വഴിയില്‍ ഉപേക്ഷിക്കപ്പെട്ട നിലയില്‍ കണ്ടെത്തിയ ചോരക്കുഞ്ഞിനെ മുലയൂട്ടിയ ബെംഗളുരുവിലെ പോലീസുകാരിക്ക് അഭിനന്ദന പ്രവാഹം

Tue,Jun 05,2018


ബെംഗളുരു: ഉപേക്ഷിക്കപ്പെട്ട നിലയില്‍ വഴിയരികില്‍ നിന്ന് പോലീസ് കണ്ടെത്തിയ നവജാത ശിശുവിന് പാലൂട്ടിയത് മാതൃത്വത്തിന്റെ നന്മ വറ്റാത്ത പോലീസുകാരി.
ബെംഗളുരുവിലെ പോലീസ് സ്‌റ്റേഷനില്‍ വിശന്നുകരയുന്ന കുഞ്ഞിനെ കണ്ട് മനമുരുകിയ അര്‍ച്ചനയെന്ന പോലീസുകാരിയാണ് സ്വന്തം കുഞ്ഞിനെയെന്നപോലെ അവനെ മാറോട് ചേര്‍ത്ത് പാലൂട്ടിയത്. ബെംഗളുരു പോലീസ് അവരുടെ ഫെയ്‌സ് ബുക്കുപേജിലൂടെയാണ് ഈ വാര്‍ത്തയും ദൃശ്യങ്ങളും പുറത്തുവിട്ടത്. ഇതോടെ അര്‍ച്ചന സോഷ്യല്‍ മീഡിയയിലെ താരമായിരിക്കുകയാണ്. അന്താരാഷ്ട്ര മാധ്യമമായ ബി.ബി.സിയും അര്‍ച്ചനയെ അഭിനന്ദിച്ച് വാര്‍ത്ത നല്‍കി.
ബെംഗളുരു പോലീസ് സബ് ഇന്‍സ്‌പെക്ടര്‍ നാഗേഷിനാണ് മാതാപിതാക്കള്‍ ഉപേക്ഷിച്ച നിലയില്‍ കണ്ടെത്തിയ ആണ്‍ കുഞ്ഞിനെ വഴിയില്‍ നിന്നു കിട്ടിയത്. നേരെ പോലീസ് സ്‌റ്റേഷനില്‍ എത്തിച്ചപ്പോളാണ് വിശന്നു കരഞ്ഞ കുഞ്ഞിന് മൂന്നുമാസം പ്രായമുള്ള ആണ്‍കുഞ്ഞിന്റെ അമ്മകൂടിയായ അര്‍ച്ചന സ്വന്തം മാതൃത്വം ചുരത്തി നല്‍കിയത്. പ്രസവാവധി കഴിഞ്ഞ് കഴിഞ്ഞ ദിവസമാണ് അര്‍ച്ചന ജോലിയില്‍ തിരികെ പ്രവേശിച്ചത്.
ബെംഗളുരുവിലെ ഇലക്ട്രോണിക് സിറ്റിക്കു സമീപമുള്ള നിര്‍മാണ സ്ഥലത്തുനിന്നാണ് അസി. എസ്.ഐ നാഗേഷിന് പ്രസവിച്ചിട്ട് അധിക നേരമാകാത്ത ചോരക്കുഞ്ഞിനെ ലഭിച്ചത്. പൊക്കിള്‍ കൊടി മുറിച്ചുമാറ്റാതെ കഴുത്തില്‍ ചുറ്റിയ നിലയിലായിരുന്നു. കുഞ്ഞിനെ നാഗേഷ് ഉടന്‍ തന്നെ അടുത്തുള്ള ആശുപത്രിയില്‍ എത്തിച്ച് അപകടമൊന്നുമില്ല എന്നുറപ്പാക്കി.
തുടര്‍ന്നാണ് സ്റ്റേഷനില്‍ കൊണ്ടുവന്നത്. കുഞ്ഞ് കരഞ്ഞപ്പോള്‍ സ്‌റ്റേഷനില്‍ ഡ്യൂട്ടിയിലുണ്ടായിരുന്ന അര്‍ച്ചന അതിനെ എടുത്ത് മുലയൂട്ടുകയായിരുന്നു. കുഞ്ഞിന്റെ കരച്ചില്‍ കണ്ടുനില്‍ക്കാനായില്ലെന്നും സ്വന്തം കുഞ്ഞ് കരയുന്നതുപോലെ തോന്നിയെന്നും അര്‍ച്ചന പറഞ്ഞു.
എന്തായാലും സംഭവം വാര്‍ത്തകളില്‍ നിറഞ്ഞതോടെ അര്‍ച്ചനയേയും നാഗേഷിനെയും അഭിനന്ദനങ്ങള്‍കൊണ്ടു മൂടുകയാണ് ലോകം.

Other News

  • ബ്രിട്ടീഷ് രാജകുമാരന്‍ ഹാരിയുടെ പ്രിയപത്‌നി മേഗന്‍ മാര്‍കിള്‍ ന്യൂയോര്‍ക്കില്‍ നടത്തിയ രഹസ്യ സന്ദര്‍ശനത്തിന്റെ ചിത്രങ്ങള്‍ പുറത്ത്
  • അധ്യാപിക ക്ലാസെടുക്കുന്നതിനിടയില്‍ ശീതള പാനിയത്തില്‍ മദ്യം കലര്‍ത്തി കുടിച്ച വിദ്യാര്‍ത്ഥിനികളെ സ്‌കൂളില്‍ നിന്ന് പുറത്താക്കി
  • പ്രോസസ്‌ഡ്‌ ഫുഡ്' രാസവസ്തു സമ്പന്നം ;അമിതമായി സംസ്കരിക്കപ്പെട്ട ഭക്ഷണം കഴിക്കുന്നവരുടെ ആയുസ്സ് 14% കുറയുന്നുവെന്ന് പഠനം
  • ശസ്ത്രക്രിയയ്ക്കിടെ രോഗിയുടെ വയറ്റില്‍ ഡോക്ടര്‍ ചവണ മറന്നുവെച്ചു
  • മുടി ഐസാക്കും മത്സരം!
  • കളിച്ചത് ദോത്തിയും കുര്‍ത്തയും ധരിച്ച്, കമന്ററി സംസ്‌കൃതത്തില്‍
  • 'ജാതിയും ഇല്ല മതവും ഇല്ല' ; ആദ്യമായി ഔദ്യോഗിക സര്‍ട്ടിഫിക്കറ്റ് നേടി, തമിഴ്‌നാട്ടിലെ അഭിഭാഷക
  • എലന്‍ മസ്‌ക്കിന്റെ ചെറിയ വീട് വില്‍പനക്ക് , വില 31 കോടി !
  • എംകോം ബിരുദധാരിയുടെ ജോലി ഭക്ഷണവിതരണം
  • ''തിരിച്ചുകിട്ടിയില്ലെങ്കിലും സാരമില്ല, ഞങ്ങളുടെ ഷിംപാകു ജൂനിപെറിനെ നല്ലപോലെ നോക്കിയാല്‍ മതി'',മോഷണം പോയ ചെടികളെ ഓര്‍ത്ത് ഒരു കുറിപ്പ്‌
  • വിദ്യാര്‍ത്ഥികള്‍ക്ക് ഭക്ഷണം വിളമ്പിക്കൊടുത്ത് പ്രധാനമന്ത്രി
  • Write A Comment

     
    Reload Image
    Add code here