ട്രായ് ചെയര്‍മാന്റെ സുരക്ഷാ വെല്ലുവിളി ഹാക്കര്‍ മാര്‍ ഏറ്റെടുത്തു; ട്വീറ്റ് ചെയ്ത ആധാര്‍ വിവരങ്ങള്‍ ചോര്‍ത്തി

Sun,Jul 29,2018


ന്യൂഡല്‍ഹി: ഹാക്കര്‍മാരെ വെല്ലുവിളിച്ച് ട്വിറ്ററില്‍ ട്രായ് ചെയര്‍മാന്‍ നല്‍കിയ ആധാര്‍ നമ്പര്‍ ഹാക്കര്‍മാര്‍ ചോര്‍ത്തി.
ആധാറിന്റെ സുരക്ഷിതത്വം തെളിയിക്കാന്‍ ശ്രമിച്ചാണ് ട്രായ് ചെയര്‍മാന്‍ ആര്‍.എസ് ശര്‍മ്മ പുലിവാലു പിടിച്ചത്. ശര്‍മ്മയുടെ സ്വകാര്യ വിവരങ്ങള്‍ പുറത്തുവിട്ടാണ് ഹാക്കര്‍മാര്‍ 'സുരക്ഷാ വാദം' പൊളിച്ചടുക്കിയത്.
ആധാര്‍ സുരക്ഷിതമാണെന്നും ആധാര്‍ വിവരങ്ങള്‍ വച്ച് ആര്‍ക്കും ആരേയും ഉപദ്രവിക്കാന്‍ കഴിയില്ലെന്ന് ദ പ്രിന്റിന് നല്‍കിയ അഭിമുഖത്തില്‍ ശര്‍മ അവകാശപ്പെട്ടിരുന്നു.
ഇതിന് പിന്നാലെ ശര്‍മ്മയോട് തന്റെ ആധാര്‍ നമ്പര്‍ അയച്ച് തരാന്‍ ഒരാള്‍ വെല്ലുവിളിച്ചു. വെല്ലുവിളി ഏറ്റെടുത്ത ശര്‍മ്മ ആധാര്‍ നമ്പര്‍ ട്വീറ്റ് ചെയ്തു. ഇതു കൊണ്ട് തന്നെ ഏതെങ്കിലും ചെയ്യാന്‍ കഴിയുമോയെന്ന് വെല്ലുവിളിക്കുകയും ചെയ്തു. ഇങ്ങനെ ചെയ്യുന്നവര്‍ക്കെതിരെ നിയമനടപടി എടുക്കില്ലെന്ന ഉറപ്പും അദ്ദേഹം നല്‍കി.
ഇതിനു പിന്നാലെയാണ് ശര്‍മ്മയുടെ സ്വകാര്യ മൊബൈല്‍ നമ്പറും വാട്‌സപ്പ് പ്രൊഫൈല്‍ ഫോട്ടോയും ബാങ്ക് വിവരങ്ങളും ഉള്‍പ്പെടെയുള്ളവ ഹാക്കര്‍മാര്‍ പരസ്യപ്പെടുത്തിയത്. എന്നാല്‍ ഈ വിവരങ്ങള്‍ ലഭിക്കാന്‍ ആധാറിന്റെ ആവശ്യമില്ലെന്നു ശര്‍മ്മ പ്രതികരിച്ചു. തൊട്ടു പിന്നാലെ മറുപടിയായി ഹാക്കര്‍മാര്‍ ശര്‍മ്മയുടെ പാന്‍കാര്‍ഡ് നമ്പറും പുറത്ത് വിട്ടു.
ആധാര്‍ നമ്പര്‍ ലിങ്ക് ചെയ്തിരിക്കുന്നത് ആര്‍.എസ് ശര്‍മ്മയുടെ സെക്രട്ടറിയുടെ മൊബൈലുമായാണെന്നും ഹാക്കര്‍മാര്‍ കണ്ടെത്തി.
ശര്‍മയുടെ മെയില്‍ ഐഡിയുടെ സുരക്ഷാ ചോദ്യവും ഹാക്കര്‍മാര്‍ കണ്ടെത്തി. സെക്രട്ടറിയുടെ കൈവശമുള്ള ഫോണ്‍ നമ്പര്‍ ഉപയോഗിച്ച് അത് ഐഫോണ്‍ ആണെന്നും അതിന്റെ കണക്ഷന്‍ എയര്‍ ടെല്‍ ആണെന്നും കണ്ടെത്തി.
ഇതോടൊപ്പം ബാങ്ക് അക്കൗണ്ട് വിവരങ്ങളും, ഇന്‍കംടാക്‌സ് വിവരങ്ങളും, പാന്‍ നമ്പറും, വോട്ടര്‍ ഐഡിയും തുടങ്ങി സകലതും ഹാക്കര്‍മാര്‍ പുറത്തുവിട്ടു. എന്നാല്‍ ഇതൊന്നും ആധാര്‍ വഴി ലഭിച്ച വിവരമല്ല എന്ന ഉറച്ച നിലപാടിലാണ് ശര്‍മ്മ.

