പ്രളയജലം ഇറങ്ങുന്നു; ജനത ആശ്വാസ തീരത്തേക്ക്; ഇനി പുനരധിവാസത്തിന്റെ നാളുകള്‍

Mon,Aug 20,2018


കൊച്ചി : പതിറ്റാണ്ടുകള്‍ക്കിപ്പുറം കേരളത്തെയൊന്നാകെ മുക്കിയ മഴയും പ്രളയവും സാവധാനം വിട്ടൊഴിയുന്നു.
രക്ഷാ പ്രവര്‍ത്തനങ്ങള്‍ അന്തിമ ഘട്ടത്തിലെത്തിയ ഘട്ടത്തില്‍ മഴയും ഏറെക്കുറെ പിന്‍വാങ്ങി. ആശ്വാസത്തിന്റെ ചൂടും വെളിച്ചവും പരത്തുന്ന ദിനങ്ങള്‍ ഇനി പുനരധിവാസത്തിന്റെയും നഷ്ടങ്ങളുടെ വീണ്ടെടുപ്പുകളുടേതുമാണ്.
സമീപകാല ചരിത്രത്തിലെ ഏറ്റവും വലിയ പ്രളയം വിട്ടകന്ന ആശ്വാസത്തിലാണ് ജനങ്ങള്‍. വന്‍ദുരന്തങ്ങള്‍ വിതച്ച് കടന്നുപോയ ഈ മഹാവിപത്തില്‍ നിന്ന് ഇനി രക്ഷനേടിയെങ്കിലും എല്ലാം ഒന്നില്‍ നിന്ന് തുടങ്ങേണ്ട അവസ്ഥയിലാണ് പ്രളയബാധിത മേഖലയിലെ ജനങ്ങള്‍. വെള്ളക്കൊട്ട് ഒഴിഞ്ഞതോടെ ദുരിതാശ്വാസ ക്യാമ്പുകളില്‍ നിന്ന് വീടുകളിലേക്ക് മടങ്ങാനുള്ള തയ്യാറെടുപ്പിലാണ് പലരും.
പ്രളയവും പോമാരിയും സര്‍വവും തകര്‍ത്ത ഇവര്‍ അതിജീവനത്തിന്റെ ശ്രമങ്ങളിലാണിപ്പോള്‍. ഏതാണ്ട് എട്ടര ലക്ഷത്തോളം പേരാണ് ദുരിതാശ്വാസ ക്യാമ്പുകളില്‍ കഴിയുന്നത്. കുട്ടനാട്ടിലെ രക്ഷാ പ്രവര്‍ത്തനം പൂര്‍ണതോതില്‍ ആയെങ്കിലും പ്രളയം കരയെ ഒന്നാകെ മുക്കിയ നിലയില്‍ തന്നെ തുടരുകയാണ്.ഏകദേശം ഇരുപതിനായിരം കോടി രൂപയുടെ നാശ നഷ്ടങ്ങളാണ് സംഭവിച്ചതെന്നാണ് കണക്കുകൂട്ടല്‍.
എല്ലാം നഷ്ടപ്പെട്ട് ക്യാമ്പിലെത്തിയവര്‍ക്ക് കൗണ്‍സിലിംഗ് അടക്കമുള്ള സൗകര്യങ്ങളും ഏര്‍പ്പെടുത്തിയിട്ടുണ്ട്.
ഇവിടേക്ക് എത്തുമ്പോള്‍ ഉള്ള മാനസികാവസ്ഥയില്‍ നിന്നും മാറ്റിയെടുക്കാനാണ് ഇത്തരം കൗണ്‍സിലിംഗ് എന്നാണ് ചുമതലക്കാര്‍ പറയുന്നത്. ദുരിതാശ്വാസ ക്യാമ്പുകളുടെ അന്തരീക്ഷം മാറ്റിയെടുക്കാന്‍ കലാപരിപാടികളും പ്രാര്‍ത്ഥനകളും സജീവമാണ്. എട്ടരലക്ഷത്തിലധികം പേരാണ് സംസ്ഥാനത്തിന്റെ വിവിധ ഭാഗങ്ങളില്‍ അയ്യായിരത്തോളം ദുരിതാശ്വാസ ക്യാമ്പുകളിലായി കഴിയുന്നത്. ഇവരില്‍ പലരും വീടുകളിലേക്ക് മടങ്ങാന്‍ തയ്യാറെടുപ്പുകള്‍ തുടങ്ങിക്കഴിഞ്ഞു.
വീടുകളിലേക്ക് മടങ്ങിയെത്തിയാലും ആശങ്കകള്‍ ഏറെയാണ്. പ്രളയത്തിന്റെ അവശേഷിപ്പുകളായ ചെളിയും മണ്ണും അടിഞ്ഞ വീടുകളുടെ ശുചീകരണം തന്നെ ഏറെ ശ്രമകരമാണ്. എന്നാല്‍ വലിയ പ്രളയത്തിന് മുന്നില്‍ ഒറ്റക്കെട്ടായി പൊരുതി നിന്ന കേരള ജനത, ഇനിയുള്ള പ്രതിസന്ധികളെയും അതിജീവിക്കുക തന്നെ ചെയ്യുമെന്ന് നമുക്ക് പ്രത്യാശിക്കാം.

