മിഷനറി മുന്നേറ്റവുമായി സ്‌കൂള്‍ ഓഫ് ഇവാഞ്ചലൈസേഷന്‍

Thu,Jul 26,2018


മിസ്സിസ്സാഗ: സീറോമലബാര്‍ എക്‌സാര്‍ക്കേറ്റിന്റെ കീഴില്‍ സീറോ മലബാര്‍ യൂത്ത് മൂവ്‌മെന്റിന്റെ ആഭിമുഖ്യത്തില്‍ സ്‌കൂള്‍ ഓഫ് ഇവാഞ്ചലൈസേഷന്‍ 5 ദിവസത്തെ താമസിച്ചുളള ധ്യാനം സംഘടിപ്പിച്ചു. മിസ്സിസ്സാഗ കത്തീഡ്രല്‍, സ്‌കാര്‍ബറോ, ഹാമില്‍ട്ടണ്‍, കിങ്ങ്സ്റ്റണ്‍, ബല്‍വില്‍, മോണ്‍ട്രിയല്‍, ഒട്ടാവ, ടൊറന്റോ സെന്റ് മേരീസ് എന്നീ ഇടവകകളില്‍നിന്നുളള 43 യൂത്ത് പങ്കെടുത്തു. ഫാ. സോജി ഓലിക്കലിന്റെ നേതൃത്വത്തില്‍ യു. കെ. സെഹിയോന്‍ മിനിസ്ട്രീസിലുളള ജിത്തു, റെനി, സില്‍ബി, സിസ്റ്റര്‍ മീന എന്നിവരായിരുന്നു നേതൃത്വം നല്‍കിയത്. സെന്റ് ഇഗ്‌നേഷ്യസ് റിട്രീറ്റ് സെന്റര്‍ ഡീമേര്‍ട്ടണ്‍ ആയിരുന്നു ധ്യാനം നടത്തിയ സ്ഥലം.

അഭിവന്ദ്യ ജോസ് കല്ലുവേലീല്‍ പിതാവും എസ് എം വൈ എം ഡയറക്ടര്‍ മാര്‍ട്ടിനച്ചനും സന്നിഹിതരായിരുന്ന ധ്യാനത്തിന്റെ ക്രമീകരണങ്ങള്‍ക്ക് മേനോട്ടം വഹി ച്ചത് സി. ജെസ്‌ലിന്‍, സി. ജെയ്‌സ് മരിയ, സി. വല്‍സ തെരേസ് എന്നിവരായിരുന്നു. വിശുദ്ധ കുര്‍ബാന, ആരാധന, സ്തുതിപ്പ്, വിവിധ ക്ലാസ്സുകള്‍ എന്നിവയില്‍ പങ്കെടുത്തവരുടെ വിശ്വാസ ജീവിതത്തിന് കൂടുതല്‍ ആഴവും വ്യക്തതയും നല്‍കിയതിലൂടെ ഈശോയ്ക്ക് വേണ്ടി സാക്ഷ്യം വഹിക്കാനുളള വലിയ ബോദ്ധ്യത്തിലേയ്ക്ക് അവരെ നയിക്കുകയും ചെയ്തു. കുടുംബ ത്തിനും സഭയ്ക്കും സമൂഹ ത്തിനും ഉ ത്തമപൗരന്മാരാകുവാന്‍, മൂല്യച്യുതിയിലും ധാര്‍മ്മികാധ:പതന ത്തിലുംപെട്ട് തങ്ങളുടെ മക്കള്‍ നശിച്ചു പോകാതിരിക്കുവാന്‍ മാതാപിതാക്കള്‍ക്കുളള തീക്ഷണതയും സഹകരണവും ഏറെ പ്രശംസനീയമായിരുന്നു.

