കേരളത്തിന് എഴുനൂറുകോടി സഹായം: ഔദ്യോഗിക പ്രഖ്യാപനം നടത്തിയിട്ടില്ലെന്ന് യുഎഇ

Fri,Aug 24,2018


ന്യൂഡല്‍ഹി: കേരളത്തിന് ദുരിതാശ്വാസമായി എത്ര തുക നല്‍കണം എന്നതു സംബന്ധിച്ച് ഇതുവരെ തീരുമാനമായില്ലെന്ന് യുഎഇ.
ഇത് സംബന്ധിച്ച് ഔദ്യോഗികമായ ഒരു പ്രഖ്യാപനവും ഇതുവരെ ഉണ്ടായിട്ടില്ലെന്ന് യുഎഇ അംബാസഡര്‍ അഹമ്മദ് അല്‍ ബന്ന അറിയിച്ചു.
പ്രധാനമന്ത്രിയുമായി യുഎഇ ഭരണാധികാരി സംസാരിച്ചിരുന്നുവെങ്കിലും ഇതുവരെ നിശ്ചിത തുക തീരുമാനിച്ചിട്ടില്ല. കേരളത്തിന്റെ പ്രളയദുരന്തത്തിന്റെ പശ്ചാത്തലത്തില്‍ വിവിധ മേഖലകളില്‍ നിന്ന് സംഭാവന സ്വീകരിക്കുന്നതിനായി അധികൃതരുടെ തന്നെ നിര്‍ദേശപ്രകാരം ഒരു അടിയന്തിര സമിതിക്ക് രൂപം നല്‍കിയിരുന്നു.
ദുരിതാശ്വാസ പ്രവര്‍ത്തനങ്ങള്‍ക്ക് സഹായം എത്തിക്കുമെങ്കിലും ഇത് എത്രയാണെന്നുള്ള കാര്യം ഈ അടിയന്തിര കമ്മിറ്റിയുടെ കൂടെ തീരുമാനം അനുസരിച്ചാകും പ്രഖ്യാപിക്കുക.
കേരളത്തിലെ പ്രളയക്കെടുതി മൂലമുള്ള നാശനഷ്ടങ്ങള്‍ സംബന്ധിച്ച വിലയിരുത്തലുകള്‍ നടന്നു വരുന്നതേയുള്ളു.
ദുരിതാശ്വാസ സഹായമായി എത്ര രൂപ നല്‍കണമെന്ന കാര്യത്തിലും തീരുമാനമായിട്ടില്ലായെന്നും ഒരു ദേശീയ മാധ്യമത്തിന് നല്‍കിയ അഭിമുഖത്തില്‍ അല്‍ബന്ന വ്യക്തമാക്കി.
കേരളത്തിന് എത്ര സഹായം നല്‍കണമെന്ന കാര്യത്തില്‍ അന്തിമ തീരുമാനമായിട്ടില്ലെന്നും അങ്ങനെ ഉണ്ടായാല്‍ അത് ഔദ്യോഗികമായി തന്നെ പ്രഖ്യാപിക്കുമെന്നുമാണ് 700 കോടി സഹായം വാഗ്ദാനം ചെയ്തുവെന്ന വാര്‍ത്ത തള്ളി ബന്ന പ്രതികരിച്ചത്.
പ്രളയക്കെടുതി നേരിടുന്ന കേരളത്തിന് യുഎഇ 700 കോടി രൂപയുടെ ധനസഹായം പ്രഖ്യാപിച്ചതായി മുഖ്യമന്ത്രി പിണറായി വിജയന്‍ തന്നെയാണ് അറിയിച്ചത്. എന്നാല്‍ കേന്ദ്ര സര്‍ക്കാര്‍ ഈ സഹായം നിരസിച്ചുവെന്നുള്ള വാര്‍ത്തയും പുറത്തു വന്നതോടെ കേന്ദ്രത്തിനെതിരെ ശക്തമായ പ്രതിഷേധം ഉയര്‍ന്നിരുന്നു. പിന്നാലെയാണ് യുഎഇയുടെ വിശദീകരണം എത്തുന്നത്.

Other News

  • കൊട്ടിയൂർ പീഡനം: ഫാ. റോബിൻ വടക്കുംചേരിക്ക്​ 20 വർഷം കഠിന തടവ്​
  • ആലുവയിൽ ഡോക്​ടറെ ബന്ദിയാക്കി വൻ കവർച്ച
  • കൊട്ടിയൂർ പീഡനം: കോടതി വിധി സ്വാഗതം ചെയ്ത് മാനന്തവാടി രൂപത
  • ഭീകരാക്രമണത്തില്‍ വീരമൃത്യു വരിച്ച ജവന്മാരില്‍ വയനാട് സ്വദേശിയായ മലയാളിയും
  • അമ്പതു കോടി രൂപ നഷ്ടപരിഹാരം ആവശ്യപ്പെട്ട് നടന്‍ മോഹന്‍ലാല്‍ കേരള ഖാദി ബോര്‍ഡിന് വക്കീല്‍ നോട്ടീസ് അയച്ചു
  • പെണ്‍കുട്ടിയ പീഡിപ്പിച്ച് മുങ്ങിയ ഇമാം മുന്‍കൂര്‍ ജാമ്യം തേടി ഹൈക്കോടതിയെ സമീപിച്ചു; കള്ളക്കേസില്‍ കുടുക്കിയതാണെന്ന് വിശദീകരണം
  • എസ് രാജേന്ദ്രന്‍ എംഎല്‍എയെ സിപിഎം ജില്ലാ കമ്മിറ്റി ശാസിച്ചു
  • ലോക്‌സഭാ തെരഞ്ഞെടുപ്പ്; കുമ്മനം, സുരേഷ് ഗോപി, കെ .സുരേന്ദ്രന്‍ തുടങ്ങിയവരെ രംഗത്തിറക്കാന്‍ ബി.ജെ.പി നീക്കം
  • മൂന്നാറിലെ വിവാദ നിര്‍മാണത്തിന് ഹൈക്കോടതിയുടെ സ്റ്റേ; എംഎല്‍എ അടക്കമുള്ളവരെ എതിര്‍കക്ഷികളാക്കി ഹര്‍ജി
  • കലാഭവന്‍ മണിയുടെ ദുരൂഹ മരണവുമായി ബന്ധപ്പെട്ട് ഏഴുപേരെ നുണപരിശോധനയ്ക്ക് വിധേയമാക്കാന്‍ അനുമതി
  • പ്രായപൂര്‍ത്തിയാകാത്ത പെണ്‍കുട്ടിയെ മാനഭംഗപ്പെടുത്തിയ ഇമാമിനെതിരെ പോക്‌സോ പ്രകാരം കേസെടുത്തു.
  • Write A Comment

     
    Reload Image
    Add code here