ഗൗരി ലങ്കേഷ് വധം: മൂന്നുപേര്‍ കൂടി പോലീസ് പിടിയിലായി ; ഒരു പ്രതിയെക്കുറിച്ച് സൂചന

Tue,Jul 24,2018


ബംഗളൂരു-കര്‍ണാടകയിലെ മുതിര്‍ന്ന മാധ്യമ പ്രവര്‍ത്തക ഗൗരി ലങ്കേഷിനെ വെടിവച്ചു കൊലപ്പെടുത്തിയ കേസില്‍ മൂന്ന് പ്രതികളെ കൂടി പ്രത്യേക അന്വേഷണ സംഘം അറസ്റ്റ് ചെയ്തു.
മോഹന്‍ നായക്, അമിത് ബഡ്ഡി, ഗണേഷ് മിസ്‌കിന്‍ എന്നിവരേയാണ് കര്‍ണാടകയിലെ സുള്ള്യ, ഹുബ്ലി എന്നിവിടങ്ങളില്‍ നിന്നായി അറസ്റ്റ് ചെയ്തത്.
ഇവരെ ചോദ്യം ചെയ്യാനായി 15 ദിവസത്തേക്ക് പോലീസ് കസ്റ്റഡിയില്‍ വിട്ടു. ഇവരില്‍ നിന്ന് ലഭിച്ച വിവരമനുസരിച്ച് മറ്റൊരു പ്രതിയെ സംബന്ധിച്ച സൂചനയും പോലീസിനു ലഭിച്ചിട്ടുണ്ട്. ഇയാളെ പിടികൂടാനുള്ള നീക്കമാരംഭിച്ചു. ഹിന്ദുത്വ തീവ്രവാദികള്‍ക്കെതിരെ ശക്തമായി ശബ്ദിച്ചിരുന്ന ഗൗരി ലങ്കേഷ് 2017 സെപ്തംബറിലാണ് ബംഗളൂരുവിലെ വീട്ടുമുറ്റത്ത് വെടിയേറ്റു കൊല്ലപ്പെട്ടത്.
അറസ്റ്റിലായ അമിത് ബഡ്ഡി സ്വര്‍ണപ്പണിക്കാരനും ഗണേഷ് മിസ്‌കിന്‍ സാമ്പ്രാണിത്തിരി നിര്‍മ്മിക്കുന്നയാളുമാണ്. കൊലപാതകം, ഗൂഢാലോചന തുടങ്ങിയ കുറ്റങ്ങളാണ് ഇവര്‍ക്കുമേല്‍ ചുമത്തിയിരിക്കുന്നത്.
കൊലപാതകത്തില്‍ ഇവരുടെ പങ്കിനെ കുറിച്ച് പോലീസ് കൂടുതല്‍ വിവരങ്ങള്‍ പുറത്തു വിട്ടിട്ടില്ല. സുള്ള്യയില്‍ നിന്ന് പിടികൂടിയ 50കാരന്‍ മോഹന്‍ നായക്കിന്റെ അറസ്റ്റ് കേസില്‍ നിര്‍ണായകമാകുമെന്ന് ആഭ്യന്തര മന്ത്രി ജി. പരമേശ്വര പറഞ്ഞു. പ്രത്യേക അന്വേഷണ സംഘം കേസ് അന്വേഷണം ഉടന്‍ അവസാനിപ്പിക്കുമെന്നും മന്ത്രി അറിയിച്ചു.
ഗൗരി ലങ്കേഷിനു നേര്‍ക്ക് വെടിയുതിര്‍ത്തെന്ന് പോലീസ് പറയുന്ന പ്രതി പരശുറാം വാഗമാറെയെ നേരത്തെ തന്നെ അറസ്റ്റ് ചെയ്തിട്ടുണ്ട്. വാഗമാറെ, അമോല്‍ കല്ലെ, പ്രവീണ്‍ എന്നീ പ്രതികള്‍ക്ക് ഗൂഢാലോചന നടത്താന്‍ താവളമൊരുക്കി കൊടുത്തത് മോഹന്‍ നായക്കാണെന്ന് പോലീസ് പറയുന്നു. കഴിഞ്ഞ വര്‍ഷം സെപ്തംബറില്‍ നടന്ന കൊലപാതകത്തില്‍ ഫെബ്രുവരിയിലാണ് പ്രതികള്‍ പിടിയിലായിത്തുടങ്ങിയത്.
കൊലപാതകവുമായി ബന്ധപ്പെട്ട് ഇതുവരെ പത്തോളം പ്രതികളാണ് പോലീസ് പിടിയിലായത്.

