ഗര്‍ഭകാലത്തു പാരസെറ്റമോള്‍ കൂടുതല്‍ ഉപയോഗിച്ചാല്‍ കുഞ്ഞിന് ഓട്ടിസം വരാന്‍ സാധ്യത

Tue,Jul 05,2016


ഗര്‍ഭകാലത്തു വേദനസംഹാരിയായ പാരസെറ്റമോള്‍ കഴിച്ചാല്‍ നവജാതശിശു ഓട്ടിസം ബാധിക്കാന്‍ സാധ്യത. കൂടുതല്‍ ആണ്‍കുട്ടികള്‍ക്കാണു ഓട്ടിസമുണ്ടാകാന്‍ സാധ്യതയുള്ളതെന്നു പുതിയ പഠനം വ്യക്തമാക്കുന്നു.
ഗര്‍ഭകാലത്തു തീരെ ഗത്യന്തരമില്ലെങ്കിലോ കുറഞ്ഞ സമയത്തേക്കോ മാത്രമേ പാരസെറ്റമോള്‍ പോലുള്ള വേദനാസംഹാരി ഉപയോഗിക്കാവൂ എന്നു വൈദ്യശാസ്ത്രം ഉപദേശിക്കുന്നു. സ്പാനിഷ് ഗവേഷകരാണ് ഇതു സംബന്ധിച്ച പഠനം നടത്തിയത്. 2,644 അമ്മമാരെയും കുഞ്ഞുങ്ങളെയും അടിസ്ഥാനമാക്കി നടത്തിയ പഠനമാണ് ഇങ്ങനെയൊരു കണ്ടെത്തലില്‍ എത്തിച്ചത്.
ഇവരുടെ കുഞ്ഞുങ്ങള്‍ക്ക് ഒരു വയസുള്ളപ്പോഴും അഞ്ചു വയസുള്ളപ്പോഴും നിരീക്ഷണം നടത്തി. തുടര്‍ന്നാണു ഗര്‍ഭകാലത്തു കഴിച്ച പാരസെറ്റമോള്‍ ഗുളികയും കുഞ്ഞുങ്ങളുടെ ഓട്ടിസബാധയും തമ്മിലുള്ള ബന്ധം കണ്ടെത്തിയത്.

Write A Comment

 
Reload Image
Add code here