ഇന്ത്യക്കാര്‍ മരിക്കാനുള്ള കാരണങ്ങളില്‍ ആദ്യമൂന്നു സ്ഥാനങ്ങള്‍: ഹൃദയാഘാതം, ശ്വാസകോശതടസം, പക്ഷാഘാതം

Wed,Oct 19,2016


ഹൃദയാഘാതം, ശ്വാസകോശതടസം, പക്ഷാഘാതം; ഇവയാണ് ഇന്ത്യയില്‍ മരണകാരണമാകുന്ന രോഗങ്ങളില്‍ ആദ്യമൂന്നു കാരണങ്ങള്‍. മൂന്നിലൊന്നു മരണങ്ങള്‍ക്കും ഇവയാണു കാരണങ്ങളാകുന്നത്.
നാലും അഞ്ചും സ്ഥാനങ്ങളില്‍ പ്രമേഹവും വൃക്കരോഗങ്ങളുമാണ്. ഇന്ത്യയില്‍ മരണകാരണമാകുന്ന ആദ്യപത്തെണ്ണത്തില്‍ സാംക്രമികരോഗമല്ലാത്ത അഞ്ചു രോഗങ്ങളാണിവ. സാംക്രമികരോഗങ്ങളില്‍ പ്രധാനപ്പെട്ടവ ബ്രോങ്കൈറ്റിസ്, ന്യൂമോണിയ, വയറിളക്കം എന്നിവയാണ്. മാസം തികയാതെയുണ്ടാകുന്ന ശിശുക്കളിലെ ടി ബി ഉള്‍പ്പെടെയുള്ള രോഗങ്ങളും പ്രാധാനകാരണമായി കണക്കാക്കപ്പെടുന്നു. മരണകാരണങ്ങളില്‍ പത്താം സ്ഥാനം റോഡപകടമാണ്. ഇന്ത്യയില്‍ പ്രതിവര്‍ഷമുണ്ടാകുന്ന 10.3 മില്യണ്‍ മരണങ്ങളില്‍ 60 ശതമാനവും ഈ പത്തുകാരണങ്ങള്‍ കൊണ്ടുണ്ടാകുന്നവയാണ്.
സിയാറ്റില്‍ ആസ്ഥാനമായി പ്രവര്‍ത്തിക്കുന്ന ഇന്‍സ്റ്റിറ്റ്യൂട്ട് ഓഫ് ഹെല്‍ത്ത് മെട്രിക്‌സ് ആന്‍ഡ് ഇവാല്വേഷന്റെ ഗവേഷകര്‍ 195 രാജ്യങ്ങളിലെ 249 മരണകാരണങ്ങള്‍ സംബന്ധിച്ചു നടത്തിയ പഠനങ്ങളില്‍നിന്നുരുത്തിരിഞ്ഞ കണ്ടെത്തലുകള്‍ ലാന്‍സെറ്റ് എന്ന ശാസ്ത്ര പ്രസിദ്ധികരണത്തില്‍ റിപ്പോര്‍ട്ട് ചെയ്യപ്പെട്ടതാണിത്.

Write A Comment

 
Reload Image
Add code here