തിങ്കളാഴ്ചത്തെ ഹര്‍ത്താലിനെതിരെ യുഡിഎഫില്‍ ഭിന്നത; സഹകരിക്കില്ലെന്ന് വി.ഡി സതീശന്‍; അനാവശ്യമെന്ന് എം.കെ മുനീര്‍

Sun,Sep 09,2018


കൊച്ചി: നിയന്ത്രണമില്ലാതെ ഇന്ധന വില വര്‍ധിക്കുന്നതില്‍ പ്രതിഷേധിച്ച് തിങ്കളാഴ്ച കോണ്‍ഗ്രസ് പ്രഖ്യാപിച്ചിരിക്കുന്ന ഹര്‍ത്താലിനെതിരെ യു.ഡിഎഫില്‍ ഭിന്നാഭിപ്രായം.
ദേശീയാടിസ്ഥാനത്തില്‍ കോണ്‍ഗ്രസാണ് ഹര്‍ത്താലിന് ആഹ്വാനം ചെയ്തിട്ടുള്ളതെങ്കിലും കേരളത്തില്‍ യുഡിഎഫ് സഖ്യകക്ഷികളും ഹര്‍ത്താലിനോട് ഐക്യദാര്‍ഢ്യം പ്രകടിപ്പിച്ചിരുന്നു.
എന്നാല്‍ പ്രളയം കൊണ്ട് കഷ്ടപ്പെടുന്ന കേരളീയര്‍ക്ക് ഒരു ഹര്‍ത്താല്‍ താങ്ങാനാവില്ലെന്ന് അഭിപ്രായപ്പെട്ട് കെപിസിസി വൈസ് പ്രസിഡന്റ് ആയ വിഡി സതീശനും യുഡിഎഫിന്റെ നിയമ സഭാ ഉപനേതാവ് ഡോ.എംകെ മുനീറുമാണ് രംഗത്തെത്തിയത്. ഹര്‍ത്താലുമായി സഹകരിക്കില്ലെന്ന് കെ.പി.സി.സി വൈസ് പ്രസിഡന്റ് വി.ഡി. സതീശന്‍ എംഎല്‍എ വ്യക്തമാക്കി.
ഇതിന്റെ പേരില്‍ സംഘടന നടപടികളുണ്ടായാല്‍ ഏറ്റുവാങ്ങാന്‍ തയാറാണെന്നും അദ്ദേഹം പറഞ്ഞു. പ്രളയ ബാധിത മേഖലകളെ എങ്കിലും ഒഴിവാക്കേണ്ടതായിരുന്നുവെന്നും അദ്ദേഹം പറഞ്ഞു. തന്റെ പാര്‍ട്ടിയോ, ഏത് പാര്‍ട്ടി നടത്തിയാലും, താന്‍ എന്നും ഹര്‍ത്താലുകള്‍ക്കെതിരാണെന്ന് സതീശന്‍ കൂട്ടിച്ചേര്‍ത്തു.
ഭാരത് ബന്ദില്‍നിന്നു കേരളത്തെ ഒഴിവാക്കാമായിരുന്നുവെന്ന് മുസ്ലീം ലീഗ് നേതാവും, പ്രതിപക്ഷ ഉപനേതാവുമായ എം.കെ. മുനീറും കഴിഞ്ഞ ദിവസം അഭിപ്രായപ്പെട്ടിരുന്നു.
ഇന്ധന വില വര്‍ധനയില്‍ പ്രതിഷേധിച്ച് കോണ്‍ഗ്രസ് പ്രഖ്യാപിച്ചിരിക്കുന്ന ഭാരത് ബന്ദില്‍നിന്നു കേരളത്തെ ഒഴിവാക്കാന്‍ സാധിക്കില്ലെന്ന് കെപിസിസി പ്രസിഡന്റ് എം.എം. ഹസനാണ് നേരത്തെ അറിയിച്ചത്. തിങ്കളാഴ്ച രാവിലെ ആറ് മുതല്‍ വൈകിട്ട് ആറ് വരെയാണ് സംസ്ഥാനത്ത് ഹര്‍ത്താല്‍. സതീശന്‍ പ്രകടിപ്പിച്ചത് വ്യക്തിപരമായ അഭിപ്രായമാണെന്നും അത് മാറ്റിവെച്ച് പാര്‍ട്ടി തീരുമാനം അനുസരിക്കുകയാണ് വേണ്ടതെന്നും ഹസന്‍ പറഞ്ഞു.
അതേസമയം നാളെ കോണ്‍ഗ്രസ് നടത്താനിരിക്കുന്ന ഹര്‍ത്താലിനെ പിന്തുണക്കുമെന്ന് മുസ്ലീം ലീഗ് വ്യക്തമാക്കി. ജനദ്രോഹനടിപടിക്കെതിരെ നടത്തുന്ന ഹര്‍ത്താലിന് പൂര്‍ണ പിന്തുണയുണ്ട്. ഹര്‍ത്താലുമായി സഹകരിക്കില്ലന്ന വി.ഡി സതീശന്റെ നിലപാട് പാര്‍ട്ടി നടപടികള്‍ക്ക് യോജിച്ചതല്ലന്നും കെപിഎ മജീദ് പറഞ്ഞു.
ഹര്‍ത്താലിനെ പിന്തുണച്ച് തിരുവഞ്ചൂര്‍ രാധാകൃഷ്ണനും വി.ടി ബല്‍റാമും രംഗത്തെത്തി. പ്രളയക്കെടുതിയുടെ സാഹചര്യത്തിലാകാം സതീശന്‍ അങ്ങനെ പറഞ്ഞെതന്നായിരുന്നു തിരുവഞ്ചൂര്‍ രാധാകൃഷ്ണന്റെ പ്രതികരണം. ജനദ്രോഹ നടപടികള്‍ക്കെതിരെ കോണ്‍ഗ്രസ് നടത്തുന്ന ഹര്‍ത്താലിന് പൂര്‍ണ പിന്തുണയുണ്ടെന്ന് വിടി ബലറാം എംഎല്‍എ പറഞ്ഞു.
ഹര്‍ത്താലുമായി സഹകരിക്കില്ലന്ന വി.ഡി സതീശന്റെ നിലപാട് അദ്ദേഹത്തിന്റെ വ്യക്തിപരമായ അഭിപ്രായമാണന്നും വിടി ബലറാം പറഞ്ഞു.

