ജനക്കൂട്ടത്തിന്റെ കൊലപാതകം; കുറ്റവാളികള്‍ക്ക് വധശിക്ഷ നല്‍കുന്ന ബില്‍ കേന്ദ്രത്തിന്റെ പരിഗണനയില്‍

Mon,Jul 30,2018


ന്യൂഡല്‍ഹി: ജനക്കൂട്ടം ആളുകളെ തല്ലിക്കൊല്ലുന്ന സംഭവങ്ങള്‍ ആവര്‍ത്തിക്കുന്ന സാഹചര്യത്തില്‍ ഇത്തരത്തില്‍ പ്രവര്‍ത്തിക്കുന്നവര്‍ക്ക് വധശിക്ഷ നല്‍കുന്ന ബില്‍ കേന്ദ്ര സര്‍ക്കാര്‍ പരിഗണിക്കുന്നു. ആഭ്യന്തര സഹമന്ത്രി ഹന്‍സരാജ് അഹിര്‍ അറിയിച്ചതാണിത്. 12 വയസില്‍ താഴെയുള്ള പെണ്‍കുട്ടികളെ മാനഭംഗപ്പെടുത്തുന്നവര്‍ക്ക് വധശിക്ഷ വ്യവസ്ഥ ചെയ്യുന്ന ബില്ലിന്റെ അതേ മാതൃകയിലാവും പുതിയ ബില്‍ തയാറാക്കുകയെന്ന് അദ്ദേഹം പറഞ്ഞു.
ജനക്കൂട്ടം ആളുകളെ തല്ലിക്കൊല്ലുന്ന രീതി പ്രാകൃത സ്വഭാവമുള്ള കുറ്റകൃത്യമാണ്. സംസ്‌കാരമുള്ള ഒരു സമൂഹത്തിനും ഈ നടപടി അംഗീകരിക്കാനാവില്ലെന്ന് തന്നെ സന്ദര്‍ശിച്ച നതാജോഗി സമുദായത്തിലെ പ്രതിനിധി സംഘത്തെ മന്ത്രി അറിയിച്ചു. പശു കള്ളക്കടത്ത് ആരോപിച്ചും, കുട്ടികളെ തട്ടിക്കൊണ്ടു പോകാന്‍ ശ്രമിച്ചുവെന്ന് കുറ്റപ്പെടുത്തിയും രാജ്യത്തിന്റെ പല ഭാഗത്തും ജനക്കൂട്ടം നിയമം കൈയലെടുക്കുന്ന രീതി വര്‍ധിച്ചു വരുന്ന സാഹചര്യത്തിലാണ് മന്ത്രി ഇക്കാര്യമറിയിച്ചത്.
നാടോടി ഗോത്രവര്‍ഗ സമൂഹത്തില്‍ പെട്ട നതാജോഗി കമ്യൂണിറ്റിയിലെ അഞ്ചു പേരെ കുട്ടികളെ തട്ടിക്കൊണ്ടു പോകാന്‍ എത്തിയവരെന്ന് ആരോപിച്ച് മൂന്നാഴ്ച മുമ്പ് മഹാരാഷ്ട്രയില്‍ തല്ലിക്കൊന്നിരുന്നു. കേന്ദ്രവും മഹാരാഷ്ട്ര സര്‍ക്കാരും ഈ സംഭവം അതീവ ഗൗരവത്തോടെയാണ് കാണുന്നതെന്ന് കേന്ദ്രമന്ത്രി പറഞ്ഞു. വിദ്യാഭ്യാസം അവകാശമായി അംഗീകരിച്ചിട്ടുണ്ടെങ്കിലും കമ്യൂണിറ്റിയിലെ കുട്ടികള്‍ക്ക് ഇത് നിഷേധിക്കപ്പെടുകയാണെന്ന് പ്രതിനിധി സംഘം പറഞ്ഞു. താമസിക്കാന്‍ വീട്, കൃഷി ചെയ്യാന്‍ സ്ഥലം, ആരോഗ്യ സംരക്ഷണം, യുവജനങ്ങള്‍ക്ക് തൊഴില്‍ തുടങ്ങിയ വിഷയങ്ങളും പ്രതിനിധി സംഘം മന്ത്രിയുടെ ശ്രദ്ധയില്‍ പെടുത്തി.

Other News

  • കര്‍ണാടക കോണ്‍ഗ്രസ് എംഎല്‍എമാര്‍ തമ്മില്‍ സംഘര്‍ഷം: പരിക്കേറ്റ എം.എല്‍.എ അനന്ത് സിംഗ് ആശുപത്രിയില്‍
  • മമതയുടെ റാലിയില്‍ കൈകോര്‍ത്ത് പ്രതിപക്ഷ കക്ഷികള്‍; മോഡിയെ പുറത്താക്കുമെന്ന് പ്രഖ്യാപനം
  • ഇന്ത്യന്‍ അ​തി​ർ​ത്തി​യി​ൽ ചൈ​ന ഭൂ​ഗ​ർ​ഭ അ​റ​ക​ൾ ഒ​രു​ക്കു​ന്നു​​; ഉപഗ്രഹ ദൃ​ശ്യ​ങ്ങ​ൾ പു​റ​ത്ത്​
  • നാനോ സാറ്റലൈറ്റുകള്‍ നിര്‍മിക്കാന്‍ ഇന്ത്യ 45 രാജ്യങ്ങള്‍ക്ക് പരിശീലനം നല്‍കും: ഐഎസ്ആര്‍ഒ ചെയര്‍മാന്‍ കെ. ശിവന്‍
  • കര്‍ണാടകയില്‍ സര്‍ക്കാരിന് ഭീഷണിയില്ല; രാഷ്ട്രീയ പ്രതിസന്ധിക്ക് രണ്ട്ദിവസത്തിനുള്ളില്‍ പരിഹാരം: കെ.സി വേണുഗോപാല്‍
  • കര്‍ണാടകയില്‍ ഭരണം അട്ടിമറിക്കാന്‍ ബിജെപി നീക്കം: കോണ്‍ഗ്രസ്-ജെഡിഎസ് സര്‍ക്കാരിനുള്ള പിന്തുണ രണ്ട് സ്വതന്ത്ര എംഎല്‍എമാര്‍ പിന്‍വലിച്ചു
  • തെലങ്കാനയിലും ആന്ധ്രാപ്രദേശിലും വിമാനത്താവളങ്ങള്‍ പെരുകുന്നു; വികസന കുതിപ്പില്‍ പുതിയ മുന്നേറ്റം
  • ഉത്തര്‍ പ്രദേശില്‍ 80 ലോക് സഭാ മണ്ഡലങ്ങളിലും സഖ്യമില്ലാതെ ഒറ്റയ്ക്ക് മത്സരിക്കുമെന്ന് കോണ്‍ഗ്രസ്
  • ബലാത്സംഗത്തിനിരയാക്കിയ പെണ്‍കുട്ടിയെ ജാമ്യത്തിലിറങ്ങിയ പ്രതികള്‍ വിഷം കുടിപ്പിച്ചു
  • 12 കാരിയെ പീഡിപ്പിച്ച ഇന്ത്യക്കാരന് സിംഗപ്പുരിൽ 13 വര്‍ഷം ജയില്‍ശിക്ഷ; പോലീസിലറിയിച്ചത് കാമുകി
  • ലോകത്തിലെ ഏറ്റവും നീളമുള്ള ദോശ നിര്‍മിച്ചെന്ന് അവകാശപ്പെട്ട് ചെന്നൈ റെസ്റ്റോറന്റ്
  • Write A Comment

     
    Reload Image
    Add code here