ആസാം പൗരത്വ പ്രശ്‌നം : പാര്‍ലമെന്റിന്റെ ഇരുസഭകളും പ്രക്ഷുബ്ധമായി; പുറത്താക്കപ്പെട്ടവരുടെ ദേശീയത തെളിയിക്കാനുള്ള ഉത്തരവാദിത്തം സര്‍ക്കാരിനെന്ന് കോണ്‍ഗ്രസ്

Tue,Jul 31,2018


ന്യൂഡല്‍ഹി: ആസാം പൗരത്വ രജിസ്ട്രേഷനുമായി ബന്ധപ്പെട്ട് 40 ലക്ഷത്തോളം പേര്‍ പുറത്താക്കപ്പെട്ട അന്തിമ കരടു പട്ടികയെച്ചൊല്ലി പാര്‍ലമെന്റിന്റെ ഇരുസഭകളും ചൊവ്വാഴ്ചയും പ്രക്ഷുബ്ധമായി.
പ്രതിപക്ഷ ബഹളത്തെ തുടര്‍ന്നു രാജ്യസഭ ഇന്നത്തേക്ക് പിരിഞ്ഞു.
രാജ്യസഭയില്‍ കോണ്‍ഗ്രസ് നേതാവ് ഗുലാം നബി ആസാദാണ് വിഷയം ഉന്നയിച്ചത്. സര്‍ക്കാരിനാണ് ഇവരുടെ ദേശീയത തെളിയിക്കാനുള്ള ഉത്തരവാദിത്വമെന്നും പട്ടികയില്‍ ഇല്ലാത്തവര്‍ക്ക് സര്‍ക്കാര്‍ സുരക്ഷ ഉറപ്പുവരുത്തണമെന്നും ഗുലാം നഖി ആസാദ് പറഞ്ഞു. ഈ വിഷയം രാഷ്ട്രീയവത്കരിക്കരുതെന്നും അദ്ദേഹം രാജ്യസഭയില്‍ പറഞ്ഞു. 40 ലക്ഷം പേരാണ് ഒറ്റ രാത്രികൊണ്ട് പുറത്തായതെന്ന് എഐഎഡിഎംകെ എംപി വിജില സത്യനാഥ് പറഞ്ഞു. ഇതില്‍ കൂടുതല്‍ പേരും ഇന്ത്യക്കാരാണെന്നും വിജില കൂട്ടിച്ചേര്‍ത്തു. ഉചിതമായ രേഖകളില്ലാത്തവര്‍ക്ക് എന്ത് സംഭവിക്കുമെന്ന് ജോസ് കെ. മാണി എംപിയും രാജ്യസഭയില്‍ ചോദിച്ചിരുന്നു.
ആസാം പൗരത്വ രജിസ്ട്രേഷന്‍ സംബന്ധിച്ച നിര്‍ദേശം രാജീവ് ഗാന്ധിയുടെ കാലത്ത് കൊണ്ടുവന്നതാണെന്ന് ബിജെപി ദേശീയ അധ്യക്ഷന്‍ അമിത് ഷാ രാജ്യസഭയില്‍ പറഞ്ഞു. എന്നാല്‍ ഇത് നടപ്പാക്കാനുള്ള ധൈര്യം അവര്‍ക്കില്ലായിരുന്നുവെന്നും അമിത് ഷാ കുറ്റപ്പെടുത്തി. ഇതോടെ പ്രതിക്ഷ പാര്‍ട്ടികള്‍ സഭയില്‍ ബഹളമുണ്ടാക്കി. തുടര്‍ന്നു സഭ ഇന്നത്തേക്ക് പിരിയുന്നതായി രാജ്യസഭ അധ്യക്ഷന്‍ പറഞ്ഞു.
ലോക്സഭയിലും പ്രതിപക്ഷം ഇതേ വിഷയം ഉന്നയിച്ചു ബഹളമുണ്ടാക്കി. തൃണമൂല്‍ കോണ്‍ഗ്രസും സമാജ്വാദി പാര്‍ട്ടി എംപിമാരുമാണ് വിഷയം സഭയില്‍ ഉന്നയിച്ചത്. റോഹിംഗ്യന്‍ വിഷയവും ഇന്ന് സഭയില്‍ ഉന്നയിച്ചിരുന്നു. ബംഗ്ലാദേശില്‍നിന്നും ഇന്ത്യയിലെത്തിയ റോഹിംഗ്യന്‍ മുസ്ലിങ്ങളോട് മൃതുസമീപനം സ്വീകരിക്കില്ലെന്ന് കേന്ദ്രമന്ത്രി കിരണ്‍ റിജിജു സഭയില്‍ പറഞ്ഞു.
അഭയാര്‍ഥികളുമായി ഒരു ഉടന്പടിയിലും ഇന്ത്യ ഇതുവരെ ഒപ്പുവച്ചിട്ടില്ല. അവരെ ഒരു തരത്തിലും നിയന്ത്രിച്ചുനിര്‍ത്തിയിട്ടില്ല.
അവര്‍ക്ക് നമ്മള്‍ നിലവില്‍ സംവിധാനങ്ങള്‍ ഒരുക്കിയിട്ടുണ്ട്. അതുപോലെ അവര്‍ക്ക് തിരിച്ചുപോകാനുള്ള എല്ലാ സഹായവും ഇന്ത്യ ചെയ്യുമെന്നും റിജുജു പറഞ്ഞു.

