വിവാഹത്തിനു തടസം നിന്ന മകനെ കൊലപ്പെടുത്തി കാട്ടില്‍ തള്ളിയ അമ്മയും കാമുകനും അറസ്റ്റില്‍

Tue,Jul 24,2018


ഗ്വാളിയോര്‍- കാമുകനുമായുള്ള വിവാഹത്തിന് തടസ്സമായ എട്ടു വയസ്സുകാരനെ കൊന്നു കാട്ടില്‍ തള്ളിയ അമ്മയും കാമുകനും പിടിയില്‍. കൊലപാതകത്തിനു സഹായം ചെയ്ത മറ്റു നാലുപേരും പോലീസ് പിടിയിലായി.
ഗ്വാളിയറിലെ ശിവനഗറിലാണ് സംഭവം. മകനെ കാണാനില്ലെന്ന പരാതിയുമായി ജൂലൈ 13 ന് യുവതി പോലീസിനെ സമീപച്ചതിനെ തുടര്‍ന്ന് നടത്തിയ അന്വേഷണമാണ് യുവതിയും കാമുകനും തമ്മിലുള്ള അവിഹിത ബന്ധത്തെക്കുറിച്ചും എട്ടുവയസുകാരന്റെ ഞെട്ടിക്കുന്ന കൊലപാതകത്തെക്കുറിച്ചുമുള്ള വിവരങ്ങള്‍ പുറത്തുകൊണ്ടുവന്നത്.
പോലീസ് നടത്തിയ പ്രാഥമിക തെരച്ചിലില്‍ ഒരു വിവരവും ലഭിച്ചില്ല. തുടര്‍ന്ന് അമ്മയുടെ മൊബൈല്‍ ഫോണ്‍ കേന്ദ്രീകരിച്ച് അന്വേഷണം നടത്തിയപ്പോഴാണ് സംഭവം പുറത്തായത്.
യുവതിയുടെ മൊബൈലിലേക്ക് സന്ദീപ് ജാതവ് എന്നയാള്‍ നിരന്തരം വിളിക്കുന്നതായി പോലീസ് കണ്ടെത്തി. ജാതവിന്റെ വിളികളെ കുറിച്ച് ചോദിച്ചപ്പോള്‍ യുവതി പരിഭ്രമത്തിലായത് സംശയം വര്‍ധിപ്പിച്ചു. ജാതവ് എന്തിനാണ് നിരന്തരം വിളിക്കുന്നതെന്ന് വ്യക്തമായ മറുപടി നല്‍കാന്‍ യുവതിക്കായില്ല. തുടര്‍ന്ന് പോലീസ് ജാതവിനെ കസ്റ്റഡിയിലെടുത്തു ചോദ്യം ചെയ്യുകയായിരുന്നു.
ആദ്യം ഇയാള്‍ ആദ്യംഒന്നും വിട്ടുപറയാതെ പിടിച്ചുനിന്നെങ്കിലും യുവതിയെ കൂടി ഹാജരാക്കിയതോടെ പൊട്ടിക്കരഞ്ഞ് കുറ്റം സമ്മതിക്കുകയായിരുന്നു. യുവതിയു കുറ്റം സമ്മതിച്ചു. തങ്ങളുടെ ബന്ധത്തിന് തടസ്സമായതിനാലാണ് മകനെ കൊലപ്പെടുത്താന്‍ പദ്ധതിയിട്ടതെന്ന് യുവതി പോലീസിനോട് വെളിപ്പെടുത്തി.
ഇവര്‍ നല്‍കിയ വിവരമനുസരിച്ച് നടത്തിയ തെരച്ചലില്‍ ബാലന്റെ മൃതദേഹാവശിഷ്ടങ്ങള്‍ ഗ്വാളിയോറില്‍ നിന്നും നൂറു കിലോമീറ്ററോളം അകലെ സബല്‍ഗഡിലെ വനപ്രദേശത്ത് കണ്ടെത്തി. ഇവിടെ ഒരു മണിക്കൂറോളം നീണ്ട തിരച്ചിലിനിടെയാണ് മൃതദേഹം കണ്ടെടുത്തത്. ഫോറന്‍സിക് പരിശോധനയ്ക്കായി മൃതദേഹം മാറ്റി.
കഴിഞ്ഞ രണ്ടു വര്‍ഷമായി തനിക്ക് ജാതവുമായി ബന്ധമുണ്ടെന്ന് യുവതി പറഞ്ഞു. ഭര്‍ത്താവിന്റെ മാനസിക രോഗം കാരണമാണ് ജാതവിനെ വിവാഹം ചെയ്യാന്‍ പദ്ധതിയിട്ടതെന്നും ജാതവുമായുള്ള തന്റെ അവിഹിത ബന്ധം അറിഞ്ഞതിനെ തുടര്‍ന്ന് ഒരു മാസം മുമ്പാണ് മകനെ കൊലപ്പെടുത്താനുള്ള പദ്ധതി തയാറാക്കിയതെന്നും യുവതി പറഞ്ഞു. കൊലപാതകത്തിന് സഹായം ചെയ്തതിനാണ് മറ്റു നാലു പേര്‍ പിടിയിലായത്.

