ദുരിതാശ്വാസ ക്യാംപില്‍ നിന്ന് സാധനങ്ങള്‍ കടത്തിയ റവന്യൂ ജീവനക്കാര്‍ അറസ്റ്റില്‍

Fri,Aug 24,2018


വയനാട് : ദുരിതാശ്വാസ ക്യാംപില്‍ പ്രളയബാധിതര്‍ക്ക് വിതരണം ചെയ്യാന്‍ കൊണ്ടുവന്ന സാധനങ്ങള്‍ രാത്രിയുടെ മറവില്‍ കടത്തിയ സര്‍ക്കാര്‍ ജീവനക്കാര്‍ അറസ്റ്റില്‍.
വയനാട് പനമരത്തെ ക്യാംപില്‍ നിന്ന് സാധനങ്ങള്‍ കടത്താന്‍ ശ്രമിച്ചക്യാംപ് നടത്തിപ്പിന്റെ ചുമതലക്കാരായ റവന്യു വകുപ്പ് ജീവനക്കാരാണ് അറസ്റ്റിലായത്.
പനമരം ഹയര്‍സെക്കന്‍ഡറി സ്‌കൂളിലെ ക്യംപില്‍ എത്തിയ വസ്ത്രങ്ങളും ചെരുപ്പുകളും അടക്കമുള്ള സാധനങ്ങളാണ് ഇവര്‍ കടത്തിയത്.
പലഘട്ടങ്ങളായി ഇത്തരത്തില്‍ സാധനങ്ങള്‍ കൊണ്ടു പോയതായാണ് ക്യാംപിലുള്ളവര്‍ പറയുന്നത്. കഴിഞ്ഞദിവസവും സാധനങ്ങള്‍ കൊണ്ടു പോകാന്‍ ശ്രമിക്കുന്നതിനിടെ മോഷണം ശ്രദ്ധയില്‍പ്പെട്ട ക്യാംപിലുള്ളവര്‍ വാഹന സഹിതം തടഞ്ഞ് വെച്ച് പൊലീസില്‍ ഏല്‍പ്പിക്കുകയായിരുന്നു.
.ക്യാംപിലുള്ളവര്‍ക്ക് നല്‍കാനായി വിവിധയിടങ്ങളില്‍ നിന്നെത്തിയ ചെരുപ്പുകളും വസ്ത്രങ്ങളും സാനിറ്ററി നാപ്കിനുകളുമാണ് ഇവരുടെ കാറിലുണ്ടായത്.
പനമരം വില്ലേജ് ഓഫീസിലെ സിനീഷ് തോമസ്, ദിനേഷ് എന്നിവരാണ് അറസ്റ്റിലായിരിക്കുന്നത്. ഇവരെ ഉച്ചയോടെ മജിസ്ട്രേറ്റിന് മുന്നില്‍ ഹാജരാക്കും.
ക്യാംപിലെ അരിയുള്‍പ്പെടെയുള്ള ഭക്ഷ്യവസ്തുക്കള്‍ കുറയുന്നത് ശ്രദ്ധയില്‍പ്പെട്ടതോടെയാണ് മോഷണം നടക്കുന്നതായി ഇവിടെയുള്ളവര്‍ സംശയം പ്രകടിപ്പിച്ചത്. . പ്രളയജലത്തില്‍ മുങ്ങി സര്‍വതും നഷ്ടപ്പെട്ട് ക്യാമ്പുകളില്‍ കഴിയുന്നവര്‍ക്കായി സുമനസുകള്‍ സംഭാവന ചെയ്ത സാധനങ്ങള്‍ കൃത്യമായി വിതരണം ചെയ്തിട്ടില്ലെന്നും ആരോപണമുണ്ട്.
നാശം വിതച്ച പ്രളയം ദുരന്തത്തിനിടയിലും കേരളം ചര്‍ച്ച ചെയ്യപ്പെട്ടത് ദുരന്തത്തെ നേരിട്ട രീതിയിലൂടെയായിരുന്നു. സംസ്ഥാനം മുഴുവന്‍ ഒറ്റക്കെട്ടായി പ്രളയബാധിതരെ സഹായിക്കാനെത്തി. ദുരിതാശ്വാസ ക്യാംപുകളില്‍ കഴിയുന്നവര്‍ക്ക് സഹായമെത്തിക്കാന്‍ കേരളം ഒട്ടാകെ ഒന്നിച്ച് നിന്നപ്പോള്‍ ലോകമെമ്പാടു നിന്നും കേരളത്തിന് അഭിനന്ദന പ്രവാഹമെത്തി. ഇതിനിടയിലാണ് അപമാനമുണ്ടാക്കുന്ന ഇത്തരം വാര്‍ത്തകള്‍ എത്തുന്നത്.

Other News

  • മനുഷ്യക്കടത്തിന് മുനമ്പത്ത് എത്തിയ സംഘത്തിന് മലയാളികളുടെ സഹായവും ലഭിച്ചുവെന്ന് അന്വേഷണ ഉദ്യോഗസ്ഥര്‍
  • ശബരിമല സ്ത്രീപ്രവേശനം: ആവശ്യങ്ങളില്‍ ഒന്നുപോലും നേടാതെ സെക്രട്ടറിയറ്റു നടയിലെ നിരാഹാര സമരം ബിജെപി അവസാനിപ്പിച്ചു
  • ശബരിമലയില്‍ 51 യുവതികള്‍ പ്രവേശിച്ചതായി സംസ്ഥാന സര്‍ക്കാര്‍ സുപ്രീംകോടതിയില്‍
  • ശബരിമല: നിരാഹാരം കിടക്കാന്‍ മുതിര്‍ന്ന നേതാക്കളില്ല; സെക്രട്ടറിയറ്റിനു മുന്നിലെ ബിജെപി സമരം ലക്ഷ്യം കാണാതെ അവസാനിപ്പിക്കുന്നു
  • കനക ദുര്‍ഗയ്ക്കും ബിന്ദുവിനും പൂര്‍ണ സമയ സംരംക്ഷണം നല്‍കണമെന്ന് സര്‍ക്കാരിനോട് സുപ്രിംകോടതി
  • ആലപ്പാട്ടെ കരിമണല്‍ ഖനനത്തിനെതിരെ വിഎസ് അച്യുതാനന്ദന്‍
  • ജീവന് ഭീഷണി: സുരക്ഷ വേണമെന്നാവശ്യപ്പെട്ട് കനകദുര്‍ഗയും ബിന്ദുവും സുപ്രീം കോടതിയെ സമീപിച്ചു
  • കെപിസിസി സെക്രട്ടറി എംകെ അബ്ദുല്‍ഗഫൂര്‍ ഹാജി അന്തരിച്ചു
  • മുന്‍കൂര്‍ നോട്ടീസ് സമരം നടത്താനുള്ള അവകാശമല്ല; കെ.എസ്.ആര്‍.ടി.സി ജീവനക്കാര്‍ നടത്താനിരുന്ന അനിശ്ചിതകാല പണിമുടക്ക് ഹൈക്കോടതി തടഞ്ഞു
  • ശബരിമലയില്‍ ദര്‍ശനത്തിനെത്തുന്ന യുവതികളെതടയുന്നത് ഗുണ്ടായിസം : മന്ത്രി കടകംപള്ളി സുരേന്ദ്രന്‍
  • ശബരിമല സന്നിധാനത്തേക്കു പോയ രണ്ട് യുവതികളെ പോലീസ് ബലം പ്രയോഗിച്ച് തിരിച്ചിറക്കി
  • Write A Comment

     
    Reload Image
    Add code here