നാഫ്ത്ത: ക്രിസ്റ്റിയ ഫ്രീലാന്റ് റോബര്‍ട്ട് ലൈറ്റ്ത്തിസറുമായി ചര്‍ച്ച നടത്തി

Tue,Sep 11,2018


ഓട്ടവ: നാഫ്ത്ത കരാര്‍ പുതുക്കുന്നതിന്റെ ഭാഗമായി കനേഡിയന്‍ വിദേശകാര്യവകുപ്പ് മന്ത്രി ക്രിസ്റ്റിയ ഫ്രീലാന്റ് യു.എസ് വ്യാപാരപ്രതിനിധി റോബര്‍ട്ട് ലൈറ്റ്ത്തിസറുമായി കൂടിക്കാഴ്ച നടത്തി. വാഷിങ്ടണില്‍ നടന്ന ചര്‍ച്ചയുടെ വിശദാംശങ്ങള്‍ പുറത്തുവന്നിട്ടില്ല. കഴിഞ്ഞഒരുവര്‍ഷത്തോളമായി തുടരുന്ന ചര്‍ച്ച സമവായമാകാത്തതിനെ തുടര്‍ന്ന് നീണ്ടുപോകുന്നതിനിടയിലാണ് കൂടിക്കാഴ്ച. നേരത്തെ നാഫ്ത്തയിലെ മറ്റൊരംഗമായ മെക്‌സിക്കോ ഉപാദികള്‍ അംഗീകരിച്ചുകൊണ്ട് യു.എസുമായി പുതിയ കരാറില്‍ ഒപ്പുവച്ചിരുന്നു. എന്നാല്‍ കാനഡയും യു.എസും തമ്മിലുള്ള അഭിപ്രായവ്യത്യാസങ്ങള്‍ തുടരുകയാണ്.

കോണ്‍ഗ്രസില്‍ വോട്ടിനിടുന്നതിനായി എത്രയും പെട്ടെന്ന് കരാര്‍ യാഥാര്‍ത്ഥ്യമാക്കണമെന്ന് യു.എസ് ആവശ്യപ്പെടുമ്പോള്‍ സെപ്തംബര്‍ അവസാനം വരെ തീരുമാനമെടുക്കാന്‍ സമയം വേണമെന്നാണ് കാനഡ പറയുന്നത്. ഡോണള്‍ഡ് ട്രമ്പ് നിശ്ചയിക്കുന്ന അമേരിക്കന്‍ പക്ഷത്തിന്റെ അജണ്ട ചര്‍ച്ചകളില്‍ സൃഷ്ടിക്കുന്ന അനിശ്ചിതത്വം പുതിയൊരു കരാര്‍ ഉണ്ടായാലും അത് ഉപഭോക്താക്കള്‍ക്ക് ആത്യന്തികമായി ദോഷം ചെയ്യുമെന്നാണ് വിദഗ്ധര്‍ നല്‍കുന്ന മുന്നറിയിപ്പ്. യുഎസിന്റെ സംരക്ഷണ നടപടികള്‍ ചിലവുകള്‍ ഉയര്‍ത്തുകയും അനിശ്ചിതത്വം വര്‍ദ്ധിപ്പിക്കുകയും ചെയ്യുന്നതായും നിലവിലുള്ള സ്ഥിതിയെ അപേക്ഷിച്ചു ഉപഭോക്താക്കള്‍ കൂടുതല്‍ വഷളായ അവസ്ഥ അവര്‍ക്കു അനുഭവപ്പെടുമെന്നും അവര്‍ ചൂണ്ടിക്കാട്ടുന്നു.

യുഎസിന് അനുകൂലമായ കരാര്‍ രൂപപ്പെടുത്തുന്നതിനാണ് ട്രമ്പ് ശ്രമിക്കുന്നത്. ഉദാഹരണത്തിന് വ്യാപാര തര്‍ക്കങ്ങള്‍ ഉണ്ടായാല്‍ അത് പരിഹരിക്കുന്നതിനുള്ള സംവിധാനമേ വേണ്ടാ എന്ന നിലപാടിലാണ് ട്രമ്പ്. അത് കൂടാതെ പറ്റില്ല എന്ന നിലപാടാണ് കാനഡയുടേത്.

Other News

  • മറന്നുപോയ വാച്ച് കൊറിയറായി തിരിച്ചെത്തി; കനേഡിയന്‍ നന്മയ്ക്ക് നന്ദി പറഞ്ഞ് പ്രവാസി മലയാളിയുടെ ഫെയ്‌സ്ബുക്ക് കുറിപ്പ്‌
  • ഏഷ്യന്‍ രാഷ്ട്രങ്ങളുമായുള്ള വ്യാപാര ബന്ധങ്ങള്‍ ശക്തമാക്കാന്‍ ജസ്റ്റിന്‍ ട്രൂഡോ
  • തപാല്‍ സമരം: മറ്റ് രാജ്യങ്ങളില്‍ നിന്ന് കത്ത്‌ അയക്കുന്നത് നിര്‍ത്തണമെന്ന് കാനഡ
  • കേരളത്തിനായി എംകെഎ സമാഹരിച്ചത് 18000 ഡോളര്‍;ദുരിതാശ്വാസനിധിയിലേക്ക് 10000 നല്‍കി
  • ടൊറന്റോ മലയാളി സമാജം സുവര്‍ണ്ണ ജൂബിലി ആഘോഷങ്ങള്‍ സമാപിച്ചു
  • നവകേരള നിര്‍മ്മിതിയ്ക്കായ് മലയാളി ലാറ്റിന്‍ കൂട്ടായ്മയുടെ സഹായ ഹസ്തം
  • ലോക മത പാര്‍ലമെന്റ് സമ്മേളനം ടൊറന്റൊയില്‍ നടത്തി; അഹിംസാ അവാര്‍ഡ് ഇന്ത്യയ്ക്ക്
  • പി.സി.എന്‍.എ.കെ മയാമി: ഓണ്‍ലൈന്‍ രജിസ്‌ട്രേഷന്‍ ഉദ്ഘാടനം ചെയ്തു
  • കേരള ക്രിസ്ത്യന്‍ എക്യുമെനിക്കല്‍ ഫെല്ലോഷിപ്പ് അവതരിപ്പിക്കുന്ന ക്രിസ്മസ് കരോള്‍ നവംബര്‍ 17 ന്
  • നാസി ജര്‍മ്മനിയില്‍ നിന്നും രക്ഷപ്പെട്ടെത്തിയ 907 ജൂതര്‍ക്ക് അഭയം നല്‍കാതിരുന്നതില്‍ ജസ്റ്റിൻ ട്രൂഡോയുടെ ക്ഷമാപണം
  • ഖഷോഗ്ജി കൊലയുമായി ബന്ധപ്പെട്ട് തുര്‍ക്കി നല്‍കിയ ഓഡിയോ തങ്ങള്‍ കേട്ടിട്ടുണ്ടെന്ന് കനേഡിയന്‍ പ്രധാനമന്ത്രി
  • Write A Comment

     
    Reload Image
    Add code here