കേരളത്തില്‍ ഇനിമുതല്‍ ക്വാറികള്‍ക്കും ഖനനത്തിനും അനുമതിയില്ല; തീരുമാനം പരിസ്ഥിതി മന്ത്രാല യത്തിന്റേത്

Mon,Sep 03,2018


ന്യൂഡല്‍ഹി : പ്രളയത്തിന്റെയും ഉരുള്‍ പൊട്ടലുകളുടേയും പശ്ചാത്തലത്തില്‍ കേരളത്തില്‍ ക്വാറികള്‍ക്കും ഖനനത്തിനും അനുമതി നല്‍കുന്നത് കേന്ദ്ര പരിസ്ഥിതി മന്ത്രാലയം നിര്‍ത്തിവച്ചു.
അമിത ചൂഷണം പ്രകൃതി മൂലം ഭൂമിയുടെ ഘടനയില്‍ വന്ന മാറ്റവും, പ്രളയത്തിന് ഖനനവും കാരണമായെന്ന റിപ്പോര്‍ട്ടുകളുടെ അടിസ്ഥാനത്തിലാണ് നടപടി.
സംസ്ഥാനത്തു നടക്കുന്ന ഖനന പ്രവര്‍ത്തനങ്ങളുടെ സമഗ്ര വിവരങ്ങള്‍ നല്‍കാന്‍ സംസ്ഥാന സര്‍ക്കാരിനോട് പരിസ്ഥിതി മന്ത്രാലയം ആവശ്യപ്പെടും.
കേരളത്തിലെ പ്രളയത്തിന്റെ പശ്ചാത്തലത്തിലാണ് ക്വാറികള്‍ക്കും ഖനനത്തിനും ഇപ്പോള്‍ അനുമതി നല്‍കേണ്ടതില്ലെന്ന കേന്ദ്ര പരിസ്ഥിതി മന്ത്രാലയ സമിതിയുടെ തീരുമാനം. 25 ഹെക്ടറില്‍ താഴെയുള്ള ആറു ക്വാറികള്‍ക്ക് അനുമതി തേടിയാണ് നടത്തിപ്പുകാര്‍ മന്ത്രാലയത്തെ സമീപിച്ചിരുന്നത്.
സംസ്ഥാന തല പരിസ്ഥിതി പ്രത്യാഘാത അതോറിറ്റിയുടെ കാലാവധി കഴിഞ്ഞതിനാലാണ് സംസ്ഥാനത്ത് അനുമതി ലഭ്യമാക്കേണ്ട പദ്ധതിയായിട്ടും കേന്ദ്രത്തിന് അപേക്ഷ നല്‍കേണ്ടി വന്നത്. കേരളത്തിലെ പ്രളയത്തിന് ഖനനവും കാരണമായെന്ന മാധ്യമ റിപ്പോര്‍ട്ടുകള്‍ ചൂണ്ടിക്കാട്ടിയ അവലോകന സമിതി അപേക്ഷകള്‍ മാറ്റിവച്ചു.
സംസ്ഥാനത്തു നിന്ന് ക്വാറികള്‍ക്ക് അനുമതി തേടി നിരവധി അപേക്ഷകളാണ് ലഭിക്കുന്നത്. ഇതില്‍ സംസ്ഥാന തലത്തില്‍ എത്ര എണ്ണത്തിന് അനുമതി നല്കിയെന്നോ കേരളത്തില്‍ എന്തു വ്യാപ്തിയില്‍ ആണ് ഖനനം നടക്കുന്നത് എന്നോ അറിയില്ലെന്ന് സമിതി വിലയിരുത്തി.
ഈ സാഹചര്യത്തില്‍ സമഗ്രമായ വിവരങ്ങള്‍ ലഭ്യമാക്കാന്‍ സംസ്ഥാന സര്‍ക്കാരിനോട് മന്ത്രാലയം ആവശ്യപ്പെടും.