Other News

  • ശബരിമല വിധി പുനഃപരിശോധിക്കും; നിലവിലെ വിധിക്ക് സ്റ്റേ ഇല്ല; തുറന്നകോടതിയില്‍ വാദം കേള്‍ക്കും
  • അഴീക്കോട് മണ്ഡലത്തിലെ തെരഞ്ഞെടുപ്പ് കേസ് രണ്ടാഴ്ച കഴിഞ്ഞ് വിധി പറയാന്‍ മാറ്റി
  • നെയ്യാറ്റിന്‍കര സനല്‍ വധം: ആരോപണവിധേയനായ ഡിവൈഎസ്പി തൂങ്ങി മരിച്ചനിലയില്‍
  • ശബരിമല പുനപരിശോധനാ ഹര്‍ജികള്‍ സുപ്രീംകോടതി ഇന്ന് മൂന്നിന് പരിഗണിക്കും ;നാല് റിട്ട് ഹര്‍ജികള്‍ പരിഗണിക്കുന്നത് മാറ്റിവച്ചു
  • സഭാതര്‍ക്കം രൂക്ഷമായി: പത്തുദിവസമായി സംസ്‌ക്കരിക്കാന്‍ കഴിയാതെ വയോധികന്റെ മൃതദേഹവുമായി ബന്ധുക്കള്‍ പെടാപ്പാട് പെടുന്നു
  • ബന്ധുനിയമന വിവാദം: മന്ത്രി കെ.ടി ജലീലിന്റെ ബന്ധു കെ.ടി അദീബ് നല്‍കിയ രാജി സ്വീകരിച്ചു
  • ശബരിമലയില്‍ അഹിന്ദുക്കളെ വിലക്കരുതെന്ന് സര്‍ക്കാര്‍ ഹൈക്കോടതിയില്‍
  • സനല്‍കുമാര്‍ വധക്കേസ് ക്രൈം ബ്രാഞ്ച് ഐജി എസ്. ശ്രീജിത്ത് നേരിട്ട് അന്വേഷിക്കും
  • മൊഴികളില്‍ മലക്കം മറിഞ്ഞ് ശ്രീധരന്‍ പിള്ള 'അന്വേഷിക്കേണ്ടവര്‍ അന്വേഷിക്കട്ടെ!'; തന്ത്രിയുടെ ശബ്ദം എനിക്കറിയില്ല' ത്ന്ത്രി വിളിച്ചെന്ന് കോടതിയില്‍
  • നെയ്യാറ്റിന്‍കര സനല്‍ കൊലപാതക കേസില്‍ ഡിവൈഎസ്പി ഹരികുമാറിനെ സഹായിച്ച ലോഡ്ജ് മാനേജര്‍ പിടിയില്‍
  • സനലിന്റെ് കൊലപാതകം: പ്രതിയായ ഡിവൈഎസ്പിയെ രക്ഷിക്കാന്‍ ശ്രമമെന്ന് ഭാര്യ; ക്രൈംബ്രാഞ്ചുമായി സഹകരിക്കില്ല; അന്വേഷണ സംഘത്തെ മാറ്റണമെന്നാവശ്യപ്പെട്ട് തിങ്കളാഴ്ച ഹൈക്കോടതിയെ സമീപിക്കും
  • Write A Comment

     
    Reload Image
    Add code here