സൈനികന്റെ വേഷത്തില്‍ മുഖ്യമന്ത്രിയെ അപമാനിച്ച് വീഡിയോ പോസ്റ്റ് ചെയ്ത ആള്‍ക്കെതിരെ കേസെടുത്തു

Mon,Aug 20,2018


തിരുവനന്തപുരം : സൈനിക വേഷത്തില്‍ മുഖ്യമന്ത്രി പിണറായി വിജയനെ അപമാനിക്കുന്ന വീഡിയോ ഫെയ്‌സ്ബുക്കില്‍ പോസ്റ്റ് ചെയ്ത ആള്‍ക്കെതിരെ കേസ്.
പത്തനംതിട്ട സ്വദേശിയായ ടെറിട്ടോറിയല്‍ ആര്‍മി ഉദ്യോഗസ്ഥനെതിരെയാണ് കേസെടുത്തത്. പ്രളയത്തില്‍ നിന്ന് ജനങ്ങളെ രക്ഷപ്പെടുത്തുവാന്‍ ആര്‍മിയെ വിളിക്കുന്നില്ല എന്നു പരാതിപ്പെട്ടു സംസാരിച്ചുതുടങ്ങുന്ന ഇയാള്‍ പിന്നീട് മുഖ്യമന്ത്രിയെ അവഹേളിക്കുകയും ചെയ്യുന്നു.
ഇതുവരെ കണ്ടിട്ടില്ലാത്ത പ്രളയത്തെ നേരിടാന്‍ കേരളം ഒറ്റക്കെട്ടായി പ്രവര്‍ത്തിക്കുന്നതിനിടെയാണ് മുഖ്യമന്ത്രിയെ അവഹേളിക്കുന്ന പോസ്റ്റുമായി ഇയാള്‍ രംഗത്തെത്തിയത്. സംസ്ഥാന ഭരണം നഷ്ടമാകുമെന്ന് ഭയന്നാണ് പിണറായിയും കൂട്ടരും സൈന്യത്തെ വിളിക്കാത്തതെന്നും സൈന്യത്തിന്റെ പ്രവര്‍ത്തനങ്ങളെക്കുറിച്ച് സര്‍ക്കാരിന് ഒന്നും അറിയില്ലെന്നുമായിരുന്നു ഇയാള്‍ പറഞ്ഞത്.
രക്ഷാപ്രവര്‍ത്തനം പൂര്‍ണമായും സൈനികരെ ഏല്‍പ്പിക്കാനാവില്ലെന്ന് പറഞ്ഞ സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനെയും വ്യക്തിപരമായി അധിക്ഷേപിച്ച ഇയാള്‍ രൂക്ഷമായ വിമര്‍ശനങ്ങളാണ് സര്‍ക്കാരിനെതിരെ ഉയര്‍ത്തിയത്. ഇപ്പോഴത്തെ സാഹചര്യത്തില്‍ ഭരണം കൈവിട്ടുപോകാതിരിക്കാനല്ല സര്‍ക്കാര്‍ ശ്രമിക്കേണ്ടതെന്നും എത്രയും വേഗം ദുരിതാശ്വാസ പ്രവര്‍ത്തനങ്ങള്‍ സൈന്യത്തെ ഏല്‍പ്പിക്കണമെന്നും സര്‍ക്കാരിനെയും മുഖ്യമന്ത്രിയെയും അവഹേളിച്ചു കൊണ്ടായിരുന്നു ഇയാളുടെ പ്രസ്താവന.
ഇത്തരത്തില്‍ സര്‍ക്കാരിനെതിരെ വിദ്വേഷപ്രചാരണവുമായി രംഗത്തെത്തിയ ആള്‍ക്കെതിരെ സോഷ്യല്‍ മീഡിയയിലടക്കം വിമര്‍ശനം ശക്തമായിരുന്നു. തുടര്‍ന്ന് നടത്തിയ അന്വേഷണത്തില്‍ പത്തനംതിട്ട സ്വദേശിയായ കെ.എസ് ഉണ്ണി എന്നയാളാണ് വീഡിയോ പോസ്റ്റ് ചെയ്തതെന്ന് വ്യക്തമാവുകയായിരുന്നു. തുടര്‍ന്ന് ആള്‍മാറാട്ടം, പൊതുജനശല്യം തുടങ്ങിയ കുറ്റങ്ങള്‍ ചുമത്തിയാണ് കേസെടുത്തിരിക്കുന്നത്.
ഇയാള്‍ക്കെതിരെ അന്വേഷണം പുരോഗമിക്കുന്നുണ്ട്. ഇത്തരം സംഭവങ്ങള്‍ക്കെതിരെ കര്‍ശന നടപടി തന്നെയുണ്ടാകുമെന്ന് ഡിജിപി ലോക്നാഥ് ബെഹ്റയും അറിയിച്ചിട്ടുണ്ട്.
അതേസമയം സൈനിക വേഷത്തിലെത്തി മുഖ്യമന്ത്രിയെ അവഹേളിച്ചയാളെ തള്ളി കരസേന രംഗത്തെത്തിയിരുന്നു. ദുരിതത്തെ മറികടക്കാനാണ് ഇപ്പോള്‍ ഇന്ത്യന്‍ സൈന്യം ശ്രദ്ധിക്കുന്നതെന്നും ഇതിനിടയില്‍ കരസേനയുടെ പേരില്‍ തെറ്റിദ്ധാരണ പരത്തുന്നത് ശ്രദ്ധയില്‍പെട്ടെന്നും ഇയാള്‍ സൈനികനല്ലെന്നുമായിരുന്നു കരസേനാ അഡീഷണല്‍ ഡയറക്ടറേറ്റ് ജനറല്‍ ഓഫ് പബ്ലിക് ഇന്‍ഫര്‍മേഷന്‍ വ്യക്തമാക്കിയത്.