Other News

  • പുല്‍വാമ സംഭവത്തില്‍ ഇന്ത്യ തുടങ്ങിയ സൈനിക നടപടി നിറുത്തിവെച്ചില്ലെങ്കില്‍ തിരിച്ചടിക്കുമെന്ന് പാക്കിസ്ഥാന്റെ മുന്നറിയിപ്പ്
  • പുല്‍വാമ ഭീകരാക്രമണം; മസൂദ് അസറിനെ ആഗോള ഭീകരനായി പ്രഖ്യാപിക്കാനുള്ള പ്രമേയം യു.എന്‍ രക്ഷാസമിതിയില്‍ ഫ്രാന്‍സ് അവതരിപ്പിക്കും
  • ബംഗളൂരുവില്‍ വ്യോമസേനയുടെ വിമാനങ്ങള്‍ കൂട്ടിയിടിച്ച് ഒരു പൈലറ്റ് കൊല്ലപ്പെട്ടു; അപകടം പരിശീലനത്തിനിടയില്‍
  • ഇന്ത്യയിലെ നയതന്ത്ര പ്രതിനിധിയെ പാക്കിസ്ഥാന്‍ തിരികെ വിളിച്ചു; ഹൈക്കമ്മീഷണര്‍ സുഹൈല്‍ മുഹമ്മദ് ഇന്ത്യവിട്ടു
  • പുല്‍വാമ ഭീകരാക്രമണം; വീരമൃത്യു വരിച്ച സൈനികരുടെ മക്കള്‍ക്ക് വിദ്യാഭ്യാസവും ജോലിയും നല്‍കാന്‍ തയാറെന്ന് റിലയന്‍സ് ഫൗണ്ടേഷന്‍
  • കശ്മീരില്‍ ഭീകരരുമായി ഏറ്റുമുട്ടല്‍; നാലു സൈനികര്‍ക്ക് കൂടി വീരമൃത്യു; ഒരു ഗ്രാമീണനും കൊല്ലപ്പെട്ടു
  • പുല്‍വാമ ആക്രണം: കൊലയാളികള്‍ക്ക് തിരിച്ചടി നല്‍കി ഇന്ത്യന്‍ സേന; രണ്ട് ഭീകരരെ വധിച്ചു
  • പാക്കിസ്ഥാനിലെ പട്ടാള ഹോസ്പിറ്റലില്‍ നിന്ന് പുല്‍വാമ ഭീകരാക്രമണത്തിനു നിര്‍ദേശം നല്‍കിയത് മസൂദ് അസര്‍
  • പുല്‍വാമ ഭീകരാക്രമണം; പാക്കിസ്ഥാനില്‍ നിന്ന് ഇറക്കുമതി ചെയ്യുന്ന എല്ലാ സാധനങ്ങളുടെ കസ്റ്റംസ് ഡ്യൂട്ടി 200 ശതമാനമാക്കി
  • ലോക്സഭാ തെരഞ്ഞെടുപ്പില്‍ മത്സരിക്കില്ല; ലക്ഷ്യം തമിഴ്നാട് നിയമസഭാ തെരഞ്ഞെടുപ്പ്: രജനീകാന്ത്
  • കശ്മീരിലെ അഞ്ച് വിഘടന വാദി നേതാക്കള്‍ക്ക് നല്‍കിയിരുന്ന സുരക്ഷ കേന്ദ്ര സര്‍ക്കാര്‍ പിന്‍വലിച്ചു; രാജ്യമെമ്പാടും കശ്മീരികള്‍ക്കുനേരെ ആക്രമണം
  • Write A Comment

     
    Reload Image
    Add code here