14000 കോടി രൂപയുടെ ബാങ്ക് തട്ടിപ്പ് കേസിലെ പ്രതികളിലൊരാളായ മെഹുല്‍ ചോക്‌സിക്ക് 'ക്ലിയറന്‍സ്' റിപ്പോര്‍ട്ട് നല്‍കിയതിനെ ന്യായീകരിച്ച് മുംബൈ പോലീസ്

Sat,Aug 04,2018


മുംബൈ: പഞ്ചാബ് നാഷണല്‍ ബാങ്കിനെ കബളിപ്പിച്ച് 14000 കോടി രൂപ തട്ടിയെടുത്ത കേസിലെ പ്രതികളിലൊരാളായ വജ്ര വ്യാപാരി മെഹുല്‍ ചോക്‌സിക്ക് കഴിഞ്ഞ വര്‍ഷം 'ക്ലിറന്‍സ്' റിപ്പോര്‍ട്ട് നല്‍കിയത് അദ്ദേഹത്തിനെതിരേ ക്രിമിനല്‍ കേസുകളൊന്നും ഇല്ലാത്തതു കൊണ്ടാണെന്ന് മുംബൈ പോലീസ് അവകാശപ്പെട്ടു. 2015 ല്‍ മുംബൈയിലെ റീജണല്‍ പാസ്‌പോര്‍ട്ട് ഓഫീസില്‍ നിന്ന് ചോക്‌സിക്ക് പാസ്‌പോര്‍ട്ട് ലഭിച്ചപ്പോള്‍ പോലീസ് വേരിഫിക്കേഷന്‍ നടത്താതിരുന്ന സാഹചര്യത്തെപ്പറ്റി അന്വേഷണത്തിന് ഉത്തരവിട്ടിട്ടുണ്ടെന്നും പോലീസ് അറിയിച്ചു. തത്കല്‍ വിഭാഗത്തിലാണ് ചോക്‌സ് പാസ്‌പോര്‍ട്ടിന് അപേക്ഷിച്ചത്. പോലീസ് വേരിഫിക്കേഷന്‍ ആവശ്യമില്ല എന്ന ഗണത്തില്‍ ചോക്‌സിയെ റീജണല്‍ പാസ്‌പോര്‍ട്ട് ഓഫീസ് ഉള്‍പ്പെടുത്തുകയായിരുന്നു.
ചോക്‌സിയുടെ അമ്മാവനായ വജ്ര വ്യാപാരി നിരവ് മോഡി പഞ്ചാബ് നാഷണല്‍ ബാങ്കിനെ കബളിപ്പിച്ച് ആയിരക്കണക്കിനു കോടി രൂപ തട്ടിച്ചെടുത്ത കേസിലാണ് ചോക്‌സിക്കെതിരേയും അന്വേഷണം നടക്കുന്നത്. കഴിഞ്ഞ വര്‍ഷം ഫെബ്രുവരി 23 ന് പോലീസ് ക്ലിയറന്‍സ് റിപ്പോര്‍ട്ടിനു വേണ്ടി ചോക്‌സി അദ്ദേഹം താമസിച്ചിരുന്ന സ്ഥാലത്തിന്റെ പരിധിയിലുള്ള മലബാര്‍ ഹില്‍ പോലീസ് സ്റ്റേഷനില്‍ അപേക്ഷ നല്‍കിയിരുന്നു. ക്രിമിനല്‍ കുറ്റകൃത്യങ്ങളൊന്നും ചോക്‌സിക്കെതിരേ റിപ്പോര്‍ട്ടു ചെയ്യപ്പെട്ടിട്ടില്ലാത്ത സാഹചര്യത്തില്‍ ക്ലിയറന്‍സ് റിപ്പോര്‍ട്ട് നല്‍കുകയായിരുന്നുവെന്ന് പോലീസ് പറയുന്നു.
ഈ വര്‍ഷം ജനുവരി ഒന്നിന് ചോക്‌സി രാജ്യം വിട്ടു. ജനുവരി 31 നാണ് ചോക്‌സിക്കെതിരേ ബാങ്ക് തട്ടിപ്പ് കേസ് സി.ബി.ഐ രജിസ്റ്റര്‍ ചെയ്യുന്നത്. കരീബിയന്‍ രാജ്യമായ ആന്റിഗ്വയില്‍ ചോക്‌സി കഴിഞ്ഞ വര്‍ഷം പൗരത്വം നേടിയിരുന്നു. കഴിഞ്ഞ വര്‍ഷം ലഭിച്ച പോലീസ് ക്ലിയറന്‍സ് റിപ്പോര്‍ട്ടാമ് ഇതിനായി അദ്ദേഹം പ്രയോജനപ്പെടുത്തിയത്. ചോകസിയുടെ പൗരത്വത്തിനു വേണ്ടിയുള്ള അപേക്ഷയ്‌ക്കൊപ്പം ചട്ടപ്രകാരം വേണ്ട പ്രാദേശിക പോലീസ് വിഭാഗത്തില്‍ നിന്നുള്ള ക്ലിയറന്‍സ് റിപ്പോര്‍ട്ട് ഉണ്ടായിരുന്നുവെന്നും, ഇന്ത്യന്‍ അധികൃതര്‍ പൗരത്വം നല്‍കുന്നത് തടയണമെന്ന് ആവശ്യപ്പെട്ടിരുന്നില്ലെന്നും ആന്റിഗ്വയില്‍മ മാധ്യമങ്ങള്‍ റിപ്പോര്‍ട്ട് ചെയ്തു.

