അവിശ്വാസ പ്രമേയത്തെ അനായാസം മോഡി സര്‍ക്കാര്‍ അതിജീവിച്ചു; പ്രതീക്ഷിച്ച വോട്ടു പോലും പ്രതിപക്ഷത്തിന് കിട്ടിയില്ല

Fri,Jul 20,2018


ന്യൂഡല്‍ഹി: പ്രതിപക്ഷ ഐക്യത്തിന്റെ പുതിയ തുടക്കം കുറിച്ചു കൊണ്ട് ലോക്‌സഭയില്‍ കൊണ്ടവന്ന അവിശ്വാസ പ്രമേയത്തെ അനായാസം നരേന്ദ്ര മോദി സര്‍ക്കാര്‍ അതിജീവിച്ചു. എന്‍ഡിഎ സര്‍ക്കാരിന് എതിരായ ആദ്യ അവിശ്വാസപ്രമേയം 126ന് എതിരെ 325 വോട്ടോടെയാണു സഭ തള്ളിയത്. ലോക്‌സഭയില്‍ 313 വോട്ടുള്ള എന്‍ഡിഎ മുന്നണിക്ക് 12 വോട്ട് അധികം ലഭിച്ചു. അണ്ണാ ഡിഎംകെയെ ഒപ്പം നിര്‍ത്താനായതു സര്‍ക്കാരിനു നേട്ടമായി. അതേസമയം, 154 വോട്ട് പ്രതീക്ഷിച്ച പ്രതിപക്ഷത്തിന് 126 വോട്ട് മാത്രമേ നേടാനായുള്ളൂ. ടിഡിപി കൊണ്ടു വന്ന അവിശ്വാസപ്രമേയം മൂന്നില്‍ രണ്ട് ഭൂരിപക്ഷത്തോടെയാണ് കേന്ദ്ര സര്‍ക്കാര്‍ അതിജീവിച്ചത്. 451 എംപിമാര്‍ പങ്കെടുത്ത വോട്ടെടുപ്പില്‍ 325 പേര്‍ പ്രമേയത്തിന് എതിരായും 126 പേര്‍ അനുകൂലമായും വോട്ട് ചെയ്തു.
സംഖ്യകള്‍കൊണ്ടു സര്‍ക്കാരിനെ വീഴ്ത്താനാവില്ലെന്ന് ഉറപ്പായിരുന്നുവെങ്കിലും സംവാദത്തിലൂടെ തുറന്നുകാട്ടാനാണു ചര്‍ച്ചയില്‍ പ്രതിപക്ഷം ശ്രമിച്ചത്. രാഹുല്‍ ഗാന്ധി സര്‍ക്കാരിനെതിരെ നടത്തിയ കടന്നാക്രമണം പ്രതിപക്ഷത്തിന് പുത്തന്‍ ഊര്‍ജമായി. രാഹുല്‍ നടത്തിയ ആരോപണങ്ങളും അതിനു മോദി നല്‍കിയ മറുപടിയും ശ്രദ്ധയോടെയാണു സഭ ശ്രവിച്ചത്. കോണ്‍ഗ്രസ്, ഇടതുപാര്‍ട്ടികള്‍, തൃണമൂല്‍ കോണ്‍ഗ്രസ്, ടിഡിപി എന്നിവരാണ് അവിശ്വാസ പ്രമേയത്തെ അനുകൂലിച്ചത്. ഒന്നര പതിറ്റാണ്ടിനു ശേഷമാണ് അവിശ്വാസപ്രമേയം ലോക്‌സഭയില്‍ വരുന്നത്. രാവിലെ 11ന് തുടങ്ങിയ ചര്‍ച്ച 12 മണിക്കൂര്‍ പിന്നിട്ടാണ് വോട്ടെടുപ്പിലേക്കു നീങ്ങിയത്.
നരേന്ദ്ര മോദിയുടെ മറുപടി പ്രസംഗം ഒന്നര മണിക്കൂര്‍ നീണ്ടു. രാഹുലിന്റെ ഉള്‍പ്പെടെ പ്രതിപക്ഷ നേതാക്കളുടെ ആരോപണങ്ങള്‍ക്ക് എണ്ണിയെണ്ണി മറുപടി പറഞ്ഞ മോദി, സര്‍ക്കാരിന്റെ പ്രവര്‍ത്തനങ്ങളും നേട്ടങ്ങളും ആവര്‍ത്തിച്ചു. മോദിയുടെ പ്രസംഗത്തിനു പിന്നാലെ സഭ വോട്ടെടുപ്പ് നടപടികളിലേക്കു പ്രവേശിച്ചു.

