അയോദ്ധ്യയില്‍ രാമന്റെ പ്രതിമ സ്ഥാപിക്കാനൊരുങ്ങി യോഗി ആദിത്യനാഥ്

Wed,Nov 07,2018


ലക്‌നൗ: പട്ടേല്‍ പ്രതിമയ്ക്ക് പിന്നാലെ അയോദ്ധ്യയില്‍ ശ്രീരാമ പ്രതിമ സ്ഥാപിക്കാനൊരുങ്ങി യോഗി ആദിത്യനാഥ് സര്‍ക്കാര്‍.
സരയൂ തീരത്ത് 151 മീറ്റര്‍ ഉയരമുള്ള രാമ പ്രതിമ നിര്‍മ്മിക്കാനുള്ള പദ്ധതി യോഗി സര്‍ക്കാര്‍ 2017 ല്‍ തന്നെ ആവിഷ്‌ക്കരിച്ചിരുന്നു. ഇതുമായി ബന്ധപ്പെട്ട വിശദമായ രൂപരേഖ ഗവര്‍ണര്‍ക്ക് സമര്‍പ്പിക്കുകയും ചെയ്തു. ദീപാവലി ആഘോഷത്തോടനുബന്ധിച്ച് ബുധനാഴ്ച അയോദ്ധ്യസന്ദര്‍ശിച്ച യോഗി ആദിത്യനാഥ് പ്രതിമസ്ഥാപിക്കാനുള്ള പ്രഖ്യാപനം നടത്തി.
മുഗള്‍ഭരണകാലത്ത് നിര്‍മിക്കപ്പെട്ട ഫൈസലാബാദ് നഗരത്തിന് ചൊവ്വാഴ്ച യോഗി ആദിത്യനാഥ് അയോദ്ധ്യ എന്ന് പുനര്‍നാമകരണം ചെയ്തിരുന്നു. പിന്നാലെയാണ് രാമ പ്രതിമ അയോദ്ധ്യയില്‍ സ്ഥാപിക്കാനുള്ള തീരുമാനവും പ്രഖ്യാപിച്ചത്.
സരയൂ നദിക്കരയില്‍ നിന്ന് 36 മീറ്റര്‍ മാറിയാണ് പ്രതിമ സ്ഥാപിക്കുക.150 മീറ്റര്‍ ഉയരം വരുന്ന പ്രതിമയ്ക്ക് 330 കോടിരൂപ ചിലവ് വരും. കൂടാതെ അയോദ്ധ്യ പുനര്‍ നിര്‍മ്മാണത്തിനായി 300 കോടിയുടെ പദ്ധതികളും യോഗി സര്‍ക്കാര്‍ ആലോചിക്കുന്നുണ്ട്. അയോദ്ധ്യയില്‍ജനങ്ങള്‍ വരുന്നത് രാമ സ്മൃതിയോടെയാണെന്നും രാമ പ്രതിമ കാണാന്‍ കഴിഞ്ഞാല്‍ അവരുടെ ആഗ്രഹം സഫലീകരിച്ചതിനു തുല്യമാകുമെന്നും അയോദ്ധ്യയിലെത്തിയ യോഗി മാധ്യമപ്രവര്‍ത്തകരോട് പറഞ്ഞു. 'അയോദ്ധ്യയില്‍ രാമ ക്ഷേത്രം ഉണ്ടായിരുന്നു.അവിടെ രാമ ക്ഷേത്രം ഉണ്ട്, രാമക്ഷേത്രം ഉണ്ടാവുകയും ചെയ്യും. '-യോഗി വ്യക്തമാക്കി.
ഭരണഘടനയുടെ ഉള്ളില്‍ നിന്ന് കൊണ്ട് അയോദ്ധ്യയില്‍ രാമക്ഷേത്രം നിര്‍മ്മിക്കുന്നതിനുള്ള സാധ്യതകളാണ് സര്‍ക്കാര്‍ നോക്കുന്നത്. അയോദ്ധ്യയിലെ വിശ്വാസങ്ങളെ സര്‍ക്കാര്‍ ഹുമാനിക്കുന്നു. എല്ലാ ഹിന്ദുക്കളും ഇതിനായി ഞങ്ങളോടൊപ്പമുണ്ട്. അയോദ്ധ്യ എന്ന നഗരം തന്നെ തിരിച്ചറിയപ്പെടുന്നത് ശ്രീരാമനുമായി ബന്ധപ്പെട്ടാണെന്നും അദ്ദേഹം വ്യക്തമാക്കി.
രാമ പ്രതിമ നിര്‍മ്മിക്കാനുദ്ദേശിക്കുന്ന സ്ഥലത്തിനു പുറമെ യോഗി രാമജന്മഭൂമി എന്നറിയപ്പെടുന്ന പ്രദേശത്തെ *ത്രേങ്ങളിലും, ഹനുമാന്‍ ഗാര്‍ഹി ക്ഷേത്രത്തിലും,കനക് ഭവനിലും സന്ദര്‍ശനം നടത്തി.