Other News

  • രാജസ്ഥാന്‍ ജയിലില്‍ പാക്കിസ്ഥാന്‍ തടവുകാരനെ അടിച്ചു കൊന്നു
  • തമിഴ്‌നാട്ടില്‍ കോണ്‍ഗ്രസും , ഡി.എം.കെ യും സീറ്റ് ധാരണയിലെത്തി; കോണ്‍ഗ്രസ് ഒമ്പത് സീറ്റില്‍ മത്സരിക്കും
  • അയോദ്ധ്യ കേസില്‍ സുപ്രീംകോടതി ഭരണഘടനാ ബെഞ്ച് ചൊവ്വാഴ്ച വാദം കേള്‍ക്കും
  • പുല്‍വാമ സംഭവത്തില്‍ ഇന്ത്യ തുടങ്ങിയ സൈനിക നടപടി നിറുത്തിവെച്ചില്ലെങ്കില്‍ തിരിച്ചടിക്കുമെന്ന് പാക്കിസ്ഥാന്റെ മുന്നറിയിപ്പ്
  • പുല്‍വാമ ഭീകരാക്രമണം; മസൂദ് അസറിനെ ആഗോള ഭീകരനായി പ്രഖ്യാപിക്കാനുള്ള പ്രമേയം യു.എന്‍ രക്ഷാസമിതിയില്‍ ഫ്രാന്‍സ് അവതരിപ്പിക്കും
  • ബംഗളൂരുവില്‍ വ്യോമസേനയുടെ വിമാനങ്ങള്‍ കൂട്ടിയിടിച്ച് ഒരു പൈലറ്റ് കൊല്ലപ്പെട്ടു; അപകടം പരിശീലനത്തിനിടയില്‍
  • ഇന്ത്യയിലെ നയതന്ത്ര പ്രതിനിധിയെ പാക്കിസ്ഥാന്‍ തിരികെ വിളിച്ചു; ഹൈക്കമ്മീഷണര്‍ സുഹൈല്‍ മുഹമ്മദ് ഇന്ത്യവിട്ടു
  • പുല്‍വാമ ഭീകരാക്രമണം; വീരമൃത്യു വരിച്ച സൈനികരുടെ മക്കള്‍ക്ക് വിദ്യാഭ്യാസവും ജോലിയും നല്‍കാന്‍ തയാറെന്ന് റിലയന്‍സ് ഫൗണ്ടേഷന്‍
  • കശ്മീരില്‍ ഭീകരരുമായി ഏറ്റുമുട്ടല്‍; നാലു സൈനികര്‍ക്ക് കൂടി വീരമൃത്യു; ഒരു ഗ്രാമീണനും കൊല്ലപ്പെട്ടു
  • പുല്‍വാമ ആക്രണം: കൊലയാളികള്‍ക്ക് തിരിച്ചടി നല്‍കി ഇന്ത്യന്‍ സേന; രണ്ട് ഭീകരരെ വധിച്ചു
  • പാക്കിസ്ഥാനിലെ പട്ടാള ഹോസ്പിറ്റലില്‍ നിന്ന് പുല്‍വാമ ഭീകരാക്രമണത്തിനു നിര്‍ദേശം നല്‍കിയത് മസൂദ് അസര്‍
  • Write A Comment

     
    Reload Image
    Add code here