മേലില്‍ ദളിത് എന്ന് എഴുതരുത്; മാധ്യമങ്ങളെ വിലക്കി കേന്ദ്ര സര്‍ക്കാര്‍

Tue,Sep 04,2018


ന്യൂഡല്‍ഹി : ദളിത് എന്ന പദത്തിന് കേന്ദ്രസര്‍ക്കാര്‍ വിലക്കേര്‍പ്പെടുത്തി.
പട്ടികജാതി വിഭാഗത്തില്‍ പെട്ടവരെ സംബന്ധിച്ച വാര്‍ത്തകള്‍ നല്‍കുമ്പോള്‍ ഇനി ദളിത് എന്ന പദം ഉപയോഗിക്കരുതെന്നാണ് കേന്ദ്ര വാര്‍ത്താവിതരണ മന്ത്രാലയത്തിന്റെ നിര്‍ദേശം. വാര്‍ത്തകളില്‍ ദളിത് എന്ന പദം ഉപയോഗിക്കാതിരിക്കാന്‍ മാധ്യമങ്ങള്‍ക്ക് നിര്‍ദേശം നല്‍കാന്‍ മുംബൈ ഹൈക്കോടതി നേരത്തെ നിര്‍ദേശം നല്‍കിയിരുന്നു.
ഈ ഉത്തരവ് ചൂണ്ടിക്കാട്ടിയാണ് കേന്ദ്ര വാര്‍ത്താവിതരണ മന്ത്രാലയത്തിന്റെ നിര്‍ദേശം.
ദലിത് എന്നതിന് പകരം പട്ടികജാതി എന്നു തന്നെ ഉപയോഗിക്കണമെന്ന് നേരത്തെ കേന്ദ്ര സാമൂഹികനീതി വകുപ്പ് സര്‍ക്കുലര്‍ പുറത്തിറക്കിയിരുന്നു. ഇതും പുതിയ നിര്‍ദേശം ഉള്‍പ്പെടുത്തി സ്വകാര്യ ചാനലുകള്‍ക്കയച്ച കത്തില്‍ വാര്‍ത്താ വിതരണം മന്ത്രാലയം ചൂണ്ടിക്കാട്ടിയിട്ടുണ്ട്.
ദളിത് എന്ന വാക്ക് ഭരണഘടനയില്ല. ഇതിന് പകരമായി ഭരണഘടനാ പദമായ ഷെഡ്യൂള്‍ഡ് കാസ്റ്റ് എന്ന പദമോ അതിന് വിവിധ ഭാഷകളിലുള്ള പരിഭാഷകളോ ഉപയോഗപ്പെടുത്തണമെന്നാണ് അറിയിച്ചിരിക്കുന്നത്.
അതേസമയം പുതിയ നിര്‍ദേശത്തിന്റെ പേരില്‍ വിവാദങ്ങളും ഉയര്‍ന്നിട്ടുണ്ട്.
ദളിത് എന്ന പദം ഉപയോഗിക്കാതിരിക്കുന്നത് കൊണ്ട് മാത്രം ഇവര്‍ നേരിടേണ്ടി വരുന്ന അവഗണനകള്‍ അവസാനിക്കില്ലെന്നും പകരം ഇവര്‍ നേരിടുന്ന ക്രൂരതകള്‍ റിപ്പോര്‍ട്ട് ചെയ്യുന്നതിന് ഇത് സാരമായി ബാധിക്കുമെന്നാണ് സാമൂഹിക-മനുഷ്യാവകാശ പ്രവര്‍ത്തകരും രാഷ്ട്രീയ നേതാക്കളും ചൂണ്ടിക്കാണിക്കുന്നത്.
ന്യൂസ് ബ്രോഡ്കാസ്റ്റിംഗ് അസോസിയേഷനും പുതിയ നിര്‍ദേശത്തിനെതിരെ രംഗത്തെത്തിയിട്ടുണ്ട്. കാലങ്ങളായി ഉപയോഗിച്ചു വരുന്നതാണ് ദളിത് എന്ന വാക്കിന് ഇപ്പോള്‍ എന്തിനാണ് ഇങ്ങനെയൊരു വിലക്കെന്ന് മനസിലാകുന്നില്ലെന്നായിരുന്നു ഇവരുടെ പ്രതികരണം.

Other News

  • രാജസ്ഥാന്‍ ജയിലില്‍ പാക്കിസ്ഥാന്‍ തടവുകാരനെ അടിച്ചു കൊന്നു
  • തമിഴ്‌നാട്ടില്‍ കോണ്‍ഗ്രസും , ഡി.എം.കെ യും സീറ്റ് ധാരണയിലെത്തി; കോണ്‍ഗ്രസ് ഒമ്പത് സീറ്റില്‍ മത്സരിക്കും
  • അയോദ്ധ്യ കേസില്‍ സുപ്രീംകോടതി ഭരണഘടനാ ബെഞ്ച് ചൊവ്വാഴ്ച വാദം കേള്‍ക്കും
  • പുല്‍വാമ സംഭവത്തില്‍ ഇന്ത്യ തുടങ്ങിയ സൈനിക നടപടി നിറുത്തിവെച്ചില്ലെങ്കില്‍ തിരിച്ചടിക്കുമെന്ന് പാക്കിസ്ഥാന്റെ മുന്നറിയിപ്പ്
  • പുല്‍വാമ ഭീകരാക്രമണം; മസൂദ് അസറിനെ ആഗോള ഭീകരനായി പ്രഖ്യാപിക്കാനുള്ള പ്രമേയം യു.എന്‍ രക്ഷാസമിതിയില്‍ ഫ്രാന്‍സ് അവതരിപ്പിക്കും
  • ബംഗളൂരുവില്‍ വ്യോമസേനയുടെ വിമാനങ്ങള്‍ കൂട്ടിയിടിച്ച് ഒരു പൈലറ്റ് കൊല്ലപ്പെട്ടു; അപകടം പരിശീലനത്തിനിടയില്‍
  • ഇന്ത്യയിലെ നയതന്ത്ര പ്രതിനിധിയെ പാക്കിസ്ഥാന്‍ തിരികെ വിളിച്ചു; ഹൈക്കമ്മീഷണര്‍ സുഹൈല്‍ മുഹമ്മദ് ഇന്ത്യവിട്ടു
  • പുല്‍വാമ ഭീകരാക്രമണം; വീരമൃത്യു വരിച്ച സൈനികരുടെ മക്കള്‍ക്ക് വിദ്യാഭ്യാസവും ജോലിയും നല്‍കാന്‍ തയാറെന്ന് റിലയന്‍സ് ഫൗണ്ടേഷന്‍
  • കശ്മീരില്‍ ഭീകരരുമായി ഏറ്റുമുട്ടല്‍; നാലു സൈനികര്‍ക്ക് കൂടി വീരമൃത്യു; ഒരു ഗ്രാമീണനും കൊല്ലപ്പെട്ടു
  • പുല്‍വാമ ആക്രണം: കൊലയാളികള്‍ക്ക് തിരിച്ചടി നല്‍കി ഇന്ത്യന്‍ സേന; രണ്ട് ഭീകരരെ വധിച്ചു
  • പാക്കിസ്ഥാനിലെ പട്ടാള ഹോസ്പിറ്റലില്‍ നിന്ന് പുല്‍വാമ ഭീകരാക്രമണത്തിനു നിര്‍ദേശം നല്‍കിയത് മസൂദ് അസര്‍
  • Write A Comment

     
    Reload Image
    Add code here