പ്രതിപക്ഷ നേതാക്കള്‍ക്ക് അധികാരത്തോട് അന്ധമായ ഭ്രമം: രാഹുലിന്റ ആലിംഗന രഹസ്യം വെളിപ്പെടുത്തി മോദി

Sat,Jul 21,2018


ഷാജഹന്‍പുര്‍ (ഉത്തര്‍പ്രദേശ്): ലോക്‌സഭയില്‍ പ്രതിപക്ഷം കൊണ്ടുവന്ന അവിശ്വാസ പ്രമേയം വന്‍ഭൂരിപക്ഷത്തില്‍ പരാജയപ്പെടുത്തിയതിനു പിന്നാലെ വിമര്‍ശനം കടുപ്പിച്ച് പ്രധാനമന്ത്രി നരേന്ദ്ര മോദി. പ്രതിപക്ഷ നേതാക്കള്‍ക്ക് അധികാരത്തോട് അന്ധമായ ഭ്രമമാണെന്നു മോദി ആവര്‍ത്തിച്ചു. യുപിയിലെ ഷാജഹന്‍പുര്‍ കരിമ്പു കര്‍ഷകരുടെ റാലിയെ അഭിസംബോധന ചെയ്യുകയായിരുന്നു അദ്ദേഹം.
'അവിശ്വാസ പ്രമേയം കൊണ്ടുവരാനുള്ള കാരണമെന്താണെന്ന് ഇന്നലെ ഞാന്‍ ലോക്‌സഭയില്‍ ചോദിച്ചു. ഒരുത്തരവും ലഭിച്ചില്ല. പകരം അദ്ദേഹം (രാഹുല്‍ ഗാന്ധി) എന്റെ അടുക്കല്‍ വന്നു അനാവശ്യമായി കെട്ടിപ്പിടിച്ചു. പ്രധാനമന്ത്രി മോദിയെ നീക്കുകയാണ് അവരുടെ ലക്ഷ്യം' രാഹുലിന്റെ ആശ്ലേഷത്തെ പരിഹസിച്ചുകൊണ്ട് മോദി പറഞ്ഞു. (പ്രതിപക്ഷത്തെ) പല പാര്‍ട്ടികളും ഒന്നിച്ചപ്പോള്‍ ഒരു ചെളിക്കുണ്ടായി മാറി. ആ ചെളി താമര വിരിയിക്കാന്‍ സഹായിക്കുമെന്നും അദ്ദേഹം ചൂണ്ടിക്കാട്ടി.
'പ്രധാനമന്ത്രിയുടെ കസേരയിലാണു ചിലര്‍ നോട്ടമിട്ടിരിക്കുന്നത്. രാജ്യത്തെ പാവങ്ങളെയോ കര്‍ഷകരെയോ യുവാക്കളെയോ അവര്‍ കാണുന്നില്ല. വൈദ്യുതിയുമായി ഞങ്ങള്‍ നിങ്ങളുടെ വീട്ടിലേക്ക് ഓടുകയാണ്. മറ്റു ചിലരാകട്ടെ, അവിശ്വാസപ്രമേയ പേപ്പറുകളുമായി പാര്‍ലമെന്റിലേക്ക് ഓടുന്നു. തെറ്റായി ഞാനെന്തെങ്കിലും ചെയ്‌തോ? രാജ്യത്തിനും പാവപ്പെട്ടവര്‍ക്കും വേണ്ടിയാണ് എന്റെ പ്രവൃത്തികളെല്ലാം. അഴിമതിക്കെതിരെ പോരാടുന്നു എന്നതാണ് എനിക്കെതിരായ കുറ്റം' മോദി പറഞ്ഞു.
ഒരു മാസത്തിനിടെ മൂന്നാം തവണയാണു പ്രധാനമന്ത്രി ഉത്തര്‍പ്രദേശില്‍ എത്തുന്നത്. സംസ്ഥാനത്തെ കരിമ്പു കര്‍ഷകരുടെ വലിയ മേഖലയാണു ഷാജഹന്‍പുര്‍. കരിമ്പു കര്‍ഷകര്‍ക്കായി 8,000 കോടിയുടെ പാക്കേജ് കേന്ദ്രം അടുത്തിടെ പ്രഖ്യാപിച്ചിരുന്നു. വരുന്ന സീസണില്‍ കരിമ്പിന്റെ താങ്ങുവിലയും വര്‍ധിപ്പിച്ചിട്ടുണ്ട്. ലോക്‌സഭയില്‍ ഒന്നര പതിറ്റാണ്ടിനിടെ വന്ന അവിശ്വാസ പ്രമേയം 126ന് എതിരെ 325 വോട്ടുകള്‍ക്കാണ് എന്‍ഡിഎ സര്‍ക്കാര്‍ പരാജയപ്പെടുത്തിയത്.

Other News

  • കര്‍ണ്ണാടകയിലെ പ്രദേശ് കോണ്‍ഗ്രസ് കമ്മിറ്റി എ.ഐ.സി.സി പിരിച്ചുവിട്ടു
  • രാജസ്ഥാനിലെ കോട്ടയില്‍ നിന്നുള്ള ബിജെപി എംപി ഓംബിര്‍ള ലോക് സഭാ സ്പീക്കര്‍
  • അധിര്‍ രഞ്ജന്‍ ചൗധരി കോണ്‍ഗ്രസിന്റെ ലോക്‌സഭാ കക്ഷിനേതാവ്
  • ലോക സമ്പദ്ഘടനയില്‍ ഇന്ത്യന്‍ സാന്നിധ്യം വളരുന്നു
  • ജെപി നദ്ദ ബിജെപി ദേശീയ വര്‍ക്കിംഗ് പ്രസിഡന്റ് അമിത് ഷാ പ്രസിഡന്റ് ആയി തുടരും
  • അഞ്ച് വര്‍ഷം കൊണ്ട് ഇന്ത്യ 5 ട്രില്യണ്‍ ഡോളര്‍ സമ്പദ്ഘടനയാകും: പ്രധാനമന്ത്രി
  • രാജസ്ഥാനില്‍ ബിജെപിയുടെ പാഠങ്ങള്‍ തിരുത്തി കോണ്‍ഗ്രസ്
  • മുസ്ലിം സമുദായത്തെ സ്വാധീനിക്കാന്‍ മോഡി; സംഘപരിവാറിന് എതിര്‍പ്പ്
  • കശ്മീരിലെ അനന്ത് നാഗില്‍ ഏറ്റുമുട്ടലില്‍ രണ്ട് ഭീകരരെ ഇന്ത്യന്‍ സൈന്യം വധിച്ചു
  • ബീഹാറിലെ മുസഫര്‍പുരില്‍ മസ്തിഷ്‌കജ്വരം ബാധിച്ച് മരിച്ച കുട്ടികളുടെ എണ്ണം നൂറായി
  • അംഗ ബലം കുറഞ്ഞതുകൊണ്ട് പ്രതിപക്ഷത്തിന്റെ പ്രാധാന്യം കുറയുന്നില്ലെന്ന് പ്രധാനമന്ത്രി
  • Write A Comment

     
    Reload Image
    Add code here