പ്രളയ ദുരിതാശ്വാസത്തിന് മാതൃകയായി സ്പീക്കറും മന്ത്രിമാരും ജനപ്രതിനിധികളും

Tue,Aug 28,2018


തിരുവനന്തപുരം: കേരളത്തെ കണ്ണീര്‍കടലിലാക്കിയ പ്രളയക്കെടുതികളില്‍ ജനങ്ങളോടൊപ്പം നില്‍ക്കുകയും അവരെ കൈയ്യും മെയ്യും മറന്ന് സഹായിക്കുകയും ചെയ്തവരില്‍ നിയമമ സഭാ സ്പീക്കറും മന്ത്രിമാരും ജനപ്രതിനിധികളും മുന്‍പന്തിയില്‍ തന്നെ.
ദുരിതകാലങ്ങളില്‍ ജനപ്രതിനിധികള്‍ എങ്ങനെ പ്രവര്‍ത്തിക്കണം എന്നതിന് ഉത്തമമായ മാതൃകകളാണ് ഇക്കഴിഞ്ഞ ദിവസങ്ങളില്‍ കേരളം കണ്ടത്.
പൊന്നാനിയില്‍ സ്പീക്കര്‍ ശ്രീരാമകൃഷ്ണന്റെ നേതൃത്വത്തിലായിരുന്നു ശുചീകരണപ്രവര്‍ത്തനങ്ങള്‍ നടന്നത്. ഇതിനായി, സ്പീക്കറുടെ നേതൃത്വത്തില്‍ ജനകീയ ദ്രുതകര്‍മ്മസേന രൂപീകരിക്കുകയും ചെയ്തു.
സ്പീക്കറുടെ നേതൃത്വത്തില്‍ ശുചീകരണപ്രവര്‍ത്തനങ്ങള്‍ നടന്നതിന്റെ ചിത്രങ്ങള്‍ സോഷ്യല്‍ മീഡിയയില്‍ വൈറലായിരുന്നു.
പ്രളയം ആലപ്പുഴയെയും തൃശൂരിനെയും എറണാകുളത്തിനെയും കവര്‍ന്നെടുത്ത ദിവസങ്ങളിലായിരുന്നു ധനമന്ത്രി തോമസ് ഐസക്കിന്റെ ഒരു ചിത്രം സോഷ്യല്‍ മീഡിയയില്‍ പ്രചരിച്ചത്. വെള്ളം കയറിയതിനെ തുടര്‍ന്ന് നിരവധിയാളുകള്‍ സുരക്ഷിത സ്ഥാനങ്ങളിലേക്ക് മാറുന്ന സമയത്തുള്ള ഒരു ചിത്രമായിരുന്നു അത്. ഒരു കൊച്ചുകുഞ്ഞിനെ കൈയിലേന്തി നില്‍ക്കുന്ന മന്ത്രിയുടെ ചിത്രമായിരുന്നു അത്.
കേരളം പ്രളയത്തിലകപ്പെട്ടു പോയപ്പോള്‍ അപൂര്‍വമായി കിട്ടിയ ജനപ്രതിനിധിയുടെ ചിത്രമൊന്നുമല്ല അത്. മന്ത്രിമാരും പ്രതിപക്ഷനേതാവും ജനപ്രതിനിധികളും എം എല്‍ എമാരും ജനങ്ങള്‍ക്കിടയിലേക്ക് ഇറങ്ങിച്ചെന്നു. അവര്‍, ചെളിവെള്ളത്തില്‍ കൂടെ നടന്നു ചെന്നു. പ്രളയജലം കയറി വൃത്തികേടായ വീടുകള്‍ ശുദ്ധിയാക്കാന്‍ ചൂലെടുത്തു, ദുരിതാശ്വാസ ക്യാമ്പുകളിലേക്ക് അവശ്യസാധനങ്ങള്‍ എത്തിക്കാന്‍ ചുമടെടുത്തു.
മന്ത്രി വി എസ് സുനില്‍കുമാര്‍ ആറാട്ടുപുഴ ബണ്ട് പുനര്‍നിര്‍മ്മാണ പ്രവര്‍ത്തനങ്ങളില്‍ ഏര്‍പ്പെട്ടതിന്റെ ചിത്രമാണ് സോഷ്യല്‍ മീഡിയയില്‍ വൈറലായ മറ്റൊരു ചിത്രം. പൊലീസ് ഉദ്യോഗസ്ഥര്‍ക്കും വോളണ്ടിയര്‍മാര്‍ക്കും ഒപ്പമായിരുന്നു ദുരിതാശ്വാസപ്രവര്‍ത്തനങ്ങളില്‍ മന്ത്രി ഏര്‍പ്പെട്ടത്. എന്നാല്‍ ഇത് ആര്‍എസ്എസ് പ്രവര്‍ത്തകന്‍ സേവനം ചെയ്യുന്നു എന്ന അടിുക്കുറിപ്പോടെ സോഷ്യല്‍ മീഡിയയിലൂടെ പ്രചരിപ്പിച്ച് ക്രെഡിറ്റ് കയ്യടക്കാന്‍ ശ്രമിച്ച സംഭവവും ഉണ്ടായി.
വിദ്യാഭ്യാസമന്ത്രി സി രവീന്ദ്രനാഥും ദുരിതാശ്വാസ പ്രവര്‍ത്തനങ്ങളില്‍ മാതൃകയായി. തൃശൂര്‍ ഇന്‍ഡോര്‍ സ്റ്റേഡിയത്തിലെ സംഭരണ കേന്ദ്രങ്ങളിലെത്തിയ സാധനങ്ങള്‍ ലോഡിറക്കാന്‍ സഹായിക്കുകയും അവ ചുമടായി പാക്ക് ചെയ്യുന്നിടത്തേക്ക് എത്തിക്കുകയും ചെയ്യുന്ന മന്ത്രിയുടെ ദൃശ്യങ്ങളും സോഷ്യല്‍മീഡിയ ഏറ്റെടുത്തു.
കുട്ടനാട്ടില്‍ മഹാശുചീകരണ യജ്ഞത്തിന് സര്‍ക്കാര്‍ ആഹ്വാനം ചെയ്തിരിക്കുകയാണ്. ചൊവ്വാഴ്ച രാവിലെ ശുചീകണയജ്ഞം തുടങ്ങിയപ്പോള്‍ തന്നെ ചൂലുമായി മുന്നിലിറങ്ങിയത് മന്ത്രി ജി സുധാകരന്‍ ആയിരുന്നു. മന്ത്രി തോമസ് ഐസക്കും സജീവമായി കുട്ടനാട്ടിലുണ്ട്. ജലവിഭവ മന്ത്രി മാത്യു ടി തോമസും ദുരിതാശ്വാസ പ്രവര്‍ത്തനങ്ങളില്‍ പങ്കാളിയായി.
നിശാഗന്ധിയിലെ ദുരിതാശ്വാസ സമാഹരണ കേന്ദ്രത്തില്‍ രാത്രിയെത്തിയാണ് മന്ത്രി കടകംപള്ളി സുരേന്ദ്രന്‍ യുവജനങ്ങളെ അഭിനന്ദിച്ചത്. ഈ രാത്രിയിലും നമ്മുടെ യുവത്വം സജീവമാണെന്നായിരുന്നു ഇതിനെക്കുറിച്ച് അദ്ദേഹം ഫേസ്ബുക്കില്‍ കുറിച്ചത്. കോരിച്ചൊരിയുന്ന മഴയ്ക്കിടയിലും അട്ടപ്പാടിയിലെ ദുരിതാശ്വാസ ക്യാമ്പിലെത്താനും ആവശ്യമായ സാധനങ്ങള്‍ എത്തിച്ചു നല്‍കാനും മന്ത്രി എ.കെ ബാലന്‍ മുന്‍പന്തിയില്‍ ഉണ്ടായിരുന്നു. കോഴിക്കോട് ജില്ലയിലെ ദുരന്തനിവാരണ പ്രവര്‍ത്തനങ്ങളില്‍ മന്ത്രി ടി പി രാമകൃഷ്ണനും പങ്കാളിയായി. പ്രതിപക്ഷനേതാവ് രമേശ് ചെന്നിത്തലയും ദുരിതാശ്വാസ പ്രവര്‍ത്തനങ്ങളില്‍ സജീവമായി രംഗത്തുണ്ടായിരുന്നു.