Other News

  • കാസര്‍കോട്ട് രണ്ട് യൂത്ത് കോണ്‍ഗ്രസ് പ്രവര്‍ത്തകരെ വെട്ടിക്കൊന്നു; തിങ്കളാഴ്ച കേരളത്തില്‍ ഹര്‍ത്താല്‍
  • പുല്‍വാമയില്‍ വീരചരമമടഞ്ഞ മലയാളി സൈനികന്‍ വി.വി വസന്തകുമാറിന്റെ വീട്ടില്‍ മുഖ്യമന്ത്രി പിണറായി വിജയന്‍ ബുധനാഴ്ച സന്ദര്‍ശനം നടത്തും
  • കൊട്ടിയൂർ പീഡനം: ഫാ. റോബിൻ വടക്കുംചേരിക്ക്​ 20 വർഷം കഠിന തടവ്​
  • ആലുവയിൽ ഡോക്​ടറെ ബന്ദിയാക്കി വൻ കവർച്ച
  • കൊട്ടിയൂർ പീഡനം: കോടതി വിധി സ്വാഗതം ചെയ്ത് മാനന്തവാടി രൂപത
  • ഭീകരാക്രമണത്തില്‍ വീരമൃത്യു വരിച്ച ജവന്മാരില്‍ വയനാട് സ്വദേശിയായ മലയാളിയും
  • അമ്പതു കോടി രൂപ നഷ്ടപരിഹാരം ആവശ്യപ്പെട്ട് നടന്‍ മോഹന്‍ലാല്‍ കേരള ഖാദി ബോര്‍ഡിന് വക്കീല്‍ നോട്ടീസ് അയച്ചു
  • പെണ്‍കുട്ടിയ പീഡിപ്പിച്ച് മുങ്ങിയ ഇമാം മുന്‍കൂര്‍ ജാമ്യം തേടി ഹൈക്കോടതിയെ സമീപിച്ചു; കള്ളക്കേസില്‍ കുടുക്കിയതാണെന്ന് വിശദീകരണം
  • എസ് രാജേന്ദ്രന്‍ എംഎല്‍എയെ സിപിഎം ജില്ലാ കമ്മിറ്റി ശാസിച്ചു
  • ലോക്‌സഭാ തെരഞ്ഞെടുപ്പ്; കുമ്മനം, സുരേഷ് ഗോപി, കെ .സുരേന്ദ്രന്‍ തുടങ്ങിയവരെ രംഗത്തിറക്കാന്‍ ബി.ജെ.പി നീക്കം
  • മൂന്നാറിലെ വിവാദ നിര്‍മാണത്തിന് ഹൈക്കോടതിയുടെ സ്റ്റേ; എംഎല്‍എ അടക്കമുള്ളവരെ എതിര്‍കക്ഷികളാക്കി ഹര്‍ജി
  • Write A Comment

     
    Reload Image
    Add code here