പ്രളയക്കെടുതി; ഇടുക്കി ജില്ല നാലു പതിറ്റാണ്ട് പിന്നോക്കം പോയെന്ന് മന്ത്രി എം.എം.മണി

Mon,Aug 27,2018


കട്ടപ്പന: മലയാര ജില്ലയായ ഇടുക്കിയില്‍ പ്രളയക്കെടുതി വന്‍ നാശമാണ് വിതച്ചിരിക്കുന്നത്. ഇടുക്കി ഡാം ഉള്‍പ്പെടെയുള്ള ഡാമുകള്‍ തുറന്നു വിട്ടതിനെ തുടര്‍ന്നുണ്ടായ മലവെള്ളപ്പാച്ചിലും, മലയോരത്തിന്റെ പല ഭാഗത്തുണ്ടായ ഉരുള്‍പൊട്ടലുമൊക്കെ കൂടി ജില്ലയെ തകര്‍ത്തിരിക്കുന്നു. ജില്ലയുടെ പല ഭാഗത്തും ഉരുള്‍പൊട്ടലിനെ തുടര്‍ന്നുള്ള മണ്ണിടിച്ചിലില്‍ റോഡ് ഗാതാഗതം തടസപ്പെട്ടിരിക്കുകയാണ്. പ്രളയക്കെടുതി ജില്ലയെ നാലു പതിറ്റാണ്ട് പിന്നോട്ടു കൊണ്ടുപോയെന്ന് ജില്ലയില്‍ നിന്നുള്ള മന്ത്രിസഭാംഗമായ എം.എം.മണി അഭിപ്രായപ്പെട്ടു.
ഒരു നൂറ്റാണ്ടു കൊണ്ട് പൂര്‍വികര്‍ കെട്ടിപ്പൊക്കിയ വികസന മേഖല അപ്പാടെ തകര്‍ന്നിരിക്കുന്നു. ജില്ല കണ്ട ഏറ്റവും വലിയ ദുരന്തമാണ് ഇപ്പോഴത്തേതെന്ന് മണി പറഞ്ഞു. കുടിയേറ്റക്കാരുടെ സ്വപ്നഭൂമിയായ ഇടുക്കിയില്‍ കാര്‍ഷിക വിളവുകളാണ് സമ്പദ് ഘടനയുടെ നട്ടെല്ല്. പ്രതിസന്ധികളില്‍ തളരാതെ കഠിനാധ്വാനത്തിലൂടെ മണ്ണില്‍ പൊന്നു വിളയിച്ച കര്‍ഷകരുടെ പ്രതീക്ഷകളെല്ലാം പ്രളയം തല്ലിക്കെടുത്തി. മെയ് അവസാനം മുതല്‍ ഓഗസ്റ്റ് പകുതി വരെ ജില്ലയില്‍ സര്‍വകാല റിക്കാര്‍ഡ് മഴയാണ് ലഭിച്ചത്. ഫലമോ ഇടുക്കി, മുല്ലപ്പെരിയാര്‍ ഉള്‍പ്പെടെ ജില്ലയിലെ ഡാമുകളെല്ലാം തുറന്നു വിടേണ്ടി വന്നു. ഇവിടെ നിന്നൊഴുകിയ ജലം സംസ്ഥാനത്തു തന്നെ സര്‍വ നാശം വിതയ്ക്കുകയായിരുന്നു.
തിരുവനന്തപുരത്തേക്ക് പോകണമെങ്കില്‍ മന്ത്രി മണിക്ക് ഇപ്പോള്‍ തമിഴ്‌നാട് വഴി പേകേണ്ട അവസ്ഥയാണ്. കാരണം ഇടുക്കി ജില്ലയില്‍ നിന്നുള്ള പ്രധാന റോഡുകളെല്ലാം തകര്‍ന്നു കിടക്കുകയാണ്. ഡാമുകളില്‍ നിന്നുള്ള വെള്ളം നേരത്തെ തുറന്നു വിടാത്തതിന്റെ പേരില്‍ വൈദ്യുതി വകുപ്പിന്റെ ചുമതല വഹിക്കുന്ന മന്ത്രി വിമര്‍ശനം നേരിടുന്നുണ്ട്. എന്നാല്‍, എല്ലാവരുമായി ആലോചിച്ച് വ്യക്തമായ മാര്‍ഗ നിര്‍ദേശങ്ങളുടെ അടിസ്ഥാനത്തിലാണ് നടപടി സ്വീകരിച്ചതെന്ന് മണി ന്യായീകരിക്കുന്നു. ഇടുക്കി ഡാമിലെ ജലം വൈദ്യുതി ഉത്പാദനത്തിന് ഉപയോഗിക്കുന്നതായതു കൊണ്ട് പരമാവധി ജലം ശേഖരിച്ചു വയ്ക്കാനാണ് എപ്പോഴും അധികൃതര്‍ ശ്രമിക്കുന്നത്. ഇത്തവണയും അതു തന്നെയാണ് സംഭവിച്ചത്. മഴ ഇത്രത്തോളം നീണ്ടു നില്‍ക്കുമെന്ന് കാലാവസ്ഥക്കാര്‍ പോലും കരുതിയില്ല. ശേഖരിച്ചു വച്ച വെള്ളം തന്നെ അവസാനം വിനാശകാരിയായി മാറി എന്നതാണ് ജില്ല നേരിട്ട ദുരവസ്ഥ.