Other News

  • ഇന്ത്യന്‍ മാര്‍ക്കറ്റില്‍ ജാവാ ബൈക്കുകള്‍ പുനരവതരിക്കുന്നു
  • റഫേല്‍ ഇടപാട്: വ്യോമസേന ഉദ്യോഗസ്ഥര്‍ ഉടന്‍ഹാജരാകണമെന്ന് സുപ്രീംകോടതി
  • മുംബൈയിലെ ഫ്‌ലാറ്റില്‍ തീപ്പിടിത്തം; രണ്ടുപേര്‍ മരിച്ചു
  • ദേശസ്‌നേഹം വളര്‍ത്താന്‍ റെയില്‍വെയും: രാജ്യത്തെ 75 റെയില്‍വെ സ്‌റ്റേഷനുകളില്‍ നൂറ് അടി പൊക്കത്തില്‍ ദേശീയ പതാകകള്‍ സ്ഥാപിക്കും
  • കൂടുതല്‍ മദ്യം നല്‍കിയില്ല; വിദേശ യാത്രക്കാരി എയര്‍ ഇന്ത്യ വിമാനത്തില്‍ അസഭ്യ വര്‍ഷം നടത്തി, ഫ്‌ളൈറ്റ് അറ്റന്‍ഡിനെ മര്‍ദിച്ചു
  • റഫേല്‍ യുദ്ധവിമാന ഇടപാടിന്റെ വിലവിവരങ്ങള്‍ കേന്ദ്രം സുപ്രീം കോടതിയില്‍ നല്‍കി
  • മദ്യപരിശോധനയില്‍ പരാജയപ്പെട്ടു; എയര്‍ ഇന്ത്യ ഓപ്പറേഷന്‍സ് ഡയറക്ടറെ വിമാനം പറത്താന്‍ അനുവദിച്ചില്ല
  • പതിനാറുകാരിയെ പതിനേഴുകാരനായ കാമുകന്‍ കൊന്ന് കത്തിച്ചു; കൊലപാതകം ഗര്‍ഭിണി ആയെന്ന സംശയത്തെ തുടര്‍ന്ന്
  • മുസ്ലീം പള്ളിയ്ക്ക് മഹാവിഷ്ണുവിന്റെ പേരിടുമെന്ന് ബിജെപി വക്താവ് സംബിത് പത്ര ടെലിവിഷന്‍ ചര്‍ച്ചയില്‍
  • കശ്മീരില്‍ ഏറ്റുമുട്ടലില്‍ രണ്ട് തീവ്രവാദികള്‍ കൊല്ലപ്പെട്ടു
  • അയോധ്യയില്‍ ബുദ്ധന്റെ പ്രതിമയും വേണമെന്ന് ബിജെപി എംപി
  • Write A Comment

     
    Reload Image
    Add code here