റാഫെല്‍ ഇടപാട് കേന്ദ്ര സര്‍ക്കാരിന്റെ മുഖം രക്ഷിക്കാന്‍ അനില്‍ അംബാനി രാഹുലിന് കത്തെഴുതി

Thu,Jul 26,2018


ന്യൂഡല്‍ഹി: റാഫെല്‍ ഹെലികോപ്ടര്‍ ഇടപാടുമായി ബന്ധപ്പെട്ട് കേന്ദ്ര സര്‍ക്കാരിനെതിരെ നടക്കുന്ന പ്രചാരണങ്ങള്‍ തിരുത്തി അനില്‍ അംബാനി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിക്ക് കത്തെഴുതി.
മുന്‍പ് രാഹുല്‍ ഗാന്ധി ഉന്നയിച്ച ആരോപണങ്ങള്‍ക്ക് മറുപടിയായി റിലയന്‍സ് ഗ്രൂപ്പ് മേധാവി അനില്‍ അംബാനി അയച്ച കത്തിന്റെ വിശദാംശങ്ങളാണ് പുറത്ത് വന്നിരിക്കുന്നത്. റാഫെല്‍ ജെറ്റ് കരാര്‍ ലഭിക്കുന്നതിന് റിലയന്‍സിന് കേന്ദ്ര സര്‍ക്കാരിന്റെ സഹായം ലഭിച്ചുവെന്ന ആരോപണം തള്ളിക്കളയുന്നതാണ് കത്ത്.
മാത്രമല്ല, ഇത്തരമൊരു കരാറുമായി സഹകരിക്കാനുള്ള അനുഭവ സമ്പത്ത് റിലയന്‍സ് ഗ്രൂപ്പിനില്ലെന്ന വിമര്‍ശനവും അംബാനി കത്തില്‍ തള്ളിക്കളയുന്നുണ്ട്. 2017 ഡിസംബര്‍ 12ന് എഴുതിയ രണ്ടു പേജ് കത്തിന്റെ വിശദാംശങ്ങളാണ് പുറത്തുവന്നിരിക്കുന്നത്. കോടിക്കണക്കിന് രൂപയുടെ പദ്ധതിയുമായി ബന്ധപ്പെട്ട് കേന്ദ്രസര്‍ക്കാരിനെ വിമര്‍ശിച്ച് രാഹുല്‍ രംഗത്തെത്തിയിരുന്നു. ഈ പശ്ചാത്തലത്തിലാണ് അംബാനി രാഹുലിന് കത്തെഴുതിയതെന്ന് കരുതുന്നു.
ഗാന്ധി കുടുംബവുമായി ഞങ്ങള്‍ക്ക് നല്ല ബന്ധമാണുള്ളത്. തലമുറകളായി അതു തുടരുന്നു. എന്നാല്‍, കോണ്‍ഗ്രസിന്റെ അധികാര സ്ഥാനങ്ങളിലുള്ളവര്‍ ദൗര്‍ഭാഗ്യകരമായ പ്രസ്താവനകള്‍ നടത്തിയത് ഏറെ വേദനിപ്പിച്ചു. അനുഭവ സമ്പത്തുണ്ടെന്നു മാത്രമല്ല, പ്രതിരോധ മേഖലയുമായി ബന്ധപ്പെട്ട് ഒട്ടേറെ നിര്‍മാണ പ്രവര്‍ത്തനങ്ങള്‍ നടത്തുന്ന ഗ്രൂപ്പാണ് ഞങ്ങളുടേത്. ഇന്ത്യയിലെ ഏറ്റവും വലിയ സ്വകാര്യ തുറമുഖം ഉള്ളത് റിലയന്‍സ് ഡിഫന്‍സ് വിഭാഗത്തിനാണെന്നും കത്തില്‍ അംബാനി ഓര്‍മിപ്പിച്ചു.
ഇന്ത്യന്‍ നാവികസേനയ്ക്കു വേണ്ടി അഞ്ച് നേവല്‍ ഓഫ്‌ഷോര്‍ പട്രോള്‍ വെസല്‍സും (എന്‍ഒപിവി) തീരദേശ സേനയ്ക്കുവേണ്ടി 14 ഫാസ്റ്റ് പട്രോള്‍ വെസല്‍സും തങ്ങള്‍ നിര്‍മിക്കുന്ന കാര്യവും അദ്ദേഹം ചൂണ്ടിക്കാട്ടിയിട്ടുണ്ട്.
റാഫെല്‍ ഇടപാടില്‍ ഫ്രാന്‍സില്‍ നിര്‍മിച്ച 36 വിമാനങ്ങള്‍ ഇന്ത്യന്‍ വ്യോമസേനയ്ക്ക് കൈമാറുകയാണ് ചെയ്യുന്നത്. ഇതില്‍ ഒരു ഇന്ത്യന്‍ കമ്പനിക്ക് യാതൊന്നും ചെയ്യാനില്ല അദ്ദേഹം കത്തില്‍ വ്യക്തമാക്കി. രാഹുലിനു പുറമെ രണ്‍ദീപ് സിങ് സുര്‍ജേവാല ഉള്‍പ്പെടെ കോണ്‍ഗ്രസിന്റെ മുതിര്‍ന്ന നേതാക്കള്‍ക്കെല്ലാം ഇതേ കത്തിന്റെ പകര്‍പ്പ് അയച്ചിട്ടുണ്ട്.
ഒരു വ്യവസായിക്കുവേണ്ടി സര്‍ക്കാര്‍ റാഫെല്‍ കരാറില്‍ മാറ്റം വരുത്തിയെന്ന് രാഹുല്‍ ഗാന്ധി കഴിഞ്ഞ ദിവസവും ലോക്‌സഭയില്‍ ആരോപണം ഉന്നയിച്ചിരുന്നു. ഒരു വിമാനം പോലും നിര്‍മിച്ചു പരിചയമില്ലാത്ത വ്യവസായിയെ റാഫെല്‍ ഇടപാടില്‍ മോദി പങ്കാളിയാക്കി. 35,000 കോടി രൂപ കടത്തിലായിരുന്ന വ്യവസായി ഇതുവഴി 45,000 കോടി രൂപ ലാഭമുണ്ടാക്കി എന്നായിരുന്നു രാഹുലിന്റെ ആരോപണം. എന്നാല്‍ യുപിഎ സര്‍ക്കാരാണ് കരാര്‍ ഒപ്പിട്ടതെന്ന് കേന്ദ്രമന്ത്രി നിര്‍മലാ സീതാരാമന്‍ രാഹുലിന് മറുപടിയും നല്‍കി.

