സിന്‍ജുവാന്‍ ഭീകരാക്രമണം: അന്വേഷണം നടത്താതെ ഇന്ത്യ തങ്ങളെ കുറ്റപ്പെടുത്തുകയാണെന്ന് പാക്കിസ്ഥാന്‍, അതിര്‍ത്തി കടന്ന് മിന്നലാക്രമണം നടത്തരുതെന്നും ആവശ്യം

Tue,Feb 13,2018


ശ്രീനഗര്‍/ന്യൂഡല്‍ഹി: സിന്‍ജുവാന്‍ ഭീകരാക്രമണത്തിന്റെ പശ്ചാത്തലത്തില്‍ ഇന്ത്യ മിന്നലാക്രമണത്തിന് മുതിരരുതെന്ന് പാക്കിസ്ഥാന്‍ ആവശ്യപ്പെട്ടതായി റോയിട്ടേഴ്‌സ് റിപ്പോര്‍ട്ട് ചെയ്യുന്നു. ജമ്മുവിലെ സിന്‍ജുവാന്‍ സൈനിക ക്യാമ്പിനുനേരെ ഉണ്ടായ ഭീകരാക്രമണത്തിന് പിന്നില്‍ പാകിസ്ഥാന്‍ കേന്ദ്രമായ ജെയ്‌ഷെ മുഹമ്മദ് ഭീകര സംഘടനയാണെന്ന് ഇന്ത്യ വ്യക്തമാക്കിയതിന് പിന്നാലെയാണിത്. വിശദമായ അന്വേഷണം നടത്താതെയാണ് ഇന്ത്യന്‍ അധികൃതര്‍ പാകിസ്ഥാനെ കുറ്റപ്പെടുത്തുന്നതെന്ന് പാക് വിദേശകാര്യ മന്ത്രാലയം ആരോപിച്ചു. നിയന്ത്രണരേഖ കടന്നുള്ള മിന്നലാക്രമണം അടക്കമുള്ളവയില്‍നിന്ന് രാജ്യാന്തര സമൂഹം ഇന്ത്യയെ പിന്തിരിപ്പിക്കണമെന്നും അവര്‍ ആവശ്യപ്പെട്ടതായി റോയിട്ടേഴ്‌സ് വാര്‍ത്താ ഏജന്‍സി റിപ്പോര്‍ട്ടു ചെയ്തു. ശനിയാഴ്ച പുലര്‍ച്ചെയാണ് ജമ്മുവിലെ സിന്‍ജുവാന്‍ സൈനിക ക്യാമ്പിനുനേരെ ഭീകരാക്രമണം ഉണ്ടായത്. അഞ്ച് സൈനികരും സൈനികന്റെ പിതാവും അടക്കം ആറുപേര്‍ക്ക് ഭീകരാക്രമണത്തില്‍ ജീവന്‍ നഷ്ടപ്പെട്ടിരുന്നു. സൈനികരുടെ കുടുംബാംഗങ്ങളില്‍പ്പെട്ട സ്ത്രീകളും കുട്ടികളും അടക്കം പത്തുപേര്‍ക്ക് പരിക്കേറ്റു. 2016 ല്‍ ഇന്ത്യന്‍ സൈന്യം നിയന്ത്രണരേഖ കടന്ന് ഭീകര താവളങ്ങള്‍ ആക്രമിച്ചിരുന്നു. കശ്മീരിലെ ഉറി സൈനിക താവളത്തിനുനേരെ ഉണ്ടായ ഭീകരാക്രമണത്തിന് പിന്നാലെ ആയിരുന്നു മിന്നലാക്രമണം.

Other News

  • ബഹിരാകാശത്ത് 2022നുള്ളില്‍ ഇന്ത്യന്‍ ദേശീയ പതാക പാറിക്കുമെന്ന് പ്രധാനമന്ത്രി
  • ഉത്തരാഖണ്ഡിലെ പശുക്കളുടെ നിയമപരമായ സംരക്ഷകര്‍ തങ്ങളാണെന്ന് ഹൈക്കോടതി
  • നോയിഡയില്‍ 43 പേര്‍ പീഡിപ്പിച്ചെന്ന പരാതിയുമായി വനിതാ ഐ.ടി എന്‍ജിനിയര്‍; 21 പേര്‍ക്കെതിരെ കേസെടുത്തു
  • ഹൈക്കോടതി ജഡ്ജി സ്ഥാനത്തേക്ക് ശിപാര്‍ശ ചെയ്യപ്പെട്ട പകുതിപ്പേരും നിശ്ചിത യോഗ്യതയുള്ളവരോയെന്ന് കേന്ദ്രത്തിന് സംശയം
  • കൂടുതല്‍ സീറ്റുകളുമായി 2019 ല്‍ അധികാരത്തില്‍ തിരിച്ചെത്തുമെന്ന് പ്രധാനമന്ത്രി മോഡി
  • സൗഹൃദ ദിനത്തില്‍ പിതാവിന്റെ 46 ലക്ഷം രൂപ അപഹരിച്ച് കൗമാരപ്രായക്കാരന്‍ സുഹൃത്തുക്കള്‍ക്ക് സമ്മാനിച്ചു
  • എന്‍.ഡി.എയുടെ ഹരിവംശ് നാരായണ്‍ സിംങ് രാജ്യസഭാ ഉപാധ്യാക്ഷന്‍
  • കരുണാനിധിയുടെ മൃതദേഹം പൊതുദര്‍ശനത്തിനുവെച്ച രാജാജി ഹാളിലേക്ക് പാര്‍ട്ടി പ്രവര്‍ത്തകരുടെ തള്ളിക്കയറ്റം. തിക്കിലും തിരക്കിലും പെട്ട് രണ്ട് പേര്‍ മരിച്ചു
  • രാഷ്ട്രീയവും, സാഹിത്യവും, സിനിമയും സമന്വയിപ്പിച്ച അപൂര്‍വ പ്രതിഭ
  • കലൈജ്ഞര്‍ ഇനി ഓര്‍മ; തമിഴകം കേഴുന്നു, വിടവാങ്ങിയത് ട്രാവിഡ രാഷ്ട്രീയത്തിലെ അതികായന്‍
  • കരുണാനിധിയുടെ ആരോഗ്യനില വീണ്ടും അതീവ ഗുരുതരമായി; ആശുപത്രിക്കുമുന്നില്‍ പ്രവര്‍ത്തക പ്രവാഹം
  • Write A Comment

     
    Reload Image
    Add code here