ഉത്തരാഖണ്ഡിലെ പശുക്കളുടെ നിയമപരമായ സംരക്ഷകര്‍ തങ്ങളാണെന്ന് ഹൈക്കോടതി

Tue,Aug 14,2018


നൈനിറ്റാള്‍: രാജ്യത്ത് ഇതാദ്യമായി പശുക്കളുടെ സംരക്ഷണ ചുമതലയുടെ ഉത്തരവാദിത്വം ഒരു ഹൈക്കോടതി ഏറ്റെടുത്തിരിക്കുന്നു. ഉത്തരഖണ്ഡിലാണ് അത്യപൂര്‍വമായ നടപടി ഉണ്ടായിരിക്കുന്നത്. സംസ്ഥാനത്തെ എല്ലാ പശുക്കളുടെയും നിയമപരമായ സംരക്ഷണം തങ്ങളുടെ ഉത്തരവിദിത്വത്തിലാണെന്ന് ഹൈക്കോടതി വ്യക്തമാക്കി. ചീഫ് ജസ്റ്റിസ് രാജീവ് ശര്‍മ, ജസ്റ്റിസ് മനോജ് കമാര്‍ തിവാരി എന്നിവരുള്‍പ്പെട്ട ഡിവിഷന്‍ ബഞ്ച് സംസ്ഥാനത്തെ പശുക്കളുടെ സംരക്ഷണം ഉറപ്പാക്കാന്‍ പുറപ്പെടുവിച്ച 41 പേജ് വരുന്ന ഉത്തരവിലാണ് പശുക്കളുടെ നിയമപരമായ സംരക്ഷണം തങ്ങള്‍ക്കാണെന്ന് വിശദീകരിച്ചിട്ടുള്ളത്.
മൃഗസംരക്ഷണത്തിന്റെ പ്രാധാന്യം ചൂണ്ടിക്കാട്ടാന്‍ ഉപനിഷത്, അര്‍ഥശാസ്ത്ര എന്നിവയില്‍ നിന്നുള്ള പരാമര്‍ശങ്ങളും, ജൈന - ബുദ്ധ മതവിശ്വാസങ്ങളിലെ പ്രബോധനങ്ങളും, ഗാന്ധിജ, ദലൈലാമ എന്നിവരുടെ നിരീക്ഷണങ്ങളും കോടതി ഉത്തരവില്‍ എടുത്തു പറയുന്നുണ്ട്. പശു, കാള എന്നിവയെ കൊല്ലന്നതും, ഏതെങ്കിലും രൂപത്തിലുള്ള ഇവയുടെ ഉത്പന്നങ്ങള്‍ വില്‍ക്കുന്നതും സംസ്ഥാനത്ത് നിരോധിച്ചിട്ടുണ്ട്. തെരുവില്‍ അലഞ്ഞു നടക്കുന്ന പശുക്കളുടെ ആരോഗ്യപരിപാലനം ഉറപ്പു വരുത്തണമെന്നും, ഗോശാലകളിലുള്ള അനധികൃത കുടിയേറ്റക്കാരെ ഒഴിപ്പിക്കണമെന്നും, ഗോവധം ഉണ്ടാകുന്നില്ലെന്ന് ഉറപ്പു വരുത്താന്‍ ഗ്രാമീണ മേഖലകലില്‍ പോലീസ് പട്രോളിംഗ് ഏര്‍പ്പെടുത്തണെമന്നും കോടതി ഉത്തരവില്‍ നിര്‍ദേശിച്ചിട്ടുണ്ട്.
മൃഗങ്ങളോട് കാരുണ്യപൂര്‍വം പെരുമാറണമെന്നും, ക്രൂരത കാട്ടുന്നത് അവയ്ക്ക് മനോവേദനയ്ക്ക് കാരണമാകുമെന്നും ചൂണ്ടിക്കാട്ടിയ ഹൈക്കോടതി ഹൈന്ദവ വിശ്വാസമനുസരിച്ച് ഓരോ മൃഗങ്ങളും ഈശ്വരനോട് അനുരൂപപ്പെട്ടുള്ളതാണെന്ന് ചൂണ്ടിക്കാട്ടി. മനുഷ്യരെപ്പോലെ തന്നെ ശ്വസനം നടത്തുന്ന മൃഗങ്ങള്‍ക്ക് വൈകാരികതയുമുണ്ട്. അവയ്ക്ക് ഭക്ഷണം, വെള്ളം, താമസ സൗകര്യം, മെഡിക്കല്‍ ശുശ്രൂഷ എന്നിവ ഉറപ്പാക്കേണ്ടതുണ്ടെന്ന് കോടതി ചൂണ്ടിക്കാട്ടി. ഹരിദ്വാര്‍ ജില്ലയില്‍ അലഞ്ഞു തിരിഞ്ഞു നടക്കുന്ന പശുക്കളെയും, കാളകളെയും കൊല്ലുന്നതു നിരോധിക്കണെമന്ന് ആവശ്യപ്പെട്ടുള്ള പൊതുതാല്‍പര്യ ഹര്‍ജി പരിഗണിക്കവേയാണ് കോടതിയുടെ ഉത്തരവുണ്ടായത്.