Other News

  • പാക്കിസ്ഥാനിലെ പട്ടാള ഹോസ്പിറ്റലില്‍ നിന്ന് പുല്‍വാമ ഭീകരാക്രമണത്തിനു നിര്‍ദേശം നല്‍കിയത് മസൂദ് അസര്‍
  • പുല്‍വാമ ഭീകരാക്രമണം; പാക്കിസ്ഥാനില്‍ നിന്ന് ഇറക്കുമതി ചെയ്യുന്ന എല്ലാ സാധനങ്ങളുടെ കസ്റ്റംസ് ഡ്യൂട്ടി 200 ശതമാനമാക്കി
  • ലോക്സഭാ തെരഞ്ഞെടുപ്പില്‍ മത്സരിക്കില്ല; ലക്ഷ്യം തമിഴ്നാട് നിയമസഭാ തെരഞ്ഞെടുപ്പ്: രജനീകാന്ത്
  • കശ്മീരിലെ അഞ്ച് വിഘടന വാദി നേതാക്കള്‍ക്ക് നല്‍കിയിരുന്ന സുരക്ഷ കേന്ദ്ര സര്‍ക്കാര്‍ പിന്‍വലിച്ചു; രാജ്യമെമ്പാടും കശ്മീരികള്‍ക്കുനേരെ ആക്രമണം
  • പുല്‍വാമയില്‍ രക്തസാക്ഷികളായ ജവാന്മാരുടെ കുടുംബസഹായ നിധിയിലേക്ക് ഒരു ദിവസം കൊണ്ട് എത്തിയത് ഏഴുകോടി രൂപ
  • പുല്‍വാമ ഭീകരാക്രമണം: ലണ്ടനിലെ പാക് ഹൈക്കമ്മീഷനുമുന്നില്‍ ഇന്ത്യന്‍ വംശജരുടെ വന്‍ പ്രതിഷേധം
  • രാജ്യത്തിന്​ ഭീഷണിയായ തീവ്രവാദത്തിനെതിരെ ഒറ്റകെട്ടായി പോരാടുമെന്ന്​ സർവകക്ഷിയോഗം
  • പുല്‍വാമ സംഭവത്തില്‍ പാക്കിസ്ഥാന് അനുകൂലമായി സിദ്ദു; ട്വിറ്ററിൽ ട്രെൻഡിങ്ങായി ബോയ്​കോട്ട്​ കപിൽ ശർമ ഷോ
  • പുൽവാമ: സൈനികരുടെ ജീവത്യാഗം വെറുതെയാകില്ലെന്ന്​ ​പ്രധാനമന്ത്രി നരേന്ദ്രമോഡി
  • പുല്‍വാമ ഭീകരാക്രമണം; ഇന്ത്യയ്ക്ക് ഐക്യദാര്‍ഢ്യം പ്രകടിപ്പിച്ച് അന്താരാഷ്ട്ര സമൂഹം, ജയ്‌ഷെ ഇ മുഹമ്മദ് ഉള്‍പ്പെടെയുള്ള ഭീകര സംഘടനകള്‍ക്കെതിരേ ശക്തമായ നടപടി സ്വീകരിക്കണമെന്ന് പാക്കിസ്ഥാനോട് അമേരിക്ക
  • പാക്കിസ്ഥാനെ പൂര്‍ണമായും ഒറ്റപ്പെടുത്താനുറച്ച് ഇന്ത്യ; കശ്മീരില്‍ നിരോധനാജ്ഞ പുറപ്പെടുവിച്ചു; പാകിസ്ഥാന്‍ നയതന്ത്രജ്ഞനെ ഇന്ത്യ വിളിച്ചു വരുത്തി ശാസിച്ചു
  • Write A Comment

     
    Reload Image
    Add code here