പാര്‍ട്ടി നേതാക്കള്‍ക്കെതിരെ കത്തെഴുതി വെച്ച് സിപിഎം മുന്‍ പഞ്ചായത്ത് പ്രസിഡന്റ് കായലില്‍ ചാടി

Wed,Jun 13,2018


വൈപ്പിന്‍: സി.പി.എം. നേതാവായ പഞ്ചായത്ത് മുന്‍ പ്രസിഡന്റ് കൊച്ചി അഴിമുഖത്ത് ബോട്ടില്‍ നിന്ന് കായലിലേക്ക് ചാടി. എളങ്കുന്നപ്പുഴ പഞ്ചായത്ത് മുന്‍ പ്രസിഡന്റ് വി.കെ. കൃഷ്ണന്‍(74) ആണ് ചൊവ്വാഴ്ച രാത്രി ഏഴരയോടെ വൈപ്പിനില്‍നിന്ന് ഫോര്‍ട്ടുകൊച്ചിക്കുള്ള ഫെറി ബോട്ടില്‍നിന്ന് കായലില്‍ ചാടിയത്.
ചാടുന്നതിന് മുമ്പ് ഒരു കത്ത് ബോട്ടിലുണ്ടായിരുന്ന യാത്രക്കാരനെ ഏല്‍പിച്ചിരുന്നു. ഈ കത്തിലാണ് സ്വന്തം പാര്‍ട്ടിക്കെതിരായ പരാമര്‍ശങ്ങള്‍. തന്നെ പുകച്ച് പുറത്താക്കുന്ന ഒരു പാര്‍ട്ടിയാണ് എളങ്കുന്നപ്പുഴ ലോക്കല്‍ കമ്മിറ്റിയെന്ന് കത്തില്‍ ആരോപിച്ചിട്ടുണ്ട്. താന്‍ തെറ്റുകളുടെ കൂമ്പാരമാണെന്നും കത്തില്‍ ഇദ്ദേഹം കുറിച്ചിട്ടുണ്ട്.
മേയ് 31-ന് കോണ്‍ഗ്രസ് കൊണ്ടുവന്ന അവിശ്വാസപ്രമേയത്തെ ബി.ജെ.പി. പിന്തുണച്ചതോടെ കൃഷ്ണന് പ്രസിഡന്റ് സ്ഥാനം നഷ്ടമായിരുന്നു. എന്നാല്‍ സ്ഥാനനഷ്ടമല്ല തന്റെ ആത്മഹത്യയ്ക്ക് കാരണമെന്ന് കത്തില്‍ പറയുന്നു. കൃഷ്ണനായുള്ള തിരച്ചില്‍ രാത്രി വൈകിയും തുടര്‍ന്നു.
തിങ്കളാഴ്ച നടന്ന ലോക്കല്‍ കമ്മിറ്റിയിലും ചൊവ്വാഴ്ച വൈകീട്ട് നടന്ന പഞ്ചായത്ത് കമ്മറ്റിയിലും കൃഷ്ണന്‍ പങ്കെടുത്തിരുന്നു. വിഭാഗീയത ശക്തമായ കാലയളവില്‍ വി.എസ്. പക്ഷം നടത്തിയ ചെറുത്തുനില്പിന്റെ മുന്‍നിരയില്‍ കൃഷ്ണനുമുണ്ടായിരുന്നു.
പട്ടികജാതി സംവരണമായിരുന്ന പഞ്ചായത്ത് പ്രസിഡന്റ് സ്ഥാനം വി.കെ. കൃഷ്ണന് ലഭിക്കുന്നതിനുള്ള അടവ് നയമാണ് കഴിഞ്ഞ തിരഞ്ഞെടുപ്പില്‍ വിമതവിഭാഗം സ്വീകരിച്ചത്. കോണ്‍ഗ്രസ് വിമതന്റെ പിന്തുണയോടെ, കോണ്‍ഗ്രസ് സ്ഥാനാര്‍ഥിക്കൊപ്പം വോട്ട് നേടി നറുക്കെടുപ്പിലൂടെയാണ് ഇദ്ദേഹം പ്രസിഡന്റായത്.

Other News

  • മനുഷ്യക്കടത്ത് കേസ് : മുനമ്പത്ത് നിന്ന് സ്വിറ്റ്‌സര്‍ലാന്‍ഡിലേക്ക് പുറപ്പെട്ട ബോട്ടില്‍ മലയാളികളില്ലെന്ന് പൊലീസ്
  • ലോക്‌സഭാ തെരഞ്ഞെടുപ്പില്‍ യുഡിഎഫിനു സര്‍വനാശം സംഭവിക്കുമെന്ന് വെള്ളാപ്പള്ളി
  • ' ഞാന്‍ എഴുതുന്നത് എന്റെ പച്ചയായ ജീവിതം' : എച്ചുമുക്കുട്ടി; സാമൂഹിക മാധ്യമ വിചാരണകളോട് എഴുത്തുകാരി പ്രതികരിക്കുന്നു
  • കേരളത്തില്‍ കഴിഞ്ഞ വര്‍ഷം കാണാതായത് 12453 പേരെ; ഇവരില്‍ 11761 പേരെ കണ്ടെത്തി
  • കണ്ണൂർ വിമാനത്താവളത്തിൽനിന്ന് കൂടുതൽ അന്താരാഷ്ട്ര, ആഭ്യന്തര സർവീസ് ആരംഭിക്കും;എയർഇന്ത്യയുടെ അമിതനിരക്ക് കുറയ്ക്കണമെന്ന് മുഖ്യമന്ത്രി: വിമാനക്കമ്പനി സി.ഇ.ഒ മാരുമായി മുഖ്യമന്ത്രി ചർച്ച നടത്തി
  • അധോലോക നായകന്‍ രവി പൂജാര വീണ്ടും ഭീഷണിപ്പെടുത്തുന്നുവെന്ന് നടി ലീന മരിയ പോള്‍
  • മനുഷ്യക്കടത്തിന് മുനമ്പത്ത് എത്തിയ സംഘത്തിന് മലയാളികളുടെ സഹായവും ലഭിച്ചുവെന്ന് അന്വേഷണ ഉദ്യോഗസ്ഥര്‍
  • ശബരിമല സ്ത്രീപ്രവേശനം: ആവശ്യങ്ങളില്‍ ഒന്നുപോലും നേടാതെ സെക്രട്ടറിയറ്റു നടയിലെ നിരാഹാര സമരം ബിജെപി അവസാനിപ്പിച്ചു
  • ശബരിമലയില്‍ 51 യുവതികള്‍ പ്രവേശിച്ചതായി സംസ്ഥാന സര്‍ക്കാര്‍ സുപ്രീംകോടതിയില്‍
  • ശബരിമല: നിരാഹാരം കിടക്കാന്‍ മുതിര്‍ന്ന നേതാക്കളില്ല; സെക്രട്ടറിയറ്റിനു മുന്നിലെ ബിജെപി സമരം ലക്ഷ്യം കാണാതെ അവസാനിപ്പിക്കുന്നു
  • കനക ദുര്‍ഗയ്ക്കും ബിന്ദുവിനും പൂര്‍ണ സമയ സംരംക്ഷണം നല്‍കണമെന്ന് സര്‍ക്കാരിനോട് സുപ്രിംകോടതി
  • Write A Comment

     
    Reload Image
    Add code here