വാക്കുകള്‍ എണ്ണി തിട്ടപ്പെടുത്തുന്ന പേനയുടെ കണ്ടുപിടിത്തവുമായി കശ്മീരില്‍ നിന്ന് മുസാഫര്‍ അഹമ്മദ് എന്ന ഒമ്പതുകാരന്‍

Mon,Apr 16,2018


ശ്രീനഗര്‍: മോശം വാര്‍ത്തകളുടെ കുത്തൊഴുക്കുള്ള കശ്മീരില്‍ നിന്ന് വിസ്മയവും സന്തോഷവും ജനിപ്പിക്കുന്ന വാര്‍ത്തയുമായി ഒമ്പതു വയസുകാരന്റെ കണ്ടുപിടിത്തം.
പേപ്പറില്‍ എഴുതുന്ന വാക്കുകള്‍ കൃത്യമായി എണ്ണി തിട്ടപ്പെടുത്താന്‍ കഴിയുന്ന പേനയുടെ കണ്ടുപിടിത്തം നടത്തിയ മുസാഫര്‍ അഹമ്മദ് എന്ന ബാലനാണ് വി്‌സമയ താരമായത്. കശ്മീരിലെ ഗുരസ് താഴ്‌വരയിലാണ് മുസാഫര്‍ അഹമ്മദിന്റെ താമസം.
വാക്കുകളുടെ എണ്ണം നിയന്ത്രിക്കാന്‍ കഴിയാത്തതിനാല്‍ പരീക്ഷയില്‍ മാര്‍ക്ക് കുറഞ്ഞതിനെ തുടര്‍ന്നാണ് താന്‍ ഇത്തരമൊരു പേനയെ കുറിച്ച് ചിന്തിച്ചതെന്ന് മുസാഫര്‍ പറയുന്നു. ''അവസാന പരീക്ഷയില്‍ കുറച്ച് വാക്കുകള്‍ മാത്രം എഴുതിയതിനാല്‍ എനിക്ക് വളരെ കുറച്ച് മാര്‍ക്ക് മാത്രമാണ് ലഭിച്ചത്. അന്ന് തൊട്ട് ഞാന്‍ വാക്കുകള്‍ എണ്ണിത്തിട്ടപ്പെടുത്താന്‍ കഴിയുന്ന പേന കണ്ടുപിടിക്കാനുള്ള ശ്രമത്തിലായിരുന്നു''- മുസാഫര്‍ കൂട്ടിച്ചേര്‍ത്തു.
ഉപന്യാസങ്ങളോ മറ്റ് വലിയ ഉത്തരങ്ങളോ എഴുതേണ്ടി വരുന്ന സാഹചര്യങ്ങളില്‍ ഈ പേന കുട്ടികളെ സഹായിക്കുമെന്നാണ് വിലയിരുത്തല്‍. മെയ് മുതല്‍ പേന മാര്‍ക്കറ്റില്‍ ലഭിക്കുമെന്ന് മുസാഫര്‍ പറഞ്ഞു.പേനയുടെ പുറകില്‍ ഒരു കെയ്സ് ഘടിപ്പിച്ചിട്ടുണ്ട്.
പേന ഉപയോഗിച്ച് ആരെങ്കിലും എഴുതാന്‍ തുടങ്ങിയാല്‍ വാക്കുകളുടെ എണ്ണം തിട്ടപ്പെടുത്താന്‍ തുടങ്ങും. പേനയില്‍ ഘടിപ്പിച്ചിട്ടുള്ള എല്‍സിഡി മോണിറ്ററില്‍ അത് വാക്കുകളുടെ എണ്ണം എഴുതിക്കാണിക്കും. മെസേജ് വഴി ഒരു മൊബൈല്‍ ഫോണിലേക്കും ബന്ധിപ്പിക്കുന്നതിനുള്ള സൗകര്യമുണ്ട്- മുസാഫര്‍ പറഞ്ഞു.
രാഷ്ട്രപതി ഭവനിലെ സയന്‍സ് ആന്റ് ടെക്നോളജി വിഭാഗത്തിന് കീഴില്‍ പ്രവര്‍ത്തിക്കുന്ന സ്വയംഭരണ സ്ഥാപനമായ നാഷണല്‍ ഇന്നോവേഷന്‍ ഫൗണ്ടേഷന്‍ സംഘടിപ്പിച്ച പരിപാടിയില്‍ പേനയുടെ ആദ്യമാതൃക പ്രദര്‍ശിപ്പിച്ചപ്പോള്‍ രാഷ്ട്രപതി രാംനാഥ് കോവിന്ദ് മുസാഫറിനെ അഭിനന്ദിക്കുകയും ചെയ്തു.

Other News

  • അപകടത്തില്‍ പെട്ടയാളെ രക്ഷിക്കാന്‍ സ്വന്തം കാര്‍ നല്‍കി മന്ത്രി ഓട്ടോയില്‍ കയറിപോയി
  • കൊക്കൊകോള കഞ്ചാവ് ചേര്‍ത്ത പാനീയം പുറത്തിറക്കുന്നു!
  • വിമാനയാത്രക്കിടയില്‍ കാമുകന്റെ വിവാഹാഭ്യര്‍ഥന സ്വീകരിച്ചു; എയര്‍ഹോസ്റ്റസിന് ജോലി നഷ്ടമായി
  • കുഞ്ഞുങ്ങള്‍ക്ക് സ്വര്‍ണ്ണമോതിരം സമ്മാനിച്ച് തമിഴ്‌നാട്ടില്‍ മോഡിയുടെ ജന്മദിനാഘോഷം
  • തമിഴ്‌നാട്ടില്‍ യുവാവിന് കൂട്ടുകാര്‍ വിവാഹദിനത്തില്‍ സമ്മാനമായി നല്‍കിയത് പെട്രോള്‍
  • അവാര്‍ഡ് നിശക്കിടെ മദ്യപിച്ച് ലക്കുകെട്ടു; യുകെയിലെ സ്ഥാനപതിയെ പാക്കിസ്ഥാന്‍ തിരിച്ച് വിളിച്ചു
  • മ്യൂ​സി​യ​ത്തി​ൽ കൊ​ള്ള; പാ​റ്റ​ക​ളെ​യും ചി​ല​ന്തി​ക​ളെ​യും കാ​ണാ​താ​യി
  • സൗദി വനിതാ പൈലറ്റുകളെ തേടുന്നു: 24 മണിക്കൂറിനിടെ ലഭിച്ചത് 1000 അപേക്ഷകള്‍
  • വലിയ അളവില്‍ ഇന്ധനം വാങ്ങുന്നവര്‍ക്ക് ബൈക്ക്, ലാപ്പ്‌ടോപ്, വാഷിങ് മെഷീന്‍, എസി തുടങ്ങിയവ വാഗ്ദാനം ചെയ്ത് പമ്പുടമകള്‍
  • കാണാതായ 312 രൂപയുടെ കോടതി ഫീസിനെ ചൊല്ലിയുള്ള കേസ് നീണ്ടത് 41 വര്‍ഷം; അനുകൂല വിധി വന്നപ്പോള്‍ പരാതിക്കാരി ഗംഗാദേവി ജീവിച്ചിരിപ്പില്ല
  • യു.പി.എസ്.സി വെബ്‌സൈറ്റിൽ കാര്‍ട്ടൂണ്‍ കഥാപാത്രം
  • Write A Comment

     
    Reload Image
    Add code here