വരന്റെ പിതാവ് രോഗബാധിതനായി ; കാനഡയില്‍ ആഘോഷമാക്കാനിരുന്ന വിവാഹം വധുവിന്റെ നിര്‍ദ്ദേശ പ്രകാരം ദുബായിലെ ആശുപത്രിയില്‍ നടത്തി

Mon,Jul 02,2018


ദുബായ്- കാനഡയില്‍വെച്ച് ആഘോഷമായി നടത്താന്‍ നിശ്ചയിച്ചിരുന്ന വിവാഹത്തില്‍ അസുഖംമൂലം വരന്റെ പിതാവിന് കഴിയാത്തതിനാല്‍ ദുബായിലേക്ക് മാറ്റി.
ആഢംബരങ്ങള്‍ വേണ്ടെന്നുവെച്ച് പറന്നെത്തിയ വരനും വധുവും ദുബൈയിലെ ആശുപത്രിയിലെത്തി പിതാവിന്റെ സാന്നിധ്യത്തില്‍ വിവാഹിതരാവുകയായിരുന്നു.
ദുബായ് മന്‍ഖൂലിലെ ആസ്റ്റര്‍ ഹോസ്പിറ്റലാണ് അപൂര്‍വ ചടങ്ങിനു വേദിയായത്. ബംഗ്ലാദേശ് പൗരനായ റിബാത്തും പാക്കിസ്ഥാന്‍ സ്വദേശിനി സനയുമാണ് കനഡയില്‍നിന്ന് ദുബായില്‍ പറന്നെത്തി വിവാഹിതരായത്. ഡോക്ടര്‍മാരുടേയും ആശുപത്രി ജീവനക്കാരുടേയും സാന്നിധ്യത്തില്‍ ലളിതമായിരുന്നു ചടങ്ങ്. ആശുപത്രി കോണ്‍ഫറന്‍സ് ഹാളിലായിരുന്നു ചടങ്ങുകള്‍.
ഈ മാസം 16-ന് ടൊറണ്ടോയില്‍ ഗംഭീരമായി നടത്താന്‍ തീരുമാനിച്ചിരുന്ന വിവാഹമായിരുന്നു ഇത്. പെട്ടെന്നാണ് വരന്‍ റിബാത്തിന്റെ പിതാവ് ശഹാദത്ത് ചൗധരി അസുഖബാധിതനായതും ആശുപത്രിയില്‍ വെന്റിലേറ്റിലായതും. ജൂണ്‍ 13-ന് റിബാത്തും സഹോദരിയും ടൊറണ്ടോയില്‍നിന്ന് ദുബായിലെത്തി.
ആഴ്ചകള്‍ നീണ്ട ചികിത്സക്കൊടുവില്‍ ശഹാദത്ത് തീവ്രവപരിചരണത്തില്‍നിന്ന് പുറത്തു കടന്നെങ്കിലും കനഡയിലേക്ക് പറക്കാന്‍ ഡോക്ടര്‍മാര്‍ അനുമതി നല്‍കിയില്ല. അക്യൂട്ട് റസ്പിറേറ്ററി സിന്‍ഡ്രം (എആര്‍ഡിഎസ്) ബാധിച്ച അദ്ദേഹത്തിന് ഓക്സിജന്‍ നല്‍കേണ്ടതുണ്ടായിരുന്നു. ശ്വാസകോശത്തില്‍ അണുബാധയുണ്ടാകുന്ന രോഗമാണിത്.
ടൊറണ്ടോയില്‍ വിവാഹം നടത്തുന്നതിന് എല്ലാ ഒരുക്കങ്ങളും പൂര്‍ത്തിയാക്കിയിരുന്നുവെങ്കിലും ചടങ്ങ് ദുബായില്‍വെച്ച് നടത്താമെന്ന നിര്‍ദേശം മുന്നോട്ടുവെച്ചത് വധു സനയായിരുന്നു. ഇരുവരും യൂനിവേഴ്സിറ്റിയില്‍ വെച്ചാണ് കണ്ടുമുട്ടിയതും വിവാഹത്തിലെത്തിയതും.

Other News

  • കാട്ടുമൂങ്ങ പണ്ട് ദുശ്ശകുനം, ഇപ്പോള്‍ ഭാഗ്യചിഹ്നം
  • ലോ​ക​ത്തി​ലെ ഏ​റ്റ​വും ഭാ​രം കു​റ​ഞ്ഞ​വ​നാ​യി പി​റ​ന്ന​ കുഞ്ഞ്​ ആ​ശു​പ​ത്രി​യി​ൽ നിന്നും വീട്ടിലേക്ക്​
  • സ്ത്രീധനത്തോടൊപ്പം സ്വര്‍ണ്ണ മാലയും ബൈക്കും ആവശ്യപ്പെട്ട വരന്റെ തല വധുവിന്റെ ബന്ധുക്കള്‍ മുണ്ഡനം ചെയ്തു
  • തായ്‌വാന്‍ വനിതയുടെ കണ്ണില്‍ ജീവനോടെ നാല് തേനീച്ചകള്‍
  • വന്ധ്യതാ നിവാരണ ചികിത്സയുടെ മറവിൽ ഡോക്​ടർ ജന്മം നൽകിയത് 49 കുട്ടികൾക്ക്​ ​
  • എഴുപത്തഞ്ചുകാരനെ വീട്ടില്‍ വളര്‍ത്തിയ കൂറ്റന്‍ പക്ഷി കൊത്തികൊന്നു
  • ഒരക്ഷരം കുറഞ്ഞു; ഏറ്റവും നീളം കൂടിയ പേരുള്ള റെയില്‍വെ സ്റ്റേഷന്‍ എന്ന ബഹുമതി ചെന്നൈ സെന്‍ട്രലിനു നഷ്ടപ്പെട്ടു
  • സ്റ്റാലിന്റെ പ്രസംഗം കേട്ട് കമലഹാസന്‍ ടെലിവിഷന്‍ എറിഞ്ഞുടക്കുന്ന പരസ്യം വൈറലായി!
  • തമോഗര്‍ത്തം ആദ്യമായി ക്യാമറയിലാക്കി
  • ദുര്യോധനനു വഴിപാടായി ലഭിച്ചത് 101 കുപ്പി ഓള്‍ഡ് മങ്ക്
  • നെപ്പോളിയന്‍ ഭാര്യയ്ക്ക് എഴുതിയ പ്രേമ ലേഖനങ്ങള്‍ ലേലത്തില്‍ പോയത് നാല് കോടി രൂപയ്ക്ക്
  • Write A Comment

     
    Reload Image
    Add code here