സ്‌കൂളുകള്‍ 29 ന് തുറക്കും; പുതിയ പാഠപുസ്തകങ്ങള്‍; അച്ചടി പൂര്‍ത്തിയായി ; പഠനോപകരണങ്ങള്‍ എല്ലാം നല്‍കും

Mon,Aug 27,2018


കൊച്ചി : സംസ്ഥാനത്തെ എല്ലാ സ്‌കൂളുകളും ഓണാവധിക്കുശേഷം ഓഗസ്റ്റ് 29നു തന്നെ തുറക്കുമെന്ന് വിദ്യാഭ്യാസ മന്ത്രി സി. രവീന്ദ്രനാഥ്.
എല്ലാ സ്‌കൂളുകളിലും അന്നുതന്നെ അധ്യയനം ആരംഭിക്കാനാണ് വിദ്യാഭ്യാസ വകുപ്പ് ലക്ഷ്യമിടുന്നതെന്നും മന്ത്രി അറിയിച്ചു. പ്രളയദുരിതത്തെ തുടര്‍ന്ന് ഒട്ടേറെ ദിവസത്തെ ക്ലാസുകള്‍ നഷ്ടപ്പെട്ട സാഹചര്യത്തില്‍ ഇനിയുള്ള അധ്യയന ദിവസങ്ങള്‍ നഷ്ടപ്പെടുത്താനാവില്ലെന്നു അദ്ദേഹം വ്യക്തമാക്കി.
ആദ്യ മൂന്നു പ്രവൃത്തി ദിവസങ്ങളില്‍ വിദ്യാര്‍ഥികള്‍ക്ക് നഷ്ടപ്പെട്ട സാധനങ്ങളുടെ ലിസ്റ്റ് സ്‌കൂളുകളില്‍ ശേഖരിക്കും. നശിച്ചു പോയ ടെക്സ്റ്റ് ബുക്ക് മാത്രമാണ് സര്‍ക്കാര്‍ നല്‍കുകയെന്ന പ്രചാരണം ശരിയല്ല. ബാഗ്, നോട്ട്ബുക്ക് എന്നിവയും സര്‍ക്കാര്‍ നല്‍കും.
പ്രളയത്തില്‍ നശിച്ച ടെക്സ്റ്റ് ബുക്കുകള്‍ക്കു പകരം വിതരണം ചെയ്യാനുള്ളവയുടെ അച്ചടി ഇതിനകം പൂര്‍ത്തിയായി. സ്‌കൂള്‍ കെട്ടിടങ്ങളുടെ ഫിറ്റ്‌നസ് ഉറപ്പു വരുത്തി മാത്രമായിരിക്കും അവിടെ അധ്യയനം ആരംഭിക്കുക. ഇതിനുള്ള പരിശോധന വരുംദിവസങ്ങളില്‍ നടത്തും.
ഏതെങ്കിലും സ്‌കൂളുകളില്‍ ദുരിതാശ്വാസ ക്യാംപ് തുടരുന്നുണ്ടെങ്കില്‍ അവിടെ നിന്ന് സൗകര്യപ്രദമായ മറ്റൊരിടത്തേയ്ക്ക് ക്യാംപ് മാറ്റുവാന്‍ ശ്രമിക്കും. ക്യാംപ് തുടരുന്ന സ്‌കൂളുകളില്‍ അധ്യയനം ആരംഭിക്കുന്നതു വൈകും. സ്‌കൂളുകള്‍ ആരംഭിക്കുന്നതിന്റെ പ്രധാന തടസമായി ഉന്നയിച്ചത് ശുദ്ധജല ലഭ്യതയാണ്.
എല്ലാ സ്‌കൂളുകളിലെയും വെള്ളപ്പൊക്കത്തില്‍ നിറഞ്ഞ കിണറുകള്‍ വറ്റിക്കേണ്ട ആവശ്യമില്ല. സ്‌കൂളുകളിലെ കിണറുകളെല്ലാം തിങ്കളും ചൊവ്വയുമായി ക്ലോറിനേഷന്‍ നടത്തും.
ഓരോ വിദ്യാലയത്തിലും ശുദ്ധജലലഭ്യത സര്‍ക്കാര്‍ ഉറപ്പുവരുത്തും. 100 ഡിഗ്രി തിളപ്പിച്ചശേഷം മാത്രമേ കുട്ടികള്‍ക്ക് കുടിക്കാനായി വെള്ളം നല്‍കാവൂ എന്ന് നിര്‍ദേശം നല്‍കിയിട്ടുണ്ടെന്നും മന്ത്രി അറിയിച്ചു.

Other News

  • വിവാദ ഇസ്ലാമിക പ്രഭാഷകന്‍ സാക്കീര്‍ നായിക്കിന്റെ അനുയായിയായ മലയാളി യുവാവിനെ ഡല്‍ഹി പൊലീസ് അറസ്റ്റ് ചെയ്തു
  • പ്രശസ്ത വയലിനിസ്റ്റ് ബാലഭാസ്‌കറും കുടുംബവും സഞ്ചരിച്ച കാര്‍ അപകടത്തില്‍പ്പെട്ടു; ഒന്നരവയസുള്ള മകള്‍ മരിച്ചു
  • മിസോറം ഗവര്‍ണര്‍ കുമ്മനം രാജശേഖരന്‍ നാലു ദിവസത്തെ സന്ദര്‍ശനത്തിന് ബുധനാഴ്ച കേരളത്തിലെത്തും
  • കന്യാസ്ത്രീയുടെ പരാതിയില്‍ ജലന്ധര്‍ ബിഷപ്പ് ഫ്രാങ്കോ മുളയ്ക്കലിനെ അറസ്റ്റുചെയ്ത നടപടി വേദനാജനകം: കെ.സി.ബി.സി
  • ബിഷപ് ഫ്രാങ്കോ മുളയ്ക്കലിന്റെ ജാമ്യഹര്‍ജി പരിഗണിക്കുന്നത് ഹൈക്കോടതി വ്യാഴാഴ്ചത്തേക്ക്
  • ഫ്രാങ്കോ മുളക്കലിനെ ഒക്ടോബര്‍ 6 വരെ റിമാന്‍ഡ് ചെയ്തു; പാലാ സബ് ജയിലിലേക്ക് മാറ്റി
  • കത്തോലിക്ക സഭ പ്രതികാര നടപടി തുടങ്ങി :കന്യാസ്ത്രീ സമരത്തില്‍ പങ്കെടുത്തതിന് കന്യാസ്ത്രീക്കും വൈദികനും വിലക്ക്ഏര്‍പ്പെടുത്തി
  • അമേരിക്കന്‍ ചികിത്സ കഴിഞ്ഞ് മുഖ്യമന്ത്രി മടങ്ങിയെത്തി ചുമതലകളേറ്റു; തിങ്കളാഴ്ച കേന്ദ്ര സംഘത്തെ കാണും
  • അഞ്ച് വൈദികര്‍ ബിജെപിയില്‍ ചേര്‍ന്നെന്ന് ശ്രീധരന്‍ പിള്ള; വാര്‍ത്ത നിഷേധിച്ച് വൈദികന്‍
  • മഹാഭാരത പ്രഭാഷണ പരമ്പരയുമായി സിപിഐ എംഎല്‍എ മുല്ലക്കര രത്‌നാകരന്‍
  • അന്വേഷണത്തോട് നിസ്സഹകരണം; ഫ്രാങ്കോ മുളയ്ക്കലിനെ നുണ പരിശോധനയ്ക്കു വിധേയമാക്കാന്‍ പോലീസ്
  • Write A Comment

     
    Reload Image
    Add code here