പീഡനവും നിര്‍ബന്ധിതമായി ഗര്‍ഭം അലസിപ്പിക്കലും; പരാതി നല്‍കാന്‍ യുവതി പോലീസ് സ്‌റ്റേഷനിലെത്തിയത് ഭ്രൂണവുമായി

Mon,Jul 23,2018


ലഖ്‌നൗ: ബലാത്സംഗത്തിനിരയാക്കപ്പെട്ട പെണ്‍കുട്ടി പോലീസ് സ്‌റ്റേഷനില്‍ പരാതിപ്പെടാനെത്തിയത് പ്രതി നിര്‍ബന്ധിച്ച് അലസിപ്പിച്ച ഗര്‍ഭത്തിലെ ഭ്രൂണവുമായി.
ഉത്തര്‍ പ്രദേശിലെ അംഹോറയിലാണ് സംഭവം. 19 കാരിയാണ് താന്‍ നേരിട്ട ക്രൂരമായ മാനഭംഗവും അനന്തര പീഡനങ്ങളും വെളിപ്പെടുത്താന്‍ അലസിപ്പിച്ച ഭ്രൂണവും ബാഗിലിട്ട് പോലീസിനെ സമീപിച്ചത്.
ആറ് മാസംമുമ്പാണ് യുവതി ബലാത്സംഗത്തിന് ഇരയായത്. അതിന്‌ശേഷം പ്രതി നിര്‍ബന്ധിച്ച് ഗര്‍ഭം അലസിപ്പിച്ചെന്നായിരുന്നു 19കാരിയുടെ പരാതി.
ഗര്‍ഭിണിയാണെന്നറിഞ്ഞപ്പോള്‍ നിര്‍ബന്ധിച്ച് ഗുളികള്‍ കഴിപ്പിച്ചുവെന്നുമാണ് പരാതി. അയല്‍വാസിയായ മനോജിന് (20) എതിരെയാണ് പരാതി നല്‍കിയിട്ടുള്ളത്.
തോക്കുചൂണ്ടി ഭീഷണിപ്പെടുത്തിയാണ് മനോജ് തന്നെ ബലാത്സംഗം ചെയ്തതെന്ന് യുവതി പരാതിയില്‍ പറയുന്നു. വിവരം പുറത്ത് പറയരുതെന്ന് പറഞ്ഞ് പലതവണ ഭീഷണിപ്പെടുത്തുകയും ചെയ്തു.
ഇക്കാരണത്താല്‍ യുവതി വിവരം വീട്ടുകാരെ അറിയിച്ചില്ല. എന്നാല്‍, യുവതി ഗര്‍ഭിണിയാണെന്ന് അറിഞ്ഞതോടെ നിര്‍ബന്ധിച്ച് ഗര്‍ഭം അലസിപ്പിക്കാനുള്ള ഗുളികകള്‍ കഴിപ്പിച്ചു.
ഇതേത്തുടര്‍ന്ന് ശാരീരിക ബുദ്ധിമുട്ടുകള്‍ നേരിട്ടതോടെയാണ് യുവതിയുടെ വീട്ടുകാര്‍ വിവരങ്ങള്‍ അറിയുന്നത്.
ശനിയാഴ്ച വൈകിട്ട് അമ്മയോടൊപ്പമാണ് യുവതി പരാതി നല്‍കാന്‍ എത്തിയത്. ഭ്രൂണം കൂടുതല്‍ പരിശോധനയ്ക്കായി ഫോറന്‍സിക്ക് ലാബിലേക്ക് അയച്ചു. മനോജിനെതിരെ കേസ് രജിസ്റ്റര്‍ ചെയ്തതായി ഹസന്‍പുര്‍ പൊലീസ് അറിയിച്ചു.
സമാനമായ സംഭവം മെയ്യ് 19 നും ഉത്തര്‍പ്രദേശില്‍ നടന്നിരുന്നു. പീഡനത്തിനരയായ 14കാരി ഭ്രൂണം സഞ്ചിയിലാക്കി മീററ്റ് പൊലീസ് സ്റ്റേഷനില്‍ എത്തിയിരുന്നു.

