കേരളത്തെ സഹായിച്ചില്ലെങ്കിലും കുഴപ്പമില്ല, സംസ്ഥാനത്തെപ്പറ്റി വെറുപ്പു പ്രചരിപ്പിക്കുന്നത് നിറുത്തിക്കൂടേ?

Sat,Aug 18,2018


തിരുവനന്തപുരം: പ്രളയക്കെടുതി മൂലം നൂറുകണക്കിനൂളുകള്‍ മരിക്കുകയും, ലക്ഷങ്ങള്‍ക്ക് വീടു വിട്ട് മറ്റ് അഭയ കേന്ദ്രങ്ങള്‍ തേടേണ്ടി വരികയും ചെയ്ത അസാധാരണ സാഹചര്യത്തിലൂടെയാണ് കേരളം കടന്നു പൊയ്‌ക്കൊണ്ടിരിക്കുന്നത്. സഹതാപവും ഫണ്ടുകളുടെ ലഭ്യതയുമാണ് സംസ്ഥാനത്തിന് ഇപ്പോള്‍ ആവശ്യം. അല്ലാതെ വെറുപ്പു കലര്‍ന്ന പ്രചാരണങ്ങളല്ല. കേരളത്തെ ദുഷിച്ചു കൊണ്ടുള്ള കമന്റുകള്‍ വരുന്നു എന്നത് ഏറ വേദന ഉളവാക്കുന്നു.
കേരളത്തിലെ പ്രളയത്തിന്റെ കാര്യം സംബന്ധിച്ച് മുഖ്യമന്ത്രി നല്‍കിയ വിശദീകരണെപ്പറ്റി ഒരു വാര്‍ത്താ ഏജന്‍സി നല്‍കിയ ട്വീറ്റിന് ഉത്തരേന്ത്യയില്‍ നിന്നുള്ള ഒരാള്‍ നല്‍കിയ കമന്റ് ഇങ്ങനെയായിരുന്നു - 'അവരോട് കൂടുതല്‍ ബീഫ് കഴിക്കാന്‍ പറയൂ'. അതായത് ബീഫ് കഴിച്ചതു കൊണ്ട് കേരളത്തിലുള്ളവര്‍ സ്വയം വരുത്തിവച്ച അനര്‍ഥമാണ് പ്രളയം എന്നു വ്യംഗ്യാര്‍ഥം. ശബരിമലയില്‍ സ്ത്രീകള്‍ക്ക് പ്രവേശനം നല്‍കണമെന്നു നിലപാട് സ്വീകരിച്ചതിന് അയ്യപ്പന്‍ നല്‍കിയ ശിക്ഷയാണ് ദുരന്തമെന്നു പറയാനും ചിലര്‍ മടിച്ചിട്ടില്ല. കേരളത്തില്‍ മുസ്ലിംകളും, ക്രൈസ്തവരും ധാരളമുണ്ടെന്നും അതുകൊണ്ട് സഹായമൊന്നും നല്‍കരുതെന്നും, ഹിന്ദുക്കള്‍ക്കു മാത്രമായി സഹായം ലഭ്യമാക്കുന്ന സംഘടനകളുണ്ടെങ്കില്‍ അവര്‍ക്കു മാത്രം ഫണ്ട് നല്‍കണമെന്നും കുറിച്ചവരുണ്ട്.
കേരളത്തെപ്പറ്റി ഒന്നുമറിയാത്തവരാണ് ഈ കുറിപ്പുകള്‍ ഇട്ടതെന്ന് വ്യക്തം. മതസഹിഷ്ണുതയ്ക്ക് പേരുകേട്ട ഈ നാട്ടില്‍ വര്‍ഗീയ കുത്തിത്തിരിപ്പുകള്‍ക്ക് സ്ഥാനമില്ലെന്ന് അവര്‍ മനസിലാക്കിയിട്ടില്ല. വിവിധ മതത്തില്‍ പെട്ടവര്‍ ഇത്രയധികം സ്‌നഹത്തിലും സഹിഷ്ണുതയിലും കഴിയുന്ന മറ്റൊരു സംസ്ഥാനം രാജ്യത്തില്ല എന്ന് അവര്‍ തിരിച്ചറിഞ്ഞിട്ടില്ല. കേരളത്തെപ്പറ്റി ട്വിറ്ററിലും, ഫേസ്ബുക്കിലും വെറുപ്പു കലര്‍ന്ന പ്രചാരണങ്ങള്‍ നടത്തുന്നവര്‍ ഈ കൊച്ചു സംസ്ഥാനത്തിന്റെ ആര്‍ജവം മനസിലാക്കിയിട്ടില്ലാത്തവരാണ്.
കേരളം ചോദിച്ച സഹായത്തിന്റെ ചെറിയൊരംശം മാത്രമേ കേന്ദ്രം നല്‍കിയിട്ടുള്ളു. വെറുപ്പു പ്രചരിപ്പിക്കുന്നവരുടെ സഹായം കേരളത്തിന് ആവശ്യമില്ല. ലക്ഷക്കണക്കിനാളുകള്‍ കേരളത്തിനു സഹായം നല്‍കാന്‍ ഉണ്ട് . ഈ ദുരിതാവസ്ഥയെ കേരളം അതിജീവിക്കുക തന്നെ ചെയ്യും. അതിന് സമയം എടുത്തേക്കാം. വെറുപ്പുമായി നടക്കുന്നവര്‍ അത് ഉള്ളില്‍ സൂക്ഷിച്ചു കൊള്ളുക. നട്ടെല്ലു കുനിക്കാതെ നിങ്ങളുടെ കണ്ണുകളിലേക്ക് കേരളം നോക്കുന്ന കാലം വരിക തന്നെ ചെയ്യും.