എല്ലാവരും മിഷനറിമാരാണ് എന്ന തിരിച്ചറിവ് ഓരോരുത്തരിലും ആഴപ്പെടുത്തുകയും ആ ഒരു ദൗത്യത്തിനായി സമാപനദിവസം നടന്ന വിശുദ്ധകുര്‍ബാനയിലൂടെയും കമ്മീഷണിംഗ് ചടങ്ങിലൂടെയും ഏവരേയും സജ്ജമാക്കുകയും ചെയ്തു. നിങ്ങള്‍ ലോകമെങ്ങും പോയി സുവിശേഷം പ്രസംഗിക്കുവിന്‍ എന്ന് ശിഷ്യന്മാരോട് അരുള്‍ച്ചെയ്ത യേശുനാഥന്റെ വാക്കുകളെ ഓര്‍മ്മപ്പെടുത്തിക്കൊണ്ട് അഭിവന്ദ്യപിതാവ് 43 യൂത്തിനെയും മിഷനറിമാരായി അയയ്ക്കുകയും ചെയ്തു. എല്ലാ മാസവും ഇതിന്റെ ഒരു ഫോളോഅപ്പ് നടത്തണം എന്നതും ഈ ഒരു ധ്യാനം (സ്‌കൂള്‍ ഓഫ് ഇവാഞ്ചലൈസേഷന്‍) എല്ലാ വര്‍ഷവും സംഘടി പ്പിക്കണമെന്നും തീരുമാനിച്ചു. സ്‌കൂള്‍ ഓഫ് ഇവാഞ്ചലൈസേഷന്‍ അഭിഷേകപൂര്‍ണ്ണവും ദൈവികാനുഭവപ്രദവുമായിരുന്നുവെന്ന് പങ്കെടുത്ത എല്ലാവരും അഭിപ്രയെപ്പട്ടു.

Other News

  • കനേഡിയന്‍ സമ്പദ്ഘടനയ്ക്ക് ഭീഷണി 'സോബി' കമ്പനികള്‍
  • ഇന്ത്യന്‍ ചിത്രത്തിന്‌ ടൊറന്റോ ചലച്ചിത്ര പുരസ്‌കാരം
  • ഇന്ത്യന്‍ ചിത്രത്തിന്‌ ടൊറന്റോ ചലച്ചിത്ര പുരസ്‌കാരം
  • കാനഡയിൽ ഗവേഷണത്തിന് ഇന്ത്യൻ ഓയിൽ ഫെലോഷിപ്പ്
  • ആക്ട്‌സ് 4:12 ഷോയ്ക്കായി മിസ്സിസാഗ ഒരുങ്ങി
  • ടൊറന്റോ സെന്റ് മേരീസ് ക്‌നാനായ കത്തോലിക്ക ദേവാലയത്തില്‍ പരിശുദ്ധ കന്യാമറിയത്തിന്റെ പിറവിത്തിരുന്നാളും എട്ടു നോമ്പാചരണവും നടത്തി
  • ബ്രാംപ്ടണ്‍ നഗരത്തിന്റെ മേയര്‍ സ്ഥാനത്തേക്കും രണ്ട് കൗണ്‍സിലര്‍ സ്ഥാനത്തേക്കും മലയാളികള്‍ മത്സരിക്കുന്നു
  • കാനഡയിലെ സീറോ മലബാര്‍ എക്‌സാര്‍ക്കേറ്റ് നാലാം വയസിലേക്ക് ...
  • മാള്‍ട്ടന്‍ മലയാളി ഫുട്‌ബോള്‍ ടൂര്‍ണമെന്റ്: റോയല്‍ കേരള ചാമ്പ്യന്‍മാര്‍
  • വ്യവസ്ഥകള്‍ക്ക് അതീതമായദൈവത്തിലുള്ള ആശ്രയത്വം മതബോധകര്‍ക്കു വേണ്ട ഏറ്റവും പ്രധാന യോഗ്യത: ഫാ. ജിമ്മി പൂച്ചക്കാട്ട്
  • കേരളത്തെ സഹായിക്കാന്‍ എസ് എന്‍ എ സാംസ്‌ക്കാരിക പരിപാടി നടത്തി
  • Write A Comment

     
    Reload Image
    Add code here