Other News

  • പുല്‍വാമ സംഭവത്തില്‍ ഇന്ത്യ തുടങ്ങിയ സൈനിക നടപടി നിറുത്തിവെച്ചില്ലെങ്കില്‍ തിരിച്ചടിക്കുമെന്ന് പാക്കിസ്ഥാന്റെ മുന്നറിയിപ്പ്
  • പുല്‍വാമ ഭീകരാക്രമണം; മസൂദ് അസറിനെ ആഗോള ഭീകരനായി പ്രഖ്യാപിക്കാനുള്ള പ്രമേയം യു.എന്‍ രക്ഷാസമിതിയില്‍ ഫ്രാന്‍സ് അവതരിപ്പിക്കും
  • ബംഗളൂരുവില്‍ വ്യോമസേനയുടെ വിമാനങ്ങള്‍ കൂട്ടിയിടിച്ച് ഒരു പൈലറ്റ് കൊല്ലപ്പെട്ടു; അപകടം പരിശീലനത്തിനിടയില്‍
  • ഇന്ത്യയിലെ നയതന്ത്ര പ്രതിനിധിയെ പാക്കിസ്ഥാന്‍ തിരികെ വിളിച്ചു; ഹൈക്കമ്മീഷണര്‍ സുഹൈല്‍ മുഹമ്മദ് ഇന്ത്യവിട്ടു
  • പുല്‍വാമ ഭീകരാക്രമണം; വീരമൃത്യു വരിച്ച സൈനികരുടെ മക്കള്‍ക്ക് വിദ്യാഭ്യാസവും ജോലിയും നല്‍കാന്‍ തയാറെന്ന് റിലയന്‍സ് ഫൗണ്ടേഷന്‍
  • കശ്മീരില്‍ ഭീകരരുമായി ഏറ്റുമുട്ടല്‍; നാലു സൈനികര്‍ക്ക് കൂടി വീരമൃത്യു; ഒരു ഗ്രാമീണനും കൊല്ലപ്പെട്ടു
  • പുല്‍വാമ ആക്രണം: കൊലയാളികള്‍ക്ക് തിരിച്ചടി നല്‍കി ഇന്ത്യന്‍ സേന; രണ്ട് ഭീകരരെ വധിച്ചു
  • പാക്കിസ്ഥാനിലെ പട്ടാള ഹോസ്പിറ്റലില്‍ നിന്ന് പുല്‍വാമ ഭീകരാക്രമണത്തിനു നിര്‍ദേശം നല്‍കിയത് മസൂദ് അസര്‍
  • പുല്‍വാമ ഭീകരാക്രമണം; പാക്കിസ്ഥാനില്‍ നിന്ന് ഇറക്കുമതി ചെയ്യുന്ന എല്ലാ സാധനങ്ങളുടെ കസ്റ്റംസ് ഡ്യൂട്ടി 200 ശതമാനമാക്കി
  • ലോക്സഭാ തെരഞ്ഞെടുപ്പില്‍ മത്സരിക്കില്ല; ലക്ഷ്യം തമിഴ്നാട് നിയമസഭാ തെരഞ്ഞെടുപ്പ്: രജനീകാന്ത്
  • കശ്മീരിലെ അഞ്ച് വിഘടന വാദി നേതാക്കള്‍ക്ക് നല്‍കിയിരുന്ന സുരക്ഷ കേന്ദ്ര സര്‍ക്കാര്‍ പിന്‍വലിച്ചു; രാജ്യമെമ്പാടും കശ്മീരികള്‍ക്കുനേരെ ആക്രമണം
  • Write A Comment

     
    Reload Image
    Add code here