞ്ഞ​വ​നാ​യി പി​റ​ന്ന​ കുഞ്ഞ്​ ആ​ശു​പ​ത്രി​യി​ൽ നിന്നും വീട്ടിലേക്ക്​
  • സ്ത്രീധനത്തോടൊപ്പം സ്വര്‍ണ്ണ മാലയും ബൈക്കും ആവശ്യപ്പെട്ട വരന്റെ തല വധുവിന്റെ ബന്ധുക്കള്‍ മുണ്ഡനം ചെയ്തു
  • തായ്‌വാന്‍ വനിതയുടെ കണ്ണില്‍ ജീവനോടെ നാല് തേനീച്ചകള്‍
  • വന്ധ്യതാ നിവാരണ ചികിത്സയുടെ മറവിൽ ഡോക്​ടർ ജന്മം നൽകിയത് 49 കുട്ടികൾക്ക്​ ​
  • എഴുപത്തഞ്ചുകാരനെ വീട്ടില്‍ വളര്‍ത്തിയ കൂറ്റന്‍ പക്ഷി കൊത്തികൊന്നു
  • ഒരക്ഷരം കുറഞ്ഞു; ഏറ്റവും നീളം കൂടിയ പേരുള്ള റെയില്‍വെ സ്റ്റേഷന്‍ എന്ന ബഹുമതി ചെന്നൈ സെന്‍ട്രലിനു നഷ്ടപ്പെട്ടു
  • സ്റ്റാലിന്റെ പ്രസംഗം കേട്ട് കമലഹാസന്‍ ടെലിവിഷന്‍ എറിഞ്ഞുടക്കുന്ന പരസ്യം വൈറലായി!
  • തമോഗര്‍ത്തം ആദ്യമായി ക്യാമറയിലാക്കി
  • ദുര്യോധനനു വഴിപാടായി ലഭിച്ചത് 101 കുപ്പി ഓള്‍ഡ് മങ്ക്
  • നെപ്പോളിയന്‍ ഭാര്യയ്ക്ക് എഴുതിയ പ്രേമ ലേഖനങ്ങള്‍ ലേലത്തില്‍ പോയത് നാല് കോടി രൂപയ്ക്ക്
  • Write A Comment

     
    Reload Image
    Add code here