കനേഡിയന്‍ മലയാളി അസോസിയേഷന്റെ ഓണമഹോത്സവം 2018: ഒരുക്കങ്ങള്‍ പൂര്‍ത്തിയായി

Thu,Aug 09,2018


ടൊറന്റോ:കനേഡിയന്‍ മലയാളി അസോസിയേഷന്റെ ഓണാഘോഷം തിരുവോണ ദിവസം, ആഗസ്റ്റ് 25 തീയതി ശനിയാഴ്ച മിസ്സിസ്സാഗയിലെ 50 ബ്രിഡ്ജ് റോഡ് വെസ്റ്റിലുള്ള സെന്റ് ഫ്രാന്‍സിസ് സേവിയര്‍ സെക്കന്‍ഡറി സ്‌കൂളില്‍ വച്ച് നടക്കും. വൈകിട്ട് 4 മണിയോട് കൂടി ഇരുപത്തി രണ്ട് കൂട്ടം കറികളോട് കൂടിയ വിഭവസമൃദ്ധമായ ഓണസദ്യ പരമ്പരാഗത രീതിയില്‍ തൂശനിലയില്‍ വിളമ്പും.

തുടര്‍ന്ന് താലപ്പൊലി, ചെണ്ടമേളം, മാവേലി മന്നന്‍, കഥകളി, എന്നിവയുടെ അകമ്പടിയോട് കൂടി വര്‍ണ്ണപ്പകിട്ടാര്‍ന്ന ഘോഷയാത്രയും അതിന് ശേഷം, വിവിധ കലാസാംസ്‌കാരിക പരിപാടികളും അരങ്ങേറും. മോഹന്‍ ആര്യത്തിന്റെ നേതൃത്വത്തില്‍ നടക്കുന്ന വനിതകളുടെയും പുരുഷന്മാരുടെയും പ്രത്യേകം ചെണ്ടമേളം ഇത്തവണത്തെ പ്രത്യേകതയാണ്.

മന്ത്രിമാരും എം.പിമാരും ഉള്‍പ്പടെയുള്ള വിശിഷ്ടാതിഥികള്‍ സി.എം.എ ഓണാഘോഷ പരിപാടിയില്‍ ഭാഗമാകും. ഏര്‍ളി ബേര്‍ഡ് ടിക്കറ്റുകള്‍ ഓണ്‍ലൈനില്‍ ആഗസ്റ്റ് 15 വരെ സി.എം.എ വെബ്‌സൈറ്റില്‍ ലഭ്യമാണ്. മുതിര്‍ന്നവര്‍ക്ക് 18 ഡോളറും കുട്ടികള്‍ക്ക് 15 ഡോളറും ആയി ടിക്കറ്റ് നിരക്കുകള്‍ നിജപ്പെടുത്തിയിരിക്കുന്നു.

പക്ഷെ, ഓണ്‍സൈറ്റ് ടിക്കറ്റ് നിരക്ക് മുതിര്‍ന്നവര്‍ക്ക് 20 ഡോളര്‍ ആണ്. കൂടുതല്‍ വിവരങ്ങള്‍ക്കായി കനേഡിയന്‍ മലയാളി അസോസിയേഷന്‍ വെബ്‌സൈറ്റായ http://www.canadianmalayalee.org സന്ദര്‍ശിക്കാവുന്നതാണ്. സി.എം.എയുടെ ഫാമിലി പിക്‌നിക്ക് സെപ്തംബര്‍ 15-ാം തീയതി ശനിയാഴ്ച നടക്കും.

ജിന്‍സി ബിനോയ്‌

Other News

  • ശബരിമലയിലെ ആചാരങ്ങളും പാരമ്പര്യ രീതികളും നിലനിര്‍ത്തണമെന്നാവശ്യപ്പെട്ട് കാനഡയില്‍ നാമജപയാത്ര
  • റൗണ്ട് സ്ക്വയർ സമ്മേളനത്തിൽ ഐ.എസ്.ജി. വിദ്യാർഥികൾ
  • മേയറായി വീണ്ടും തെരഞ്ഞെടുക്കുന്ന പക്ഷം വാര്‍ഷിക സ്വത്ത് നികുതി മൂന്ന് ശതമാനമാക്കുമെന്ന് ജിം വാള്‍ട്‌സണ്‍
  • കാനഡയുടെ വലിയ നഗരങ്ങളില്‍ തൊഴില്‍ വളര്‍ച്ച കുറയുന്നു
  • 10 കോടി ലോട്ടറിയടിച്ചു; ടിക്കറ്റ് ജീന്‍സിന്റെ പോക്കറ്റില്‍, അറിഞ്ഞത് 10 മാസത്തിനു ശേഷം
  • ബ്രാംപ്ടണ്‍ ഗുരുവായൂരപ്പന്‍ ക്ഷേത്രത്തില്‍ പ്രതിഷ്ഠ
  • മലയാളി അസോസിയേഷനുകള്‍ ഒറ്റക്കെട്ടായി പ്രളയം ദുരിതര്‍ക്കായി ധനശേഖരണം നടത്തുന്നു
  • വീടിന്റെ കൈപ്പുണ്യം വിളമ്പി എംകെഎ 'പാഥേയം'
  • കാനഡ എക്‌സാര്‍ക്കേറ്റ് ഇനി ശാക്തീകരണ ഘട്ടത്തിലേക്ക്
  • ആന്‍ഡ്രൂ ഷീറിന്റെ ഇന്ത്യാ സന്ദര്‍ശനം; ജസ്റ്റിന്‍ ട്രൂഡോയേക്കാള്‍ വേഗത്തില്‍ പ്രധാനമന്ത്രി മോഡിയുമായി കൂടിക്കാഴ്ച നടത്തി
  • കളിക്കൂട്ടം കേരള പ്രളയ ദുരിതാശ്വാസ ഫണ്ട് വിനിയോഗം - ഒന്നാം ഘട്ടം ഔദ്യോഗിക ഉദ്ഘാടനം 13 ന് എറണാകുളം വടക്കന്‍ പറവൂരില്‍
  • Write A Comment

     
    Reload Image
    Add code here