Other News

  • ഇന്ത്യന്‍ മാര്‍ക്കറ്റില്‍ ജാവാ ബൈക്കുകള്‍ പുനരവതരിക്കുന്നു
  • റഫേല്‍ ഇടപാട്: വ്യോമസേന ഉദ്യോഗസ്ഥര്‍ ഉടന്‍ഹാജരാകണമെന്ന് സുപ്രീംകോടതി
  • മുംബൈയിലെ ഫ്‌ലാറ്റില്‍ തീപ്പിടിത്തം; രണ്ടുപേര്‍ മരിച്ചു
  • ദേശസ്‌നേഹം വളര്‍ത്താന്‍ റെയില്‍വെയും: രാജ്യത്തെ 75 റെയില്‍വെ സ്‌റ്റേഷനുകളില്‍ നൂറ് അടി പൊക്കത്തില്‍ ദേശീയ പതാകകള്‍ സ്ഥാപിക്കും
  • കൂടുതല്‍ മദ്യം നല്‍കിയില്ല; വിദേശ യാത്രക്കാരി എയര്‍ ഇന്ത്യ വിമാനത്തില്‍ അസഭ്യ വര്‍ഷം നടത്തി, ഫ്‌ളൈറ്റ് അറ്റന്‍ഡിനെ മര്‍ദിച്ചു
  • റഫേല്‍ യുദ്ധവിമാന ഇടപാടിന്റെ വിലവിവരങ്ങള്‍ കേന്ദ്രം സുപ്രീം കോടതിയില്‍ നല്‍കി
  • മദ്യപരിശോധനയില്‍ പരാജയപ്പെട്ടു; എയര്‍ ഇന്ത്യ ഓപ്പറേഷന്‍സ് ഡയറക്ടറെ വിമാനം പറത്താന്‍ അനുവദിച്ചില്ല
  • പതിനാറുകാരിയെ പതിനേഴുകാരനായ കാമുകന്‍ കൊന്ന് കത്തിച്ചു; കൊലപാതകം ഗര്‍ഭിണി ആയെന്ന സംശയത്തെ തുടര്‍ന്ന്
  • മുസ്ലീം പള്ളിയ്ക്ക് മഹാവിഷ്ണുവിന്റെ പേരിടുമെന്ന് ബിജെപി വക്താവ് സംബിത് പത്ര ടെലിവിഷന്‍ ചര്‍ച്ചയില്‍
  • കശ്മീരില്‍ ഏറ്റുമുട്ടലില്‍ രണ്ട് തീവ്രവാദികള്‍ കൊല്ലപ്പെട്ടു
  • അയോധ്യയില്‍ ബുദ്ധന്റെ പ്രതിമയും വേണമെന്ന് ബിജെപി എംപി
  • Write A Comment

     
    Reload Image
    Add code here