Other News

  • കേരളത്തില്‍ പോളിംഗ് 77 ശതമാനത്തിനു മുകളില്‍; ഇനി കണക്കുകൂട്ടലുകളുടെ കാലം
  • വയനാട്ടില്‍ രാഹുല്‍ ജയിക്കുമെന്ന് വെള്ളാപ്പള്ളി നടേശന്‍
  • വോട്ടിംഗ് യന്ത്രം വോട്ടുമാറ്റി രേഖപ്പെടുത്തുന്നുവെന്ന പ്രചരണം അടിസ്ഥാനരഹിതമെന്ന് മുഖ്യ തെരഞ്ഞെടുപ്പ് ഓഫീസര്‍ ടിക്കാറാം മീണ
  • പോളിങ്ങിനിടെ എട്ടുപേര്‍ കുഴഞ്ഞുവീണു മരിച്ചു; ബൂത്ത് ഓഫീസര്‍ക്ക് അപസ്മാര ബാധ
  • കൂത്തുപറമ്പിലും പത്തനംതിട്ടയിലും വോട്ടുചെയ്യാന്‍ വരി നിന്ന രണ്ടുപേര്‍ തളര്‍ന്നു വീണു മരിച്ചു
  • കേരളത്തില്‍ വോട്ടിംഗ് തുടങ്ങി; ചിലയിടങ്ങളില്‍ മെഷീന്‍ തകരാര്‍ മൂലം വോട്ടെടുപ്പ് തുടങ്ങാനായില്ല
  • ഉച്ചയ്ക്ക് രണ്ടുവരെ 50.92 ശതമാനം പോളിങ്; 80% കടന്നേക്കുമെന്ന് പ്രതീക്ഷ
  • കണ്ണൂരില്‍ പോളിങ് ബൂത്തിലെത്തിച്ച വിവി പാറ്റ് മെഷിനുള്ളില്‍ പാമ്പിനെ കണ്ടെത്തി
  • കേരളം ചൊവ്വാഴ്ച പോളിങ് ബൂത്തിലേക്ക്; 20 മണ്ഡലങ്ങള്‍, 227 സ്ഥാനാര്‍ത്ഥികള്‍,2,61,51,543 വോട്ടര്‍മാര്‍
  • ഒളിക്യാമറ വിവാദം: യുഡിഎഫ് സ്ഥാനാര്‍ഥി എം കെ രാഘവനെതിരെ പോലീസ് കേസെടുത്തു
  • യാത്രക്കാരെ മര്‍ദ്ദിച്ച് ഇറക്കിവിട്ട സംഭവത്തില്‍ കല്ലട ബസ് സര്‍വീസിന്റെ പെര്‍മിറ്റ് റദ്ദാക്കി
  • Write A Comment

     
    Reload Image
    Add code here