മുല്ലപ്പെരിയാറില്‍ നിന്ന് വളരെ പെട്ടെന്ന് തമിഴ്‌നാട് വെള്ളം തുറന്നു വിട്ടത് പ്രളയക്കെടുതി രൂക്ഷമാക്കിയെന്ന് കേരളം സുപ്രീംകോടതിയില്‍

Thu,Aug 23,2018


ന്യൂഡല്‍ഹി: മുല്ലപ്പരിയാര്‍ ഡാമില്‍ ജലനിരപ്പ് ഉയര്‍ന്നപ്പോള്‍ തന്നെ വെള്ളം തുറന്നു വിടണമെന്ന് ആവശ്യപ്പെടടിരുന്നുവെങ്കിലും അതിനു തയാറാകാതെ അവസാനം വെള്ളം പെട്ടെന്ന് തുറന്നു വിട്ടത് കേരളത്തിലെ പ്രളയക്കെടുതി രൂക്ഷമാക്കിയെന്ന് കേരളം സുപ്രീംകോടതിയെ അറിയിച്ചു. കേരളത്തിന്റെ ജലവിഭവ സെക്രട്ടറി തമിഴ്‌നാട്ടിലെ ജല വിഭവ സെക്രട്ടറിക്കും, മുല്ലപ്പെരിയാര്‍ ഡാമിന്റെ സൂപ്പര്‍വൈസറി കമ്മിറ്റി ചെയര്‍മാനും ഡാമിലെ ജലനിരപ്പ് 139 അടി ആയപ്പോള്‍ തന്നെ വെള്ളം തുറന്നു വിടണമെന്ന് ആവശ്യപ്പെട്ട് സന്ദേശമയച്ചിരുന്നു. പക്ഷേ, ആവര്‍ത്തിച്ച് അഭ്യാര്‍ഥിച്ചിട്ടും ഒരു നടപടിയും ഉണ്ടായില്ലെന്ന് കോടതിയില്‍ സമര്‍പ്പിച്ച സത്യവാങ്മൂലത്തില്‍ കേരളം ചൂണ്ടിക്കാട്ടി.
മുല്ലപ്പെരിയാറിലെ ജലനിരപ്പ് 142 അടി ആയപ്പോള്‍ തമിഴ്‌നാട് തിടുക്കത്തില്‍ വെള്ളം തുറന്നു വിടുകയായിരുന്നു. ഈ വെള്ളം ഇടുക്കി അണക്കെട്ടില്‍ എത്തിയതോടെ അവിടെ നിന്ന് കൂടുതലായി ജലം പുറത്തു വിടേണ്ടി വന്നു. പ്രളയ ദുരന്തം കൂടുതല്‍ തീവ്രമാക്കാന്‍ മാത്രമാണ് ഇതു കാരണമായത്. ഇത്തരം സാഹചര്യം ഒഴിവാക്കാന്‍ സൂപ്പര്‍വൈസറി കമ്മിറ്റിയുടെ അധ്യക്ഷനായി സെന്‍ട്രല്‍ വാട്ടര്‍ കമ്മീഷന്‍ ചെയര്‍മാനെ നിയോഗിക്കണമെന്നും, ഇരു സംസ്ഥാനങ്ങളില്‍ നിന്നുമുള്ള ജലവിഭവ സെക്രട്ടരിമാരെ അംഗങ്ങളായി നിയമിക്കണമെന്നും, സമാന സാഹചര്യങ്ങളില്‍ ഭൂരിപക്ഷ അഭിപ്രായ പ്രാകരം തീരുമാനമെടുക്കാന്‍ കഴിയണമെന്നും കേരളം നിര്‍ദേശിച്ചു.
കേരളത്തിലെ പ്രളയത്തിന്റെ പശ്ചാത്തലത്തില്‍ മുല്ലെപ്പെരിയാര്‍ അണക്കെട്ടിലെ ജലനിരപ്പ് കുറയ്ക്കാന്‍ നിര്‍ദേശം നല്‍കണമെന്ന് ആവശ്യപ്പെട്ട ഇടുക്കി സ്വദേശി റസല്‍ ജോയി സമര്‍പ്പിച്ച ഹര്‍ജി പരിഗണിക്കവേ പ്രളയക്കെടുതികള്‍ നേരിടാന്‍ കേരളം സ്വീകരിച്ച നടപടികളുടെ വിശദാശംങ്ങള്‍ സമര്‍പ്പിക്കാന്‍ കോടതി ഓഗസ്റ്റ് 18 ന് ആവശ്യപ്പെട്ടിരുന്നു. ജലനിരപ്പ് കുറയ്ക്കുന്ന കാര്യത്തില്‍ ഉടന്‍ തീരുമാനമെടുക്കാന്‍ മുല്ലപ്പെരിയാര്‍ ഡാമിന്റെ ഡിസാസ്റ്റര്‍ മാനേജ്‌മെന്റ് പാനലിനും കോടതി നിര്‍ദേശം നല്‍കിയിരുന്നു.

Other News

  • വാരാണസിയില്‍ മോഡിക്കെതിരെ പ്രിയങ്കയില്ല; അജയ് റായ് കോണ്‍ഗ്രസ് സ്ഥാനാര്‍ത്ഥി
  • ജമ്മുവില്‍ രണ്ട് ഭീകരരെ സൈന്യം വധിച്ചു; ആയുധങ്ങളും വെടിക്കോപ്പുകളും പിടിച്ചെടുത്തു
  • നോട്ടു നിരോധനം മൂലം തൊഴില്‍ നഷ്ടമായത് 50 ലക്ഷം പേര്‍ക്ക്
  • മോഡി രണ്ടാമൂഴത്തിലെ അജണ്ട തയ്യാറാക്കുന്നു
  • മോസ്‌ക്കുകളില്‍ സ്ത്രീകളെ കയറ്റാത്തത് ഇന്ത്യയില്‍ മാത്രം
  • പൗരത്വബില്ലിനെ എതിര്‍ത്ത മാധ്യമപ്രവര്‍ത്തകര്‍ക്ക് നടപടി ഭീഷണി
  • മഹാരാഷ്ട്രയില്‍ ഭരണവിരുദ്ധവികാരം ആഞ്ഞുവീശുന്നു
  • ആവേശമായി രാജ് താക്കറെയുടെ ഡിജിറ്റല്‍ സ്‌ക്രീന്‍ റാലികള്‍
  • ശ്രീലങ്കയിലെ സ്‌ഫോടനത്തില്‍ കര്‍ണാടകത്തില്‍ നിന്നുള്ള ആറ് ജനതാദള്‍ - എസ് നേതാക്കള്‍ കൊല്ലപ്പെട്ടു
  • ശ്രീലങ്കയില്‍ നടുക്കം വിതച്ച തൗഹീദ് ജമാ അത് ഭീകര സംഘടനയ്ക്ക് തമിഴ്‌നാട്ടിലും സാന്നിധ്യം
  • ബ്രിട്ടീഷ് പൗരത്വ വിവാദത്തില്‍ കഴമ്പില്ല; അമേഠിയില്‍ രാഹുല്‍ ഗാന്ധിയുടെ നാമനിര്‍ദ്ദേശ പത്രിക സ്വീകരിച്ചു
  • Write A Comment

     
    Reload Image
    Add code here