കേരളത്തിനു കൈത്താങ്ങായി സി.എം എ ഫണ്ട് റൈസിങ്ങ് ഇവന്റ്

Mon,Aug 27,2018


ടൊറന്റോ: പ്രളയദുരന്തത്തിലകപ്പെട്ട നാട്ടുകാരുടെ ദു:ഖത്തില്‍ പങ്ക് ചേര്‍ന്ന് ആഗസ്റ്റ് മാസം 25-ാം തീയതി നടത്താനിരുന്ന ഓണാമഹോത്സവം - 2018 റദ്ദാക്കിയതായി കനേഡിയന്‍ മലയാളി അസോസിയേഷന്‍ അറിയിച്ചു.പകരം സെപ്തംബര്‍ 15-ാം തീയതി ശനിയാഴ്ച മിസ്സിസാഗയിലുള്ള സെന്റ് ഫ്രാന്‍സിസ് സേവിയര്‍ സെക്കന്‍ഡറി സ്‌കൂളില്‍ വച്ച് ഒരു ഫണ്ട് റെസിങ്ങ് ഇവന്റ് നടത്തും. ഇതില്‍ നിന്ന് ലഭിക്കുന്ന തുക മുഴുവനായി പ്രളയ ദുരിതം അനുഭവിക്കുന്ന അര്‍ഹതപ്പെട്ട മലയാളി സമൂഹത്തനെത്തിനെത്തിക്കുമെന്നും സംഘാടകര്‍ അറിയിച്ചു.ഭക്ഷണവും എന്റര്‍ടെയിന്‍മെന്റ് പരിപാടികളും ഈ ഇവന്റില്‍ ഉണ്ടായിരിക്കും.

ഒരു ആഘോഷമായി കണക്കാക്കാതെ സങ്കടത്തിലായ മലയാളി സഹോദരങ്ങള്‍ക്ക് ഐക്യദാര്‍ഢ്യം പ്രഖ്യാപിക്കുന്ന ഒരു ഒത്തുചേരലായി കരുതി എല്ലാ കനേഡിയന്‍ മലയാളികളും ഈ ഇവന്റില്‍ പങ്കെടുക്കണം എന്നും കനേഡിയന്‍ മലയാളി അസോസിയേഷന്‍ ഭാരവാഹികള്‍ അഭ്യര്‍ത്ഥിച്ചു. ഫണ്ട് റെസിങ്ങ് പരിപാടിയോട് ചേര്‍ന്ന് വടംവലി നടത്താനും സി എം എ തീരുമാനിച്ചിട്ടുണ്ട്.

ഇത്തവണ പനോരമ ഇന്ത്യ ഇന്ത്യഡേ പരേഡില്‍ കേരളത്തെ പ്രതിനീധികരിച്ച് സി എം എ അവതരിപ്പിച്ച പ്ലോട്ട് ഏറ്റവും നല്ല പ്ലോട്ടുകളില്‍ ഒന്നായി തിരഞ്ഞെടുക്കപ്പെട്ടതായും സംഘാടകര്‍ അറിയിച്ചു. അതിന് ലഭിച്ച സമ്മാനത്തുക ദുരിതാശ്വാസ ഫണ്ടിലേക്ക് ചേര്‍ക്കാന്‍ തീരുമാനിച്ചിട്ടുണ്ട്. അതിനോടൊപ്പം സി എം എയുടെ വെബ്‌സൈറ്റിലും ഫെയ്‌സ്ബുക്കിലും സുതാര്യമായ ഫണ്ട്‌റൈസിങ്ങ് അക്കൗണ്ട് തുടങ്ങാന്‍ കമ്മിറ്റി തീരുമാനിച്ചിട്ടുണ്ട്.

അതിലേക്ക് എല്ലാ കനേഡിയന്‍ മലയാളി സഹോദരങ്ങളും ഉദാരമായി സംഭാവന ചെയ്യണമെന്ന് അഭ്യര്‍ത്ഥിക്കുന്നു.

Other News

  • ടൊറന്റോ മലയാളി സമാജം സുവര്‍ണ്ണ ജൂബിലി ആഘോഷങ്ങള്‍ സമാപിച്ചു
  • നവകേരള നിര്‍മ്മിതിയ്ക്കായ് മലയാളി ലാറ്റിന്‍ കൂട്ടായ്മയുടെ സഹായ ഹസ്തം
  • ലോക മത പാര്‍ലമെന്റ് സമ്മേളനം ടൊറന്റൊയില്‍ നടത്തി; അഹിംസാ അവാര്‍ഡ് ഇന്ത്യയ്ക്ക്
  • പി.സി.എന്‍.എ.കെ മയാമി: ഓണ്‍ലൈന്‍ രജിസ്‌ട്രേഷന്‍ ഉദ്ഘാടനം ചെയ്തു
  • കേരള ക്രിസ്ത്യന്‍ എക്യുമെനിക്കല്‍ ഫെല്ലോഷിപ്പ് അവതരിപ്പിക്കുന്ന ക്രിസ്മസ് കരോള്‍ നവംബര്‍ 17 ന്
  • നാസി ജര്‍മ്മനിയില്‍ നിന്നും രക്ഷപ്പെട്ടെത്തിയ 907 ജൂതര്‍ക്ക് അഭയം നല്‍കാതിരുന്നതില്‍ ജസ്റ്റിൻ ട്രൂഡോയുടെ ക്ഷമാപണം
  • ഖഷോഗ്ജി കൊലയുമായി ബന്ധപ്പെട്ട് തുര്‍ക്കി നല്‍കിയ ഓഡിയോ തങ്ങള്‍ കേട്ടിട്ടുണ്ടെന്ന് കനേഡിയന്‍ പ്രധാനമന്ത്രി
  • റോഹിംഗ്യന്‍ അഭയാര്‍ത്ഥികളെ സ്വീകരിക്കാന്‍ തയ്യാറാണെന്ന് അറിയിച്ചിട്ടും ബംഗ്ലാദേശ് മൗനം പാലിക്കുന്നു; കാനഡ
  • വെല്ലുവിളികൾക്കെതിരെ ആത്മീയത ആയുധമാക്കണം: മാർ കല്ലുവേലിൽ
  • ടോറോന്റോ, വാന്‍കൂവര്‍ ഭവനവിപണികളെ പിന്തള്ളി മോണ്‍ട്രിയോള്‍
  • ഹാള്‍ട്ടണ്‍ മലയാളീസ് കേരളപ്പിറവി ആഘോഷിച്ചു
  • Write A Comment

     
    Reload Image
    Add code here