കാടിറങ്ങി ഫാം ഹൗസിലെത്തിയ ഭീകരന്‍ കടുവയെ പിടിക്കാന്‍ പോയ സ്‌കോട്ടിഷ് പോലീസിന് ഒടുവില്‍ സംഭവിച്ചത് ..

Thu,Feb 08,2018


ഹാട്ടന്‍(യുകെ): ശനിയാഴ്ച രാത്രി അപ്രതീക്ഷിതമായി സ്‌കോട്ട്‌ലാന്‍ഡ്‌സ് യാര്‍ഡ് അബെര്‍ദീന്‍ഷയര്‍ വടക്ക് കിഴക്കുള്ള പോലീസ് കണ്‍ട്രോള്‍ റൂമിലേക്ക് ഒരു ഫോണ്‍കോള്‍ വന്നു.
ഫോണെടുത്ത പോലീസ് ഓഫീസര്‍ മറുതലയ്ക്കല്‍ ഒരാളുടെ പരിഭ്രാന്തമായശബ്ദമാണ് കേട്ടത്. അയാള്‍ പറഞ്ഞതിന്റെ ചുരുക്കം എന്തെന്നാല്‍ തന്റെ ഫാമില്‍ ഒരു കൂറ്റന്‍ കടുവ എവിടെനിന്നോ എത്തിയിരിക്കുന്നു.
സമീപത്തെ കാട്ടില്‍നിന്ന് ഇരതേടി എത്തിയതാകാമെന്നും എത്തിയ സ്ഥലത്തുനിന്ന് കടുവ എങ്ങോട്ടും പോകാതെ നിലയുറപ്പിച്ചിരിക്കുകയാണെന്നും കടുവയുടെ ആക്രമണം ഭയന്ന് എല്ലാവരും വാതിലുകള്‍ അടച്ച് ഫാംഹൗസില്‍തന്നെ കുടുങ്ങിപ്പോയെന്നുമാണ് അയാള്‍ പറഞ്ഞത്.
സംഭവത്തിന്റെ ഗൗരവം മനസിലാക്കിയ പോലീസുകാര്‍ ജാഗരൂകരായി. നിരവധി വാഹനങ്ങളിലായി വന്യജീവികളുടേതടക്കം ഏത് ആക്രമണവും നേരിടാന്‍ പരിശീലനം ലഭിച്ച സായുധരായ പോലീസുകാരുടെ ഒരു സംഘം ഫാമിലെത്തി വിവിധ സ്ഥലങ്ങളില്‍ നിലയുറപ്പിച്ചു.
വഴിതെറ്റി വന്നത് കടുവ ആണെന്നതിനാല്‍ ഒരു പക്ഷെ ഏതെങ്കിലും വന്യജീവി സങ്കേതത്തില്‍ നിന്നോ മൃഗശാലയില്‍നിന്നോ രക്ഷപ്പെട്ടെത്തിയതാണോ എന്നറിയാന്‍ സമീപത്തെ മൃഗശാല അധികൃതരെക്കൂടി പോലീസ് സംഭവ സ്ഥലത്തേക്ക് വിളിച്ചുവരുത്തി.
എല്ലാ സജ്ജീകരണങ്ങളും പ്രത്യാക്രമണ സംവിധാനങ്ങളും തയ്യാറാക്കി 45 മിനിറ്റോളം ജാഗ്രതയോടെ പോലീസ് നിരീക്ഷിച്ചപ്പോളാണ് ഇരിക്കുന്ന സ്ഥലത്തുനിന്ന് കടുവ തീരെ അനങ്ങുനില്ല എന്നു വ്യക്തമായത്. ശബ്ദകോലാഹലങ്ങളോടും പോലീസുകാര്‍ പരിശോധനയ്ക്കായി തെളിച്ച പ്രകാശത്തോടും കടുവ പ്രതികരിക്കാതിരുന്നതോടെ ആകെ ആശയക്കുഴപ്പമായി.
കടുവയ്ക്ക് അനക്കമില്ല എന്നുറപ്പുവരുത്തിയ സംഘത്തിലെ ധീരന്മാര്‍ അടുത്തുചെന്ന് പരിശോധിച്ചപ്പോളാണ് അമളി മനസിലായത്. അവിടെ കാണാനായത് കടുവയുടെ ഒരു വലിയ പാവയായിരുന്നു. അതോടെ വലിഞ്ഞുമുറുകി നിന്ന അന്തരീക്ഷത്തിന് അയവും വന്നു.
ഈ വിവരം ഫെയ്‌സ് ബുക്കിലെ 'യുകെ കോപ് ഹ്യൂമര്‍ എന്ന പേജിലൂടെ പോലീസ് തന്നെ ചിത്രങ്ങള്‍ സഹിതം പങ്കുവെയ്ക്കുകയും ചെയ്തു. ലോകത്തിലെ തന്നെ പോലീസ് സേനയില്‍ ഏറ്റവും മിടുക്കരായ സ്‌കോട്ടിഷ് പോലീസിനെ ഒരു പാവക്കടുവ ഒരു രാത്രി വിറപ്പിച്ച കഥയറിഞ്ഞ് ലോകം ചിരിക്കുകയാണ്. ബി.ബി.സിയാണ് ഈ സംഭവം പുറത്തുവിട്ടത്.