Other News

  • പത്തു വര്‍ഷത്തിനിടെ ദാരിദ്ര്യത്തില്‍ നിന്ന് കരകയറിയത് 27.1 കോടി പേര്‍
  • ന്യൂയോര്‍ക്കില്‍ പാക്കിസ്ഥാന്‍ വിദേശകാര്യ മന്ത്രിയുമായി കൂടിക്കാഴ്ച നടത്താനുള്ള തീരുമാനം ഇന്ത്യ റദ്ദാക്കി; ഇമ്രാന്‍ ഖാന്റെ തനിനിറം വെളിപ്പെട്ടുവെന്നും കുറ്റപ്പെടുത്തല്‍
  • കശ്മീരില്‍ മൂന്നു പോലീസുകാരെ ഭീകരര്‍ തട്ടിക്കൊണ്ടുപോയി കൊലപ്പെടുത്തി
  • കോണ്‍ഗ്രസിന് തിരിച്ചടി: ഛത്തീസ്ഗഡില്‍ മായാവതി അജിത് ജോഗിക്കൊപ്പം
  • ന്യൂഡല്‍ഹിയില്‍ നിന്ന് വാഷിംഗ്ടണിലേക്കു പറക്കാന്‍ വെറും 13,499 രൂപ; ബമ്പര്‍ ഓഫറുമായി ഐസ് ലാന്‍ഡിന്റെ 'വൗ' എയര്‍
  • ഇന്ത്യ - പാക്കിസ്ഥാന്‍ വിദേശകാര്യ മന്ത്രിമാര്‍ ന്യൂയോര്‍ക്കില്‍ ചര്‍ച്ചയ്ക്ക്
  • ഇന്ധന വില വര്‍ധന വളരെ കൂടുതല്‍; ജനങ്ങള്‍ ബുദ്ധിമുട്ടുന്നു; തുറന്ന് സമ്മതിച്ച് കേന്ദ്രമന്ത്രി നിതിന്‍ ഗഡ്കരി
  • പെട്രോള്‍ ഡീസല്‍ വിലക്കയറ്റത്തെക്കുറിച്ച് ബിജെപി നേതാവിനോട് സംശയമുന്നയിച്ച ഓട്ടോ ഡ്രൈവര്‍ക്ക് ക്രൂര മര്‍ദനം
  • പെട്രോളും, ഡീസിലും 35 - 40 രൂപയ്ക്ക് വില്‍ക്കാമെന്ന് ബാബാ രാംദേവ്; ബി.ജെ.പി ക്കു വേണ്ടി പ്രചാരണം നടത്തില്ലെന്നും പ്രഖ്യാപനം
  • പൊതുവേദിയില്‍ പ്രവര്‍ത്തകന്‍ ബിജെപി എംപിയുടെ കാല്‍ കഴുകി വെള്ളം കുടിച്ചു
  • ഡല്‍ഹി ജവഹര്‍ലാല്‍ നെഹ്രു സര്‍വ കലാശാല വിദ്യാര്‍ത്ഥിയൂണിയന്‍ തെരഞ്ഞെടുപ്പില്‍ ഇടത് വിദ്യാര്‍ത്ഥി യൂണിയനുകള്‍ തൂത്തുവാരി
  • Write A Comment

     
    Reload Image
    Add code here