കേരളത്തിന്റെ പുനര്‍ നിര്‍മാണത്തിന് ഒരു കൈ സഹായവുമായി സ്വീഡിഷ് ബസ് നിര്‍മാതാക്കളായ സ്‌കാനിയയും

Sun,Aug 26,2018


മുംബൈ : പ്രളയം തകര്‍ത്തെറിഞ്ഞ കേരളത്തിന്റെ പുനര്‍ നിര്‍മാണത്തിന് ഒരു കൈ സഹായം വാഗ്ദാനം ചെയ്ത് പ്രമുഖ സ്വീഡിഷ് ബസ് നിര്‍മാതാക്കളായ സ്‌കാനിയയും.
പ്രളയബാധിതമേഖലകളിലെ പുനര്‍നിര്‍മാണപ്രവര്‍ത്തനത്തിലും ശുചീകരണപ്രവര്‍ത്തനങ്ങളിലും സ്‌കാനിയയുടെ സഹായം ലഭ്യമാക്കും.
സ്‌കാനിയ ഫോര്‍ കേരള എന്ന് പേരിട്ടിരിക്കുന്ന സന്നദ്ധസേവന പരിപാടിയുടെ ഭാഗമായി ഒരു ബസ് നിറയെ സാധന സാമഗ്രികളും സാങ്കേതികവിദഗ്ദരായ ജീവനക്കാരുമായാണ് സ്‌കാനിയ കേരളത്തിലേക്ക് വന്നത്.
വസ്ത്രങ്ങളും റെഡി ടു ഈറ്റ് ഭക്ഷ്യവസ്തുക്കളും ശുചീകരണ സാമഗ്രികളും ബസിലുണ്ട്. കൂടാതെ രണ്ടു ഡോക്ടര്‍മാര്‍, പ്ലംബര്‍മാര്‍, ഇലക്ട്രീഷ്യന്‍മാര്‍ എന്നിവരും ഒപ്പമുണ്ട്. ബംഗളരുവില്‍നിന്നാണ് സ്‌കാനിയ കേരളത്തിലേക്ക് വന്നത്.
പ്രളയബാധിതപ്രദേശങ്ങളില്‍ ക്യാംപ് നടത്തിയാണ് സ്‌കാനിയ തങ്ങളുടെ സേവനം ലഭ്യമാക്കുക. ആദ്യ ക്യാംപ് ഇന്ന് ചാലക്കുടിയിലും രണ്ടാമത്തെ ക്യാംപ് നാളെ ആലുവയിലും ആയിരിക്കും. പിന്നീടുള്ള ദിവസങ്ങളില്‍ ചെങ്ങന്നൂരിലും പരിസരപ്രദേശങ്ങളിലും സ്‌കാനിയയുടെ സഹായഹസ്തം എത്തും.
ഓരോ സ്ഥലത്തും വീടുകള്‍ ശുചിയാക്കുകയും ആളുകള്‍ക്ക് ആവശ്യമായ സാധന സാമഗ്രികള്‍ വിതരണം ചെയ്യുകയും ചെയ്യും. ദുരന്തബാധിത പ്രദേശങ്ങളിലെ ആളുകള്‍ക്ക് സൌജന്യ യാത്രയും സാധനങ്ങള്‍ കൊണ്ടുപോകുന്നതുമുള്ള സൌകര്യവും സ്‌കാനിയ ലഭ്യമാക്കും.
ലോകമെങ്ങുമുള്ള സ്‌കാനിയ ജീവനക്കാരുടെ ഒരു ദിവസത്തെ വേതനം സമാഹരിച്ചാണ് കേരളത്തിലെ സന്നദ്ധപ്രവര്‍ത്തനങ്ങള്‍ നടത്തുക. നേരത്തെ സ്‌കാനിയയുടെ പുനരധിവാസ പരിപാടി തിരുവനന്തപുരത്ത് വെച്ച് ഉദ്ഘാടനം ചെയ്യുമെന്ന് അറിയിച്ചിരുന്നെങ്കിലും പിന്നീട് ചടങ്ങ് ഉപേക്ഷിച്ച് അതിന് ചെലവാകുന്ന തുക കൂടി നല്‍കാന്‍ പുനരധിവാസ പരിപാടിക്കായി ചെലവഴിക്കാന്‍ തീരുമാനിക്കുകയായിരുന്നു.

Other News

  • കാസര്‍കോട് ഇരട്ടക്കൊല: അറസ്റ്റുചെയ്യപ്പെട്ട മുഖ്യ സൂത്രധാരനായ ലോക്കല്‍ കമ്മിറ്റി അംഗത്തെ സിപിഎം പുറത്താക്കി
  • കാസര്‍കോട് കൊലപാതകത്തില്‍ സിപിഎമ്മിനു പങ്കില്ല; കുറ്റക്കാര്‍ക്കെതിരെ ശക്തമായ നിയമ നടപടി എടുക്കും: മുഖ്യമന്ത്രി
  • വീരമൃത്യുവരിച്ച സൈനികന്‍ വസന്തകുമാറിന്റെ കുടുംബത്തിന് 25 ലക്ഷം രൂപ ധനസഹായം; ഭാര്യ ഷീനയുടെ ജോലി സ്ഥിരപ്പെടുത്തും
  • കാസര്‍കോട് കൊലപാതകം അപലപനീയം: പ്രതികള്‍ പാര്‍ട്ടിക്കാരായാല്‍പോലും സംരക്ഷിക്കില്ല: കോടിയേരി
  • കാസര്‍കോട് കൊലക്കേസില്‍ രണ്ട് പേര്‍ പിടിയില്‍; കേസന്വേഷണം പ്രത്യേക സംഘത്തിന്
  • മിന്നല്‍ ഹര്‍ത്താലിനെതിരെ ഹൈക്കോടതി സ്വമേധയാ കേസെടുത്തു;കോടതി അലക്ഷ്യം നടത്തിയ ഭാരവാഹികള്‍ നോട്ടീസ് അയക്കും
  • കാസര്‍കോട്ട് രണ്ട് യൂത്ത് കോണ്‍ഗ്രസ് പ്രവര്‍ത്തകരെ വെട്ടിക്കൊന്നു; തിങ്കളാഴ്ച കേരളത്തില്‍ ഹര്‍ത്താല്‍
  • പുല്‍വാമയില്‍ വീരചരമമടഞ്ഞ മലയാളി സൈനികന്‍ വി.വി വസന്തകുമാറിന്റെ വീട്ടില്‍ മുഖ്യമന്ത്രി പിണറായി വിജയന്‍ ബുധനാഴ്ച സന്ദര്‍ശനം നടത്തും
  • കൊട്ടിയൂർ പീഡനം: ഫാ. റോബിൻ വടക്കുംചേരിക്ക്​ 20 വർഷം കഠിന തടവ്​
  • ആലുവയിൽ ഡോക്​ടറെ ബന്ദിയാക്കി വൻ കവർച്ച
  • കൊട്ടിയൂർ പീഡനം: കോടതി വിധി സ്വാഗതം ചെയ്ത് മാനന്തവാടി രൂപത
  • Write A Comment

     
    Reload Image
    Add code here