Other News

  • മീറ്റിങിനിടെ സീലിങില്‍നിന്ന് പെരുമ്പാമ്പ് താഴെ വീണു
  • നവരാത്രി ദിനത്തില്‍ ദേവീവിഗ്രഹം അണിയിച്ചൊരുക്കാന്‍ നാലരക്കോടിയുടെ സ്വര്‍ണവും രണ്ടരക്കോടിയുടെ നോട്ടുകളും!
  • നീളന്‍ മീശയും കിരീടവും; പുരാണത്തിലെ ജനക മഹാരാജാവായി കേന്ദ്ര മന്ത്രി
  • മോഡി മഹാ വിഷ്ണുവിന്റെ അവതാരമെന്ന് ബിജെപി നേതാവ്; ദേവന്മാർക്ക് അപമാനമെന്ന് കോണ്‍ഗ്രസ്‌
  • അനുയായികള്‍ നല്‍കിയ സ്വീകരണത്തിനിടെ ആനയിടഞ്ഞു, ഡെപ്യൂട്ടി സ്പീക്കര്‍ ആനപ്പുറത്തുനിന്നും വീണു-വീഡിയോ
  • റാണി ആനയുടെ എണ്‍പതാം പിറന്നാള്‍ കേക്ക് മുറിച്ചാഘോഷിച്ചു!
  • 73 ലക്ഷത്തിന് നീരവ് മോദി നല്‍കിയത് വ്യാജ വജ്രങ്ങള്‍; കാമുകി കൈവിട്ട കനേഡിയന്‍ സ്വദേശി വിഷാദരോഗിയായെന്ന് റിപ്പോര്‍ട്ട്
  • സര്‍ക്കാര്‍ ബസ് കുരങ്ങ് 'ഓടിച്ചു': ഡ്രൈവര്‍ക്ക് സസ്‌പെന്‍ഷന്‍-വീഡിയോ
  • മിനസോട്ടയിലെ ഗില്‍ബര്‍ട്ട് നഗരത്തില്‍ പൂസായ പക്ഷികള്‍ നഗരവാസികളെ പരിഭ്രാന്തരാക്കി
  • ബെഡ്ഷീറ്റും ബ്ലാങ്കറ്റും അടിച്ചുമാറ്റുന്നു: ഇന്ത്യന്‍ റെയില്‍വേയ്ക്ക് നഷ്ടം 4000 കോടി രൂപ
  • സ്വവര്‍ഗ ലൈംഗികത ക്രിമിനല്‍ കുറ്റമല്ലെന്ന വിധിയ്ക്ക് പിന്നാലെ യുവതി പീഡിപ്പിച്ചുവെന്ന പരാതിയുമായി മറ്റൊരു യുവതി രംഗത്ത്‌
  • Write A Comment

     
    Reload Image
    Add code here