ഭാര്യയെ തല്ലിക്കൊന്ന് കത്തിച്ച 91 കാരന്‍ പോലീസ് പിടിയില്‍; കൊലപാതകം വീട്ടുവഴക്കിനെ തുടര്‍ന്ന്

Fri,Aug 31,2018


തൃശൂര്‍: ഭാര്യയെ തല്ലിക്കൊന്ന് വീട്ടുവളപ്പിലിട്ടു കത്തിച്ച കേസില്‍ 91 വയസുകാരനെ പൊലീസ് കസ്റ്റഡിയിലെടുത്തു.
വെള്ളിക്കുളങ്ങര മുക്കാട്ടുകരക്കാരന്‍ ചെറിയക്കുട്ടിയുടെ ഭാര്യ കൊച്ചുത്രേസ്യ (80) ആണ് കൊല്ലപ്പെട്ടത്. ചെറിയക്കുട്ടി പൊലീസ് കസ്റ്റഡിയിലാണ്. വഴക്കിനെ തുടര്‍ന്നാണ് കൊല നടന്നതെന്ന നിഗമനത്തിലാണ് പൊലീസ്. കൊച്ചുത്രേസ്യയെ നാലുദിവസമായി കാണാനില്ലായിരുന്നു.
വെള്ളിയാഴ്ച രാവിലെ പ്രതിയെ വീട്ടില്‍ കൊണ്ടുവന്ന് പോലീസ് തെളിവെടുപ്പ് നടത്തി. അനുജത്തിയുടെ വീട്ടിലേക്കുപോയ ഭാര്യയെ കാണാനില്ലെന്ന് ചൂണ്ടിക്കാട്ടി ചെറിയക്കുട്ടി കഴിഞ്ഞ ദിവസം ചെറിയക്കുട്ടി പോലീസില്‍ പരാതി നല്‍കിയിരുന്നു.
ഇതെ തുടര്‍ന്ന് നടത്തിയ അന്വേഷണത്തിനിടയിലാണ് വ്യാഴാഴ്ച മൃതദേഹം കത്തിക്കരിഞ്ഞ നിലയില്‍ വീട്ടുവളപ്പിലെ വിറകു പുരയില്‍ കണ്ടെത്തിയത്.
വീടിന്റെ മുകള്‍നിലയിലുള്ള മുറിയില്‍വെച്ച് കൊലപ്പെടുത്തിയശേഷം വീടിനു പിന്നിലെ ഷെഡിനടുത്ത് കത്തിക്കുകയായിരുന്നുവെന്ന് പൊലീസ് പറഞ്ഞു. മൃതദേഹം പൂര്‍ണമായി കത്തിത്തീര്‍ന്നു. കൊച്ചുത്രേസ്യയും ഭര്‍ത്താവ് ചെറിയക്കുട്ടിയും മാത്രമാണ് വലിയ പുരയിടത്തിലെ വീട്ടില്‍ താമസിക്കുന്നത്. ഇവര്‍ക്ക് ഏഴ് മക്കളുണ്ട്. ഏഴുപേരും വേറെ വീടുകളിലാണ് താമസം.
ഇരുവരും നിരന്തരമായി വഴക്കിലായിരുന്നുവെന്ന് നാട്ടുകാര്‍ പറയുന്നു. നാലുദിവസം മുന്‍പു വഴക്കുണ്ടായപ്പോള്‍ വടികൊണ്ട് ചെറിയക്കുട്ടി കൊച്ചുത്രേസ്യയുടെ തലയിലടിച്ചു.
മരിച്ചെന്നു മനസ്സിലായപ്പോള്‍ മൃതദേഹം മുണ്ടില്‍ പൊതിഞ്ഞ് മുകളിലെ നിലയില്‍നിന്ന് ഗോവണിപ്പടിയിലൂടെ വലിച്ച് താഴെയിറക്കി വീടിനോട് ചേര്‍ന്നുള്ള സ്ഥലത്തെത്തിച്ച് കത്തിച്ചു. ഗോവണിപ്പടിയിലെ ചോരപ്പാടുകള്‍ ചെറിയക്കുട്ടി തുടച്ചുകളയാന്‍ ശ്രമിച്ചിട്ടുണ്ട്. കത്തിച്ചത് പെട്രോള്‍ ഒഴിച്ചാണെന്ന് സംശയിക്കുന്നതായി പൊലീസ് പറഞ്ഞു. മൃതദേഹം നീക്കം ചെയ്യാനും കത്തിക്കാനും ചെറിയക്കുട്ടിക്ക് ആരുടെയെങ്കിലും സഹായം ലഭിച്ചിരുന്നോ എന്നകാര്യവും പോലീസ് അന്വേഷിക്കുന്നുണ്ട്.

Other News

  • ബിനോയ് കോടിയേരിക്കെതിരെ പീഡനക്കേസ് : മുംബൈ പോലീസ് കണ്ണൂരിലെത്തി
  • ബിനീഷ് കോടിയേരി മൂന്ന് ദിവസത്തിനകം ഹാജരാകണമെന്ന് മുംബൈ പോലീസ്; മുന്‍കൂര്‍ ജാമ്യത്തിന് ശ്രമം
  • ശബരിമലയിലെ യുവതീപ്രവേശം തടയാന്‍ ലോക്സഭയില്‍ സ്വകാര്യ ബില്ലിന് അനുമതി തേടി എന്‍.കെ.പ്രേമചന്ദ്രന്‍
  • വനിതാ പോലീസുകാരിയെ ചുട്ടുകൊന്ന പോലീസുകാരനെ സര്‍വീസില്‍ നിന്ന് സസ്പെന്‍ഡ് ചെയ്തു
  • മക്കളില്ലാത്തതിനാല്‍ അന്ത്യകര്‍മങ്ങള്‍ ചെയ്യാന്‍ മുസല്‍മാനെ ചുമതലപ്പെടുത്തി: ടി. പദ്മനാഭന്‍
  • പോസ്റ്റല്‍ ബാലറ്റ് ക്രമക്കേടില്‍ ക്രൈംബ്രാഞ്ച് അന്വേഷണം തുടരട്ടെയെന്ന് ഹൈക്കോടതി
  • ഓഡിറ്റോറിയത്തിന് നഗരസഭ ലൈസന്‍സ് നല്‍കിയില്ല; മനംനൊന്ത് പ്രവാസി വ്യവസായി ജീവനൊടുക്കി
  • ബിനോയ് കോടിയേരിക്കെതിരായ പീഡന പരാതിയില്‍ പാര്‍ട്ടി ഇടപെടില്ലെന്ന് ബൃന്ദ കാരാട്ട്
  • പി.എം മനോജിനെ മുഖ്യമന്ത്രിയുടെ അഡീഷണല്‍ പ്രൈവറ്റ് സെക്രട്ടറിയായി നിയമിച്ചു
  • ബിനോയ് കോടിയേരിക്കെതിരെ മാനഭംഗ പരാതിയുമായി ബിഹാര്‍ സ്വദേശിനി; ആരോപണം വ്യാജമെന്ന് ബിനോയ്
  • ജോസ് കെ മാണിയെ ചെയര്‍മാനായി തെരഞ്ഞെടുത്ത നടപടി കോടതി സ്റ്റേ ചെയ്തു
  • Write A Comment

     
    Reload Image
    Add code here