Other News

  • സി.ബി.ഐ ക്കു 'പ്രവേശനം' നിഷേധിച്ച് ആന്ധ്രയും , ബാംഗാളും; റെയ്ഡ് നടത്താന്‍ ഇനി സംസ്ഥാന സര്‍ക്കാരിന്റെ അനുമതി വേണം
  • തമിഴ്നാട്ടില്‍ നാശം വിതച്ച് 'ഗജ' ചുഴലിക്കാറ്റ്; 20 മരണം, 82000 പേരെ ഒഴിപ്പിച്ചു; ആറു ജില്ലകളില്‍ 471 ദുരിതാശ്വാസ ക്യാമ്പുകള്‍
  • റഫേല്‍ അഴിമതി; ക്രമക്കേടിനെ കുറിച്ച് കൂടുതല്‍ അന്വേഷണം വേണമെന്ന് പ്രതിപക്ഷം; 59000 കോടി രൂപയുടെ ഇടപാടില്‍ ആവശ്യമായ നടപടി ക്രമങ്ങള്‍ പാലിച്ചിട്ടില്ല
  • റഫേല്‍ ഇടപാട്: വ്യോമസേന ഉദ്യോഗസ്ഥര്‍ ഉടന്‍ഹാജരാകണമെന്ന് സുപ്രീംകോടതി
  • മുംബൈയിലെ ഫ്‌ലാറ്റില്‍ തീപ്പിടിത്തം; രണ്ടുപേര്‍ മരിച്ചു
  • ദേശസ്‌നേഹം വളര്‍ത്താന്‍ റെയില്‍വെയും: രാജ്യത്തെ 75 റെയില്‍വെ സ്‌റ്റേഷനുകളില്‍ നൂറ് അടി പൊക്കത്തില്‍ ദേശീയ പതാകകള്‍ സ്ഥാപിക്കും
  • കൂടുതല്‍ മദ്യം നല്‍കിയില്ല; വിദേശ യാത്രക്കാരി എയര്‍ ഇന്ത്യ വിമാനത്തില്‍ അസഭ്യ വര്‍ഷം നടത്തി, ഫ്‌ളൈറ്റ് അറ്റന്‍ഡിനെ മര്‍ദിച്ചു
  • റഫേല്‍ യുദ്ധവിമാന ഇടപാടിന്റെ വിലവിവരങ്ങള്‍ കേന്ദ്രം സുപ്രീം കോടതിയില്‍ നല്‍കി
  • മദ്യപരിശോധനയില്‍ പരാജയപ്പെട്ടു; എയര്‍ ഇന്ത്യ ഓപ്പറേഷന്‍സ് ഡയറക്ടറെ വിമാനം പറത്താന്‍ അനുവദിച്ചില്ല
  • പതിനാറുകാരിയെ പതിനേഴുകാരനായ കാമുകന്‍ കൊന്ന് കത്തിച്ചു; കൊലപാതകം ഗര്‍ഭിണി ആയെന്ന സംശയത്തെ തുടര്‍ന്ന്
  • മുസ്ലീം പള്ളിയ്ക്ക് മഹാവിഷ്ണുവിന്റെ പേരിടുമെന്ന് ബിജെപി വക്താവ് സംബിത് പത്ര ടെലിവിഷന്‍ ചര്‍ച്ചയില്‍
  • Write A Comment

     
    Reload Image
    Add code here