Other News

  • ഫ്രാങ്കോ മുളയ്ക്കലിനെ ചുമതലകളില്‍നിന്ന് വത്തിക്കാന്‍ ഒഴിവാക്കി
  • ഫ്രാങ്കോയെ അറസ്റ്റ് ചെയ്യാതെ പോലീസ് ഇന്നും വിട്ടയച്ചു; ചോദ്യം ചെയ്യല്‍ വെള്ളിയാഴ്ചയും തുടരും
  • ബിഷപ്പ് താമസിച്ച കൊച്ചിയിലെ ഹോട്ടലിലേക്ക് ഫോണില്‍ നാട്ടുകാരുടെ തെറിവിളി
  • കെ.പി.സി.സിയെ മുല്ലപ്പള്ളി രാമചന്ദ്രന്‍ നയിക്കും; ബെന്നി ബഹനാന്‍ യു.ഡി.എഫ് കണ്‍വീനര്‍
  • അമേരിക്കയിലുള്ള മുഖ്യമന്ത്രി പിണറായി വിജയന്‍ 24 ന് തിരിച്ചെത്തും; 26 ന് മന്ത്രിസഭായോഗം
  • ബിഷപ് ഫ്രാങ്കോ മുളയ്ക്കല്‍ തൃപ്പൂണിത്തുറ ഹൈടെക് സെല്ലില്‍ ഹാജരായി; ചോദ്യം ചെയ്യല്‍ വ്യാഴാഴ്ചയും തുടരും
  • കന്യാസ്ത്രീ സമരം 12-ാം ദിവസം; സമര സമിതി ഇന്ന് ഐ.ജി ഓഫീസിലേക്ക് പ്രതിഷേധ മാര്‍ച്ച് നടത്തും
  • ഇടവേളയ്ക്ക് ശേഷം സംസ്ഥാനമന്ത്രി സഭ ഇന്ന് യോഗം ചേരും; അധ്യക്ഷന്‍ ഇ.പി ജയരാജന്‍
  • ബിഷപ് ഫ്രാങ്കോ മുളയ്ക്കല്‍ ഇന്ന് ചോദ്യം ചെയ്യലിന് ഹാജരാകും
  • കന്യാസ്ത്രീയെ പീഡിപ്പിച്ച കേസില്‍ ബിഷപ്പ് ഫ്രാങ്കോ മുളയ്ക്കലിന്റെ മുന്‍കൂര്‍ ജാമ്യാപേക്ഷ പരിഗണിക്കുന്നത് മാറ്റി
  • മറ്റുപാര്‍ട്ടികളിലെ മുന്‍നിര നേതാക്കള്‍ ബിജെപിയിലേക്ക്‌വരുമെന്ന് പി.എസ് ശ്രീധരന്‍പിള്ള
  • Write A Comment

     
    Reload Image
    Add code here