Other News

  • ശ്രീലങ്കയിലെ സ്‌ഫോടനത്തില്‍ കര്‍ണാടകത്തില്‍ നിന്നുള്ള ആറ് ജനതാദള്‍ - എസ് നേതാക്കള്‍ കൊല്ലപ്പെട്ടു
  • ശ്രീലങ്കയില്‍ നടുക്കം വിതച്ച തൗഹീദ് ജമാ അത് ഭീകര സംഘടനയ്ക്ക് തമിഴ്‌നാട്ടിലും സാന്നിധ്യം
  • ബ്രിട്ടീഷ് പൗരത്വ വിവാദത്തില്‍ കഴമ്പില്ല; അമേഠിയില്‍ രാഹുല്‍ ഗാന്ധിയുടെ നാമനിര്‍ദ്ദേശ പത്രിക സ്വീകരിച്ചു
  • വിദ്യാഭ്യാസ യോഗ്യതാ വിവരങ്ങൾ തെറ്റായി നൽകി; സ്മൃതി ഇറാനിക്കെതിരെ കേസ്
  • ബാബറി മസ്ജിദ് തകർക്കപ്പെട്ടതിൽ അഭിമാനിക്കുന്നുവെന്ന് സാധ്വി പ്രജ്ഞ സിംഗ് ഠാക്കൂർ
  • ഇന്ത്യൻ വിദേശ കാര്യ സെക്രട്ടറി വിജയ് ഗോഗലെ ചൈന സന്ദർശിക്കുന്നു; മസൂദ് അസറിനെ ആഗോള ഭീകര പട്ടികയിൽ ഉൾപ്പെടുത്താൻ സമ്മർദ്ദം ചെലുത്തും
  • ചീഫ് ജസ്റ്റിസിനെതിരെ ലൈംഗിക ആരോപണം; സുപ്രീംകോടതിയിൽ അടിയന്തിര സിറ്റിങ്
  • 100 പൈലറ്റുമാര്‍ ഉള്‍പ്പെടെ 500 ജറ്റ് എയര്‍വേസ് ജീവനക്കാര്‍ക്ക് ജോലി നല്‍കി സ്‌പൈസ് ജറ്റ്
  • ലിബിയന്‍ തലസ്ഥാനമായ ട്രിപ്പോളിയില്‍ ആഭ്യന്തര പോരാട്ടം രൂക്ഷം; ഇന്ത്യക്കാരോട് എത്രയും വേഗം നഗരം വിടാന്‍ സുഷമ സ്വരാജ് ആവശ്യപ്പെട്ടു
  • കാല്‍ നൂറ്റാണ്ടിനു ശേഷം മുലായവും മായാവതിയും ഒരേ വേദിയില്‍; പരസ്പരം പ്രശംസിക്കാന്‍ ഇരുവരും മടിച്ചില്ല
  • കര്‍ക്കറെയ്‌ക്കെതിരായ സാധ്വി പ്രഗ്യ സിംഗിന്റെ പരാമര്‍ശം ബി.ജെ.പി യെ വെട്ടിലാക്കി; പ്രസ്താവന പിന്‍വലിച്ച് മാപ്പു പറയുന്നുവെന്ന് സാധ്വി
  • Write A Comment

     
    Reload Image
    Add code here