Other News

  • ശബരിമല ദര്‍ശന ശ്രമത്തില്‍ നിന്ന് പിന്മാറുന്നതായി പ്രഖ്യാപിച്ച് യുവതികള്‍ എറണാകുളത്ത്; പ്രസ്‌ക്ലബ്ബിനുതാഴെ വഴിതടഞ്ഞ് പ്രതിഷേധക്കാര്‍
  • ശബരിമലയിലേക്ക് സംഘടിച്ചെത്താന്‍ പ്രവര്‍ത്തകരോട് ആവശ്യപ്പെട്ട് ബിജെപി സര്‍ക്കുലര്‍
  • ശബരിമല യുവതീ പ്രവേശനം : വിധി സ്റ്റേ ചെയ്യണമെന്ന ആവശ്യം സുപ്രീം കോടതി വീണ്ടും തള്ളി ; ഈ കേസില്‍ എന്തെങ്കിലും പറയാനുണ്ടെങ്കില്‍ അത് ജനുവരി 22 ന് പറഞ്ഞാല്‍ മതിയെന്ന് ചീഫ് ജസ്റ്റിസ്
  • ശബരിമലയില്‍ അറസ്റ്റിലായത് ഭക്തരല്ല; കുഴപ്പമുണ്ടാക്കാന്‍ വന്നവര്‍: മുഖ്യമന്ത്രി; പ്രവര്‍ത്തകര്‍ സംഘടിച്ച് ശബരിമംലയിലേക്ക് എത്തണമെന്നാവശ്യപ്പെട്ട് ബിജെപി സര്‍ക്കുലര്‍
  • ഹര്‍ത്താലില്‍ ആക്രമണം നേരിട്ട ജര്‍മന്‍ ടൂറിസ്റ്റ് സംഘം കേരള സന്ദര്‍ശനം മതിയാക്കി മടങ്ങി; സംഭവം കേരള ടൂറിസം വകുപ്പ് ജര്‍മനിയില്‍ റോഡ് ഷോ നടത്തുന്ന അവസരത്തില്‍
  • പി. മോഹനന്റെ മകനും ഭാര്യയ്ക്കും നേരെ ആക്രമണം; ആര്‍എസ്എസ് പ്രവര്‍ത്തകന്‍ അറസ്റ്റില്‍
  • വീട്ടമ്മയുടെ ദേഹത്ത് സിപിഎം പ്രവര്‍ത്തകര്‍ ചുവന്ന ചായമടിച്ചു
  • കെ. സുരേന്ദ്രന്‍ കരുതല്‍ കസ്റ്റഡിയില്‍; ഞായറാഴ്ച ബി.ജെ.പി യുടെ സംസ്ഥാന വ്യാപക പ്രതിഷേധം, റോഡുകള്‍ ഉപരോധിക്കും
  • അപ്രതീക്ഷിത ഹര്‍ത്താലില്‍ ജനം പെരുവഴിയിലായി; പുലര്‍ച്ചെ ഹര്‍ത്താല്‍ പ്രഖ്യാപിച്ചതു കൊണ്ട് ആരും തന്നെ ഹര്‍ത്താല്‍ വിവരം അറിഞ്ഞില്ല, ജനങ്ങള്‍ ശരിക്കും ബന്ദികളായി
  • ശബരിമലയില്‍ അടിസ്ഥാന സൗകര്യങ്ങളില്ലെന്ന പരാതി അന്വേഷിക്കുവാന്‍ മൂന്നംഗ കെ.പി.സി.സി സംഘം എത്തുന്നു
  • ശബരിമലയില്‍ നടന്നത് ഒരിക്കലും നടക്കാന്‍ പാടില്ലാത്ത കാര്യങ്ങള്‍; തീര്‍ഥാടനകാലം സമാധാനപരമാക്കാന്‍ എല്ലാവരും സഹകരിക്കണമെന്ന് മുഖ്യമന്ത്രി
  • Write A Comment

     
    Reload Image
    Add code here