സ്മാര്‍ട്ട് ഫോണ്‍ ബാറ്ററികളില്‍നിന്ന് നൂറിലേറെ വിഷവാതകങ്ങള്‍

Sat,Oct 22,2016


ലണ്ടന്‍: സ്മാര്‍ട്ട് ഫോണിലും ടാബിലുമെല്ലാം ഉപയോഗിക്കുന്ന ബാറ്ററികള്‍ നൂറിലേറെ വിഷവാതകങ്ങള്‍ പുറത്തുവിടുന്നതായി ശാസ്ത്രജ്ഞന്മാരുടെ വെളിപ്പെടുത്തല്‍. ലിഥിയം അയണ്‍ ബാറ്ററികളാണ് പ്രധാനമായും ഫോണുകളില്‍ ഉപയോഗിക്കുന്നത്. അലര്‍ജിക്ക് കാരണമായേക്കാവുന്ന കാര്‍ബണ്‍ മോണോക്‌സൈഡ് ഉള്‍പ്പെടെ നൂറുകണക്കിന് വിഷവാതകങ്ങള്‍ ബാറ്ററികള്‍ പുറന്തള്ളുന്നുണ്ടെന്നാണ് കണ്ടെത്തിയിരിക്കുന്നത്. ബ്രിട്ടനിലെ ഇന്‍സ്റ്റിറ്റിയൂട്ട് ഓഫ് എന്‍.ബി.സി ഡിഫന്‍സ്, ചൈനയിലെ സിങ്ഹ്വ സര്‍വകലാശാല എന്നിവിടങ്ങളിലെ ഗവേഷകരുടേതാണ് പഠനം. ബാറ്ററിയില്‍ ചാര്‍ജ് കൂടുന്നതിനനുസരിച്ച് പുറന്തള്ളുന്ന വിഷവാതകങ്ങളുടെ അളവും വര്‍ധിക്കും. ബാറ്ററി ചൂടാകുന്നതും നിലവാരമില്ലാത്ത ചാര്‍ജറുകള്‍ ഉപയോഗിക്കുന്നതുമെല്ലാം അപകടമാണെന്നും ഇവര്‍ മുന്നറിയിപ്പുനല്‍കുന്നു.

Write A Comment

 
Reload Image
Add code here