Other News

  • പാക്കിസ്ഥാനിലെ പട്ടാള ഹോസ്പിറ്റലില്‍ നിന്ന് പുല്‍വാമ ഭീകരാക്രമണത്തിനു നിര്‍ദേശം നല്‍കിയത് മസൂദ് അസര്‍
  • പുല്‍വാമ ഭീകരാക്രമണം; പാക്കിസ്ഥാനില്‍ നിന്ന് ഇറക്കുമതി ചെയ്യുന്ന എല്ലാ സാധനങ്ങളുടെ കസ്റ്റംസ് ഡ്യൂട്ടി 200 ശതമാനമാക്കി
  • ലോക്സഭാ തെരഞ്ഞെടുപ്പില്‍ മത്സരിക്കില്ല; ലക്ഷ്യം തമിഴ്നാട് നിയമസഭാ തെരഞ്ഞെടുപ്പ്: രജനീകാന്ത്
  • കശ്മീരിലെ അഞ്ച് വിഘടന വാദി നേതാക്കള്‍ക്ക് നല്‍കിയിരുന്ന സുരക്ഷ കേന്ദ്ര സര്‍ക്കാര്‍ പിന്‍വലിച്ചു; രാജ്യമെമ്പാടും കശ്മീരികള്‍ക്കുനേരെ ആക്രമണം
  • പുല്‍വാമയില്‍ രക്തസാക്ഷികളായ ജവാന്മാരുടെ കുടുംബസഹായ നിധിയിലേക്ക് ഒരു ദിവസം കൊണ്ട് എത്തിയത് ഏഴുകോടി രൂപ
  • പുല്‍വാമ ഭീകരാക്രമണം: ലണ്ടനിലെ പാക് ഹൈക്കമ്മീഷനുമുന്നില്‍ ഇന്ത്യന്‍ വംശജരുടെ വന്‍ പ്രതിഷേധം
  • രാജ്യത്തിന്​ ഭീഷണിയായ തീവ്രവാദത്തിനെതിരെ ഒറ്റകെട്ടായി പോരാടുമെന്ന്​ സർവകക്ഷിയോഗം
  • പുല്‍വാമ സംഭവത്തില്‍ പാക്കിസ്ഥാന് അനുകൂലമായി സിദ്ദു; ട്വിറ്ററിൽ ട്രെൻഡിങ്ങായി ബോയ്​കോട്ട്​ കപിൽ ശർമ ഷോ
  • പുൽവാമ: സൈനികരുടെ ജീവത്യാഗം വെറുതെയാകില്ലെന്ന്​ ​പ്രധാനമന്ത്രി നരേന്ദ്രമോഡി
  • പുല്‍വാമ ഭീകരാക്രമണം; ഇന്ത്യയ്ക്ക് ഐക്യദാര്‍ഢ്യം പ്രകടിപ്പിച്ച് അന്താരാഷ്ട്ര സമൂഹം, ജയ്‌ഷെ ഇ മുഹമ്മദ് ഉള്‍പ്പെടെയുള്ള ഭീകര സംഘടനകള്‍ക്കെതിരേ ശക്തമായ നടപടി സ്വീകരിക്കണമെന്ന് പാക്കിസ്ഥാനോട് അമേരിക്ക
  • പാക്കിസ്ഥാനെ പൂര്‍ണമായും ഒറ്റപ്പെടുത്താനുറച്ച് ഇന്ത്യ; കശ്മീരില്‍ നിരോധനാജ്ഞ പുറപ്പെടുവിച്ചു; പാകിസ്ഥാന്‍ നയതന്ത്രജ്ഞനെ ഇന്ത്യ വിളിച്ചു വരുത്തി ശാസിച്ചു
  • Write A Comment

     
    Reload Image
    Add code here