അസമില്‍ പൗരത്വ രജിസ്റ്ററില്‍ നിന്ന് പുറത്തായ 40 ലക്ഷത്തോളം പേരില്‍ വോട്ടര്‍ പട്ടികയില്‍ പേരുള്ളവര്‍ക്ക് വോട്ട് ചെയ്യാമെന്ന് തിരഞ്ഞെടുപ്പ് കമ്മീഷന്‍

Wed,Aug 01,2018


ന്യൂഡല്‍ഹി: അസമില്‍ ദേശീയ പൗരത്വ രജിസ്റ്ററില്‍ നിന്ന് പുറത്തായ 40 ലക്ഷത്തോളം പേരില്‍ വോട്ടര്‍ പട്ടികയില്‍ പേരുള്ളവര്‍ക്ക് വോട്ടവകാശം ഉണ്ടായിരിക്കുമെന്നും ആശങ്കപ്പെടേണ്ടതില്ലെന്നും മുഖ്യ തിരഞ്ഞെടുപ്പ് കമ്മീഷണര്‍ ഒ.പി റാവത്ത്
. ബംഗ്ലദേശില്‍ നിന്നുള്ള അനധികൃത കുടിയേറ്റക്കാരെന്നാരോപിച്ച് പൗരത്വ പട്ടികയില്‍ നിന്ന് 40 ലക്ഷത്തോളം പൗരന്മാരെ പുറത്താക്കിയത് വലിയ രാഷ്ട്രീയ വിവാദത്തിന് തിരികൊളുത്തിയതിനു പിന്നാലെയാണ് തെരഞ്ഞെടുപ്പു കമ്മീഷന്റെ വിശദീകരണം.
വോട്ടര്‍ പട്ടികയില്‍ പേര് ഉള്‍പ്പെട്ടവര്‍ക്കും എല്ലാ വ്യവസ്ഥകളും പാലിക്കുന്നവര്‍ക്കും തീര്‍ച്ചയായും വോട്ടവകാശം ഉണ്ടായിരിക്കും. തെരഞ്ഞെടുപ്പു കമ്മീഷന്‍ ജനുവരിയില്‍ വോട്ടര്‍ പട്ടിക പ്രസിദ്ധീകരിക്കും. അന്തിമ പൗരത്വ പട്ടിക പ്രസിദ്ധീകരിക്കുന്നതു വരെ കാത്തിരിക്കില്ലെന്നും റാവത്ത് വ്യക്തമാക്കി. നിലവില്‍ ഒരു മാറ്റങ്ങളും ഇല്ലെന്നും ദേശീയ പൗരത്വ രജിസ്റ്ററുമായി തെരഞ്ഞെടുപ്പു കമ്മീഷന്‍ യോജിച്ച് പ്രവര്‍ത്തിക്കുമെന്നും അദ്ദേഹം പറഞ്ഞു.
പൗരത്വ പട്ടികയുടെ അന്തിമ കരട് രേഖ പ്രസിദ്ധീകരിച്ചത് ബി.ജെ.പി നേതൃത്വത്തിലുള്ള സര്‍ക്കാരിനെ ആക്രമിക്കാന്‍ പ്രതിപക്ഷത്തിന് ആയുധമായി മാറിയിരിക്കുകയാണ്.
രാഷ്ട്രീയ കാരണങ്ങളാലാണ് കേന്ദ്രവും സംസ്ഥാനവും ഭരിക്കുന്ന ബി.ജെ.പി സര്‍ക്കാരുകള്‍ അടുത്തുവരുന്ന തെരഞ്ഞെടുപ്പ് മുന്നില്‍ കണ്ട് ഇവരെ ഉന്നമിട്ടിരിക്കുന്നതെന്നും ആരോപണമുയര്‍ന്നിട്ടുണ്ട്.

Other News

  • ശ്രീലങ്കയിലെ സ്‌ഫോടനത്തില്‍ കര്‍ണാടകത്തില്‍ നിന്നുള്ള ആറ് ജനതാദള്‍ - എസ് നേതാക്കള്‍ കൊല്ലപ്പെട്ടു
  • ശ്രീലങ്കയില്‍ നടുക്കം വിതച്ച തൗഹീദ് ജമാ അത് ഭീകര സംഘടനയ്ക്ക് തമിഴ്‌നാട്ടിലും സാന്നിധ്യം
  • ബ്രിട്ടീഷ് പൗരത്വ വിവാദത്തില്‍ കഴമ്പില്ല; അമേഠിയില്‍ രാഹുല്‍ ഗാന്ധിയുടെ നാമനിര്‍ദ്ദേശ പത്രിക സ്വീകരിച്ചു
  • വിദ്യാഭ്യാസ യോഗ്യതാ വിവരങ്ങൾ തെറ്റായി നൽകി; സ്മൃതി ഇറാനിക്കെതിരെ കേസ്
  • ബാബറി മസ്ജിദ് തകർക്കപ്പെട്ടതിൽ അഭിമാനിക്കുന്നുവെന്ന് സാധ്വി പ്രജ്ഞ സിംഗ് ഠാക്കൂർ
  • ഇന്ത്യൻ വിദേശ കാര്യ സെക്രട്ടറി വിജയ് ഗോഗലെ ചൈന സന്ദർശിക്കുന്നു; മസൂദ് അസറിനെ ആഗോള ഭീകര പട്ടികയിൽ ഉൾപ്പെടുത്താൻ സമ്മർദ്ദം ചെലുത്തും
  • ചീഫ് ജസ്റ്റിസിനെതിരെ ലൈംഗിക ആരോപണം; സുപ്രീംകോടതിയിൽ അടിയന്തിര സിറ്റിങ്
  • 100 പൈലറ്റുമാര്‍ ഉള്‍പ്പെടെ 500 ജറ്റ് എയര്‍വേസ് ജീവനക്കാര്‍ക്ക് ജോലി നല്‍കി സ്‌പൈസ് ജറ്റ്
  • ലിബിയന്‍ തലസ്ഥാനമായ ട്രിപ്പോളിയില്‍ ആഭ്യന്തര പോരാട്ടം രൂക്ഷം; ഇന്ത്യക്കാരോട് എത്രയും വേഗം നഗരം വിടാന്‍ സുഷമ സ്വരാജ് ആവശ്യപ്പെട്ടു
  • കാല്‍ നൂറ്റാണ്ടിനു ശേഷം മുലായവും മായാവതിയും ഒരേ വേദിയില്‍; പരസ്പരം പ്രശംസിക്കാന്‍ ഇരുവരും മടിച്ചില്ല
  • കര്‍ക്കറെയ്‌ക്കെതിരായ സാധ്വി പ്രഗ്യ സിംഗിന്റെ പരാമര്‍ശം ബി.ജെ.പി യെ വെട്ടിലാക്കി; പ്രസ്താവന പിന്‍വലിച്ച് മാപ്പു പറയുന്നുവെന്ന് സാധ്വി
  • Write A Comment

     
    Reload Image
    Add code here