Other News

  • ശബരിമല ദര്‍ശന ശ്രമത്തില്‍ നിന്ന് പിന്മാറുന്നതായി പ്രഖ്യാപിച്ച് യുവതികള്‍ എറണാകുളത്ത്; പ്രസ്‌ക്ലബ്ബിനുതാഴെ വഴിതടഞ്ഞ് പ്രതിഷേധക്കാര്‍
  • ശബരിമലയിലേക്ക് സംഘടിച്ചെത്താന്‍ പ്രവര്‍ത്തകരോട് ആവശ്യപ്പെട്ട് ബിജെപി സര്‍ക്കുലര്‍
  • ശബരിമല യുവതീ പ്രവേശനം : വിധി സ്റ്റേ ചെയ്യണമെന്ന ആവശ്യം സുപ്രീം കോടതി വീണ്ടും തള്ളി ; ഈ കേസില്‍ എന്തെങ്കിലും പറയാനുണ്ടെങ്കില്‍ അത് ജനുവരി 22 ന് പറഞ്ഞാല്‍ മതിയെന്ന് ചീഫ് ജസ്റ്റിസ്
  • ശബരിമലയില്‍ അറസ്റ്റിലായത് ഭക്തരല്ല; കുഴപ്പമുണ്ടാക്കാന്‍ വന്നവര്‍: മുഖ്യമന്ത്രി; പ്രവര്‍ത്തകര്‍ സംഘടിച്ച് ശബരിമംലയിലേക്ക് എത്തണമെന്നാവശ്യപ്പെട്ട് ബിജെപി സര്‍ക്കുലര്‍
  • ഹര്‍ത്താലില്‍ ആക്രമണം നേരിട്ട ജര്‍മന്‍ ടൂറിസ്റ്റ് സംഘം കേരള സന്ദര്‍ശനം മതിയാക്കി മടങ്ങി; സംഭവം കേരള ടൂറിസം വകുപ്പ് ജര്‍മനിയില്‍ റോഡ് ഷോ നടത്തുന്ന അവസരത്തില്‍
  • പി. മോഹനന്റെ മകനും ഭാര്യയ്ക്കും നേരെ ആക്രമണം; ആര്‍എസ്എസ് പ്രവര്‍ത്തകന്‍ അറസ്റ്റില്‍
  • വീട്ടമ്മയുടെ ദേഹത്ത് സിപിഎം പ്രവര്‍ത്തകര്‍ ചുവന്ന ചായമടിച്ചു
  • കെ. സുരേന്ദ്രന്‍ കരുതല്‍ കസ്റ്റഡിയില്‍; ഞായറാഴ്ച ബി.ജെ.പി യുടെ സംസ്ഥാന വ്യാപക പ്രതിഷേധം, റോഡുകള്‍ ഉപരോധിക്കും
  • അപ്രതീക്ഷിത ഹര്‍ത്താലില്‍ ജനം പെരുവഴിയിലായി; പുലര്‍ച്ചെ ഹര്‍ത്താല്‍ പ്രഖ്യാപിച്ചതു കൊണ്ട് ആരും തന്നെ ഹര്‍ത്താല്‍ വിവരം അറിഞ്ഞില്ല, ജനങ്ങള്‍ ശരിക്കും ബന്ദികളായി
  • ശബരിമലയില്‍ അടിസ്ഥാന സൗകര്യങ്ങളില്ലെന്ന പരാതി അന്വേഷിക്കുവാന്‍ മൂന്നംഗ കെ.പി.സി.സി സംഘം എത്തുന്നു
  • ശബരിമലയില്‍ നടന്നത് ഒരിക്കലും നടക്കാന്‍ പാടില്ലാത്ത കാര്യങ്ങള്‍; തീര്‍ഥാടനകാലം സമാധാനപരമാക്കാന്‍ എല്ലാവരും സഹകരിക്കണമെന്ന് മുഖ്യമന്ത്രി
  • Write A Comment

     
    Reload Image
    Add code here