പതിമൂന്നര വര്‍ഷമായി ശമ്പളമില്ലാതെ ജോലി ചെയ്ത അധ്യാപികയ്ക്ക് കുടിശ്ശിക സഹിതം ശമ്പളം കൊടുക്കാന്‍ ഉത്തരവ്

Sat,Jun 23,2018


ബാംഗ്ലൂര്‍: പതിമൂന്നര വര്‍ഷമായി ശമ്പളമില്ലാതെ ജോലി ചെയ്ത അധ്യാപികയ്ക്ക് കുടിശ്ശിക സഹിതം ശമ്പളം ഉടന്‍ കൊടുക്കാന്‍ കര്‍ണാടക ഹൈക്കോടതി ഉത്തരവ്. നിയമനം കിട്ടി 25 വര്‍ഷത്തിന് ശേഷമാണ് വിദ്യാവതി എന്ന അധ്യാപികയ്ക്ക് അനുകൂലമായി കോടതി ഉത്തരവുണ്ടായിരിക്കുന്നത്. മൂന്നുമാസത്തിനുളളില്‍ മുഴുവന്‍ ശമ്പള കുടിശ്ശികയും നല്‍കിയില്ലെങ്കില്‍ സ്‌കൂളിന്റെ വസ്തുവകകള്‍ കണ്ടുകെട്ടാനും കോടതി ഉത്തരവിട്ടു. കര്‍ണാടകത്തിലെ കോളാര്‍ ഗോള്‍ഡ് ഫീല്‍ഡ്‌സിലെ അരവിന്ദ് തയ്യാര്‍ ഗേള്‍സ് ഹൈസ്‌കൂളില്‍ 1992 ലാണ് വിദ്യാവതി അധ്യാപികയായി പഠിപ്പിക്കാന്‍ തുടങ്ങിയത്. ഉന്നത വിദ്യാഭ്യാസ വകുപ്പിന്റെ കണക്ക് പ്രകാരം 13.5 വര്‍ഷമാണ് ശമ്പളമില്ലാതെ വിദ്യാവതിക്ക് പഠിപ്പിക്കേണ്ടി വന്നത്. സ്‌കൂള്‍ മാനേജ്‌മെന്റ്‌ ഇത്രയും കാലം പഠിപ്പിച്ചിട്ടും അവരുടെ നിയമനം റഗുലറൈസ് ചെയ്തതുമില്ല. 2001 ആഗസ്റ്റിലും വിദ്യാഭ്യാസ വകുപ്പ് നിയമനം അംഗീകരിക്കാന്‍ വിസമ്മതിച്ചതിനെതിരെ നീതി തേടി ഒടുവില്‍ വിദ്യാവതി ഹൈക്കോടതിയെ സമീപിച്ച് അനുകൂല വിധി സമ്പാദിച്ചു. തുടര്‍ന്ന് 2005 ലെ ഹൈക്കോടതി വിധി പ്രകാരം വിദ്യാഭ്യാസ വകുപ്പ് ഹിയറിങ്ങിന് വിളിക്കുകയും 1993 മുതല്‍ 2006 വരെയുളള മുഴുവന്‍ കുടിശ്ശികയും കൊടുത്തുതീര്‍ക്കാന്‍ ഉത്തരവാകുകയും ചെയ്തു. എന്നിട്ടും ശമ്പള കുടിശ്ശിക നല്‍കാതെ വന്നതോടെ വിദ്യാവതി ഉന്നത സമിതിയെ സമീപിക്കുകയും അവിടുന്നും അനുകൂല വിധി കിട്ടി. അതിന് ശേഷവും സ്‌കൂള്‍ അധികൃതര്‍ ശമ്പളം നല്‍കാന്‍ തയാറായില്ല. അങ്ങനെയാണ് അവര്‍ വീണ്ടും ഹൈക്കോടതിയിലെത്തിയത്.

Other News

  • പ്രോസസ്‌ഡ്‌ ഫുഡ്' രാസവസ്തു സമ്പന്നം ;അമിതമായി സംസ്കരിക്കപ്പെട്ട ഭക്ഷണം കഴിക്കുന്നവരുടെ ആയുസ്സ് 14% കുറയുന്നുവെന്ന് പഠനം
  • ശസ്ത്രക്രിയയ്ക്കിടെ രോഗിയുടെ വയറ്റില്‍ ഡോക്ടര്‍ ചവണ മറന്നുവെച്ചു
  • മുടി ഐസാക്കും മത്സരം!
  • കളിച്ചത് ദോത്തിയും കുര്‍ത്തയും ധരിച്ച്, കമന്ററി സംസ്‌കൃതത്തില്‍
  • 'ജാതിയും ഇല്ല മതവും ഇല്ല' ; ആദ്യമായി ഔദ്യോഗിക സര്‍ട്ടിഫിക്കറ്റ് നേടി, തമിഴ്‌നാട്ടിലെ അഭിഭാഷക
  • എലന്‍ മസ്‌ക്കിന്റെ ചെറിയ വീട് വില്‍പനക്ക് , വില 31 കോടി !
  • എംകോം ബിരുദധാരിയുടെ ജോലി ഭക്ഷണവിതരണം
  • ''തിരിച്ചുകിട്ടിയില്ലെങ്കിലും സാരമില്ല, ഞങ്ങളുടെ ഷിംപാകു ജൂനിപെറിനെ നല്ലപോലെ നോക്കിയാല്‍ മതി'',മോഷണം പോയ ചെടികളെ ഓര്‍ത്ത് ഒരു കുറിപ്പ്‌
  • വിദ്യാര്‍ത്ഥികള്‍ക്ക് ഭക്ഷണം വിളമ്പിക്കൊടുത്ത് പ്രധാനമന്ത്രി
  • വിവാദമായ വാഹനാപകടത്തിനുപിന്നാലെ ബ്രിട്ടനിലെ ഫിലിപ്പ് രാജകുമാരൻ ഡ്രൈവിങ് ലൈസൻസ് സറണ്ടർ ചെയ്തു
  • പ​ട്ടി​ണി കി​ട​ന്ന്​ ശ​രീ​രം മെ​ലി​യി​ക്കാ​നും വ്യാ​യാ​മം ചെ​യ്യാ​നു​മി​ല്ലെ​ന്ന് ട്രമ്പ്‌
  • Write A Comment

     
    Reload Image
    Add code here