Other News

  • കാസര്‍കോട് ഇരട്ടക്കൊല: അറസ്റ്റുചെയ്യപ്പെട്ട മുഖ്യ സൂത്രധാരനായ ലോക്കല്‍ കമ്മിറ്റി അംഗത്തെ സിപിഎം പുറത്താക്കി
  • കാസര്‍കോട് കൊലപാതകത്തില്‍ സിപിഎമ്മിനു പങ്കില്ല; കുറ്റക്കാര്‍ക്കെതിരെ ശക്തമായ നിയമ നടപടി എടുക്കും: മുഖ്യമന്ത്രി
  • വീരമൃത്യുവരിച്ച സൈനികന്‍ വസന്തകുമാറിന്റെ കുടുംബത്തിന് 25 ലക്ഷം രൂപ ധനസഹായം; ഭാര്യ ഷീനയുടെ ജോലി സ്ഥിരപ്പെടുത്തും
  • കാസര്‍കോട് കൊലപാതകം അപലപനീയം: പ്രതികള്‍ പാര്‍ട്ടിക്കാരായാല്‍പോലും സംരക്ഷിക്കില്ല: കോടിയേരി
  • കാസര്‍കോട് കൊലക്കേസില്‍ രണ്ട് പേര്‍ പിടിയില്‍; കേസന്വേഷണം പ്രത്യേക സംഘത്തിന്
  • മിന്നല്‍ ഹര്‍ത്താലിനെതിരെ ഹൈക്കോടതി സ്വമേധയാ കേസെടുത്തു;കോടതി അലക്ഷ്യം നടത്തിയ ഭാരവാഹികള്‍ നോട്ടീസ് അയക്കും
  • കാസര്‍കോട്ട് രണ്ട് യൂത്ത് കോണ്‍ഗ്രസ് പ്രവര്‍ത്തകരെ വെട്ടിക്കൊന്നു; തിങ്കളാഴ്ച കേരളത്തില്‍ ഹര്‍ത്താല്‍
  • പുല്‍വാമയില്‍ വീരചരമമടഞ്ഞ മലയാളി സൈനികന്‍ വി.വി വസന്തകുമാറിന്റെ വീട്ടില്‍ മുഖ്യമന്ത്രി പിണറായി വിജയന്‍ ബുധനാഴ്ച സന്ദര്‍ശനം നടത്തും
  • കൊട്ടിയൂർ പീഡനം: ഫാ. റോബിൻ വടക്കുംചേരിക്ക്​ 20 വർഷം കഠിന തടവ്​
  • ആലുവയിൽ ഡോക്​ടറെ ബന്ദിയാക്കി വൻ കവർച്ച
  • കൊട്ടിയൂർ പീഡനം: കോടതി വിധി സ്വാഗതം ചെയ്ത് മാനന്തവാടി രൂപത
  • Write A Comment

     
    